Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Ésaïe 26:1-21

LI TI ATËNË NI

  • Bia ti fa bê so zo azia na ndö ti Jéhovah nga na salut ti lo (1-21)

    • Jah Jéhovah ayeke Kota tênë so angbâ lakue lakue (4)

    • Azo ayeke manda ye na ndö ti sarango ye mbilimbili (9)

    • “Azo ti mo so akui ayeke kiri ande na fini” (19)

    • Lï na yâ ti chambre na yâ ni kâ na honde terê (20)

26  Na ngoi ni so, a yeke he ande bia+ so na sese ti Juda:+ “E yeke na ngangu gbata.+ Nzapa asara si salut aga tongana gbagba nga tongana sese so a monté ni ti tene aga koto na terê ti gbagba ti gbata ni.+   Azo, ala zi ayanga ti gbagba ni+ si mara so ayeke mbilimbili alï dä,mara so ayeke sara lakue ye so bê ti Nzapa aye.   Mo yeke bata azo so azia bê ti ala kue na mo;*mo yeke sara si ala duti lakue na siriri,+ndali ti so ala zia bê ti ala kue na mo.+   Azo, ala zia bê ti ala na Jéhovah teti lakue lakue,+ndali ti so Jah* Jéhovah ayeke Kota tênë so angbâ lakue lakue.+   Azo so asara kodro na ndo so ayo na nduzu, na yâ ti gbata so ayo na nduzu, lo kiri na ala na gbe ni. Lo kungbi gbata ni,lo kungbi ni na sese. Lo bi ni na yâ ti fuku ti sese.   Azo so abâ pasi nga na azo ti mawaayeke tambela na ndö ni.”   Lege ti zo ti mbilimbili ayeke nzoni lege.* So mo yeke sara ye na lege ni,mo yeke sara si lege so azo ti mbilimbili amû aduti nzoni lege.   Jéhovah, na ngoi so e sara ye alingbi na ambela ti mo,e zia bê ti e kue ti ku mo. E* ye iri ti mo mingi nga na ye so ayeke dabe ti e na mo.*   Lakue na bï, na bê ti mbi kue,* mbi ye si mo duti nduru na mbi. Na gbe ti bê ti mbi, mbi ngbâ gï ti gi mo.+ Na ngoi so mo tokua ambela ndali ti sese,azo ni ayeke manda ye na ndö ti sarango ye mbilimbili.+ 10  Même tongana a sara nzoni bê na zo ti sioni,lo yeke manda pëpe ti sara ye mbilimbili.+ Même tongana lo sara kodro na popo ti azo ti mbilimbili,* lo yeke sara ye ti sioni,+na lo yeke bâ kota ti Jéhovah pëpe.+ 11  Jéhovah, mo yôro maboko ti mo na nduzu, me ala bâ ni pëpe.+ Ala yeke bâ tongana nyen la tënë ti azo ti mo ason mo mingi, na kamene ayeke sara ala. Wâ so mo ga na ni ndali ti awato ti mo ayeke gbi ala. 12  Jéhovah, mo yeke mû na e siriri,+ndali ti so ye kue so e sara,a yeke na ngangu ti mo la e sara ni. 13  Jéhovah Nzapa ti e, ambeni maître nde akomande lani na ndö ti e,+me gï mo oko la iri ti mo ayeke na yanga ti e.+ 14  Ala kue akui awe; ala yeke duti na fini pëpe. So ala kui awe na ala yeke na ngangu ape so, ala yeke londo pëpe,+ndali ti so mo bi lê ti mo na ndö ti alati futi ala nga ti zi aye kue so asara si azo adabe na ala.  15  Jéhovah, mo sara si azo ti mara ni akiri aga gbani,mo sara si azo ti mara ni akiri aga gbani. Mo mû gloire na mo wani awe.+ Mo sara si e wara asese gbani na ambage kue ti kodro ni.+ 16  Jéhovah, na ngoi so azo ti mo ayeke na yâ ti ye ti vundu, ala bâ ndo na mbage ti mo;na ngoi so mo punir ala lani ti fa lege na ala, ala zi bê ti ala na mo, ala sambela mo na gbe ti go ti ala.+ 17  Jéhovah, mo la mo sara si e yeketongana mama ti ngo so aye ti düso songo ti yâ ti lo asara si lo yeke dekongo. 18  E mû ngo, yâ ti e ason ngangu,me a yeke mo bâ mo tene e dü gï pupu. E sara si salut aga na kodro ni pëpe,nga a dü mbeni zo pëpe ti sara kodro dä. 19  Nzapa atene: “Azo ti mo so akui ayeke kiri ande na fini. Azo ti mbi so akui* ayeke londo ande.+ Ala azo so alango na yâ ti fuku ti sese,+ala zingo, ala dekongo na ngia! Ngu ti pere so aga na terê ti ala ayeke tongana ngu ti pere ti ndapre,*nga sese ayeke zia si azo so akui awe na so ayeke na ngangu pëpe akiri na fini.* 20  Azo ti mbi, ala gue, ala lï na yâ ti achambre ti ala so ayeke na yâ ni kâ,ala kanga porte na peko ti ala.+ Ala honde terê ti ala teti mbeni kete ngoijuska kota ngonzo ti mbi* adë si.+ 21  Ala bâ! Jéhovah alondo na ndo ti lo, lo yeke gati hunda na azo ti kodro ni ti kiri tënë ndali ti afaute ti ala. A yeke bâ ande polele mênë ti azo so atuku na yâ ti kodro ni,na kodro ni ayeke honde encore ape kuâ ti azo so a fâ ala.”

Kete tënë

A lingbi nga ti tene “azo so ayeke changé pëpe ye so ala ye ti sara.”
“Jah” ayeke nduru iri ti Jéhovah.
Wala “ayeke lege so kûtu ayeke dä pëpe.”
Wala “Na âme ti e kue, e.”
So ti tene e ye si azo ahinga nga adabe ti ala na Nzapa nga na iri ti lo.
Wala “na âme ti mbi kue.”
Wala “azo so ayeke sara ye na lege ni.”
Na Hébreu: “Kuâ ti zo so ayeke ti mbi.”
A lingbi nga ti tene “ngu ti pere so atuku na terê ti akugbe ti kasa.”
Wala “sese ayeke dü ala so kuâ amû ala.”
Wala “ye so mbi sara ti fa ngonzo ti bê ti mbi.”