Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Ésaïe 22:1-25

LI TI ATËNË NI

  • Tënë ti ngbanga na terê ti Popo-hoto so azo ayeke bâ vision dä (1-14)

  • Éliakim amû place ti Shébna, wabatango ye (15-25)

    • Éliakim ayeke ga tongana pointe so a pika na terê ti mur (23-25)

22  Tënë ti ngbanga so Nzapa atene na terê ti Popo-hoto ti vision:*+ Azo, nyen la asara si ala kue amonté na li ti da ti ala so?   Wusuwusu ahon ndö ni na yâ ti mo, mo gbata so asi singo na wuluwulu nga na pumba ti kirikiri. Mbeni ye afâ azo ti mo, me a yeke épée pëpe, nga ala kui, me na yâ ti bira pëpe.+   Azo ti mo so akomande na ngangu abungbi oko akpe.+ Azo amû ala akanga ala, sân ti tene azo ni apika ala na kokora. Ala kue so a wara ala, a mû ala a kanga ala,+ atâa so ala kpe ayo.   Ndani la mbi tene: “Ala bi lê ti ala yongoro na mbi, na mbi yeke toto na vundu.+ Ala ngbâ ti gi ti dë bê ti mbi pëpe ndali ti azo ti mbi so a futi ala.+   A yeke lango so Seigneur ti dunia kue, Jéhovah ti aturugu, asara si li ti azo aga kirikiri, asö benda na ndö ti ala nga asara si mbeto apusu azo ti sara ye kirikiri+ na yâ ti Popo-hoto ti vision. Azo ayeke kungbi gbagba+ nga a yeke mä dekongo ti azo juska na ndö ti hoto.   Azo ti kodro ti Élam+ amû bozo ti kokora, ala ga na apuse nga na ambarata.* Kodro ti Kir+ azi ye so a bi na ndö ti vala.*   Apopo-hoto* ti mo so ayeke nzoni ahon atanga ni ayeke si ande singo na apuse ti bira, ambarata* ayeke gue ti luti na yanga ti gbagba,   nga a yeke zi ye so azo ti Juda ayeke honde terê ti ala na peko ni.* “Na ngoi ni so, ala yeke bâ ndo na mbage ti ndo so aye ti bira ayeke dä na yâ ti da so a iri ni Gbako ti Liban.+  Ala yeke bâ gbâ ti adû na terê ti gbagba ti Gbata ti David.+ Ala yeke bata ande ngu na ndo so a leke ti bata ngu dä, so ayeke na mbage ti gbe ni.+ 10  Ala yeke diko ada so ayeke na Jérusalem, na ala yeke kungbi ambeni da ti mû aye ti terê ni ti leke na gbagba ni si akiri akpengba. 11  Na popo ti amur use ti gbagba ni, ala yeke leke mbeni ndo ti mû ngu so ayeke na ngbene ndo so a leke ti bata ngu dä, ti ga na ni na yâ ni. Me ala yeke bâ ndo pëpe na mbage ti Kota Nzapa so asara si aye ni aduti tongaso, nga ala yeke bâ pëpe Zo so aleke aye ni ândö awe ti tene asi tongaso. 12  Na ngoi ni so, Seigneur ti dunia kue, Jéhovah ti aturugu, ayeke hunda na azo ti toto, ti sara vundu,+ ti fâ li ti ala na lakpangba nga ti yü bongo ti vundu. 13  Me ala yeke sara matanga, ala yeke dekongo na ngia, ala yeke fâ abagara na ataba, ala yeke te nyama nga ala yeke nyon vin.+ Ala yeke tene: ‘Zia e te, e nyon, ngbanga ti so kekereke e yeke kui.’”+ 14  Na pekoni, Jéhovah ti aturugu asara tënë na mê ti mbi, atene: “‘A yeke sara pëpe mbeni ye ti zi faute ti ala so juska ala kui.’+ Tënë ti yanga ti Seigneur ti dunia kue, Jéhovah ti aturugu, la.” 15  Seigneur ti dunia kue, Jéhovah ti aturugu, atene: “Gue na ndo ti Shébna,+ wabatango ye, so ayeke bâ ndo na ndö ti da* ti gbia, na mo tene na lo: 16  ‘Nyen ti mo la ayeke ge? Zo wa ti mo la ayeke ge, si mo zi dû ti kuâ ti mo ge so?’ Lo zi dû ti kuâ ti lo na mbeni ndo so ayeke na nduzu. A yeke na yâ ti kota tênë la lo leke ndo ti wungo terê* ti lo dä. 17  ‘Mo koli, Jéhovah ayeke bi ande mo na sese na ngangu, lo yeke gbu mo ngangu. 18  Lo yeke roulé mo tongana bongo na lo yeke bi mo na yâ ti mbeni ndo so akono, tongana ti so zo ayeke bi ballon. Mo yeke kui ande kâ, na apendere puse ti mbarata ti mo ayeke ngbâ ande kâ. A yeke duti ande ye ti kamene ndali ti da ti wa ti mo. 19  Mbi yeke zi ande mo na kota ndo ti mo, nga mbi yeke tomba mo na yâ ti bureau ti mo.  20  “‘Na ngoi ni so, mbi yeke iri wakua ti mbi Éliakim,+ molenge ti Hilkiah. 21  Mbi yeke mû yongoro bongo ti mo ti kua ti yü na lo, mbi yeke mû ceinture ti mo ti kanga na yâ ti lo nzoni+ nga mbi yeke mû na lo komandema ti mo.* Lo yeke ga babâ ti azo ti Jérusalem nga na ahale ti Juda. 22  Mbi yeke zia clé ti da ti David+ na ndö ti kate ti lo. Tongana lo zi yanga-da, zo ayeke kanga na peko ti lo pëpe. Tongana lo kanga yanga-da, zo ayeke zi na peko ti lo pëpe. 23  Mbi yeke sara si lo ga tongana pointe so a pika na terê ti mbeni mur so akpengba, na lo yeke ga tongana trône ti gloire ndali ti da ti babâ ti lo. 24  A yeke zia gloire* kue ti da ti babâ ti lo na ndö ti lo. Ahale ti babâ ti lo nga na amolenge ti ala ayeke calé na terê ti lo tongana ti so zo ayeke calé akete sembe kue, ata so akpa dû ti sembe nga na akota ta kue na terê ti pointe. 25  “‘Na ngoi ni so, a yeke zi pointe so a pika ni na terê ti mur so akpengba so. A yeke fâ pointe ni a bi ni na sese,+ na anengo ye so acalé na terê ti pointe ni so ayeke tï na abuba, ndali ti so Jéhovah asara tënë ni awe,’” tënë ti yanga ti Jéhovah ti aturugu la.

Kete tënë

Na bango ni, a ye ti sara tënë ti Jérusalem.
Wala “azo ti kpengo na ambarata.”
Wala “aleke vala.”
Wala “Akpangbala ndo.”
Wala “azo ti kpengo na ambarata.”
Wala “ye ti batango ala.”
Wala “yangbo.”
Na Hébreu: “da.”
Wala “ando so mo komande dä.”
Na Hébreu: “nengo.”