Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Ésaïe 31:1-9

LI TI ATËNË NI

  • Nzapa la ayeke tâ zo ti mungo maboko, me mba ti e zo ape (1-9)

    • Ambarata ti Égypte ayeke gï ye ti sese (3)

31  Mawa na azo so adescend na Égypte ti tene azo ni amû maboko na ala,+ azo so azia bê ti ala na ndö ti ambarata,+ azo so azia bê ti ala na ndö ti ambarata ndali ti so ala yeke mingi nga na azo so azia bê ti ala na ndö ti ambarata ti bira* ndali ti so ala yeke ngangu mingi. Me ala bâ ndo pëpe na mbage ti Nzapa ti Israël so ayeke nzoni-kue, nga ala gi Jéhovah pëpe.   Me lo nga kue lo yeke na ndara, na lo yeke ga na ye ti ngangu, nga lo yeke changé yanga ti lo pëpe. Lo yeke londo na terê ti bungbi ti azo ti sioni nga na terê ti azo so ayeke mû maboko na ala. +   Azo ti Égypte ayeke gï asenge zo, ala yeke Nzapa pëpe. Ambarata ti ala ayeke gï ye ti sese, ala yeke ayingo pëpe.+ Na ngoi so Jéhovah ayôro maboko ti lo na terê ti ala, zo kue so aye ti mû maboko na ala ayeke pika gere ti lo; nga zo kue so zo amû maboko na lo ayeke tï. Ala kue ayeke kui legeoko.   Jéhovah atene na mbi: “Mbeni bamara, ngangu bamara so akono awe,* ayeke suku ndali ti nyama so lo gbu lo. Tongana gbâ ti aberger aga ti tomba lo, dekongo ti ala ayeke zia mbeto na yâ ti lo pëpe nga bruit ti ala ayeke sara ye oko na lo pëpe. Jéhovah ti aturugu ayeke sara ye tongana bamara na ngoi so lo ga ti sara bira na ndö ti Hoto ti Sion, na li ti hoto ni.   Legeoko tongana andeke so ayeke huru ti bata amolenge ti ala, Jéhovah ti aturugu ayeke gbu koko ti Jérusalem.+ Lo yeke gbu koko ti lo nga lo sö lo. Lo yeke sara si ye ti sioni asi na Jérusalem pëpe nga lo yeke zi lo.”  “Ala azo ti Israël, ala kiri na mbage ti Lo so ala ke yanga ti lo na mbana so,+  ndali ti so mbeni ngoi ayeke ga so zo oko oko ayeke ke anzapa ti lo ti argent nga na ti lor so ayeke asenge senge ye, so ala wani asara siokpari na sarango ni na maboko ti ala.   Zo ti Assyrie ayeke tï na lege ti épée, me na lege ti épée ti zo pëpe; épée so ayeke ti zo pëpe la ayeke fâ ande lo.+ Épée la ayeke sara si lo kpe, nga a yeke gbu awakua ti lo so ade maseka ti sara akua ti ngangu.   Kota mbeto ayeke sara si kota tênë ti lo ayeke kpe, nga yongoro keke so a kpo ni na nduzu si azo abâ ni ayeke zia kota mbeto na yâ ti azo ti lo so ayeke amokonzi.” Tënë ti yanga ti Jéhovah la, lo so lumière* ti lo ayeke na Sion nga so four ti lo ayeke na Jérusalem.

Kete tënë

Wala “na azo ti kpengo na mbarata.”
Wala “koli-bamara so akono awe.”
Wala “wâ.”