Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Ésaïe 21:1-17

LI TI ATËNË NI

  • Tënë ti ngbanga na ndö ti benyama so ayeke na terê ti ngu-ingo (1-10)

    • Lutingo na ndö ti tour ti bâ ndo (8)

    • “Babylone atï awe!” (9)

  • Tënë ti ngbanga na ndö ti Dumah nga na ndö ti kpangbala ndo ti désert (11-17)

    • “Sinziri, bï ni ayeke tongana nyen?” (11)

21  Tënë ti ngbanga so Nzapa adë na ndö ti benyama so ayeke na terê ti ngu-ingo:*+ Mbeni ye alondo na yâ ti benyama, na kodro so amû mbeto na zo, ayeke ga tongana kota pupu so ayeke ya ngangu na mbage ti sud.+   Na yâ ti vision, a fa na mbi mbeni ye so amû mbeto mingi: Zo ti handa ayeke sara ye na lege ti handa, na zo ti futingo ye ayeke futi ye. Kodro ti Élam, gue! Kodro ti Médie,+ gue mo tiri! Mbi yeke sara si apasi kue so lo ga na ni na ndö ti azo ahunzi.+   Vision so mbi bâ asara mbi pasi mingi.*+ Mbi gboto tongana wali so aye ti dü. Vundu ahon ndö ti mbi, a sara si mbi mä tënë pëpe; ye ni ayengi mbi ngangu mingi, a sara si mbi bâ ndo pëpe.   Bê ti mbi afun kue; terê ti mbi adö na mbeto. Ngoi so lâ ayeke linda, so mbi ye ni lani mingi, asara si terê ti mbi adö na mbeto.   Ala leke table nga na aye ti duti! Ala te ye, ala nyon ye!+ Ala amokonzi, ala londo, ala soro* vala!   Jéhovah atene na mbi: “Gue, mo zia mbeni sinziri, na hunda na lo ti fa peko ti ye so lo bâ.”   Sinziri ni abâ apuse ti bira so ambarata ayeke gboto ni; lo bâ apuse ti bira so akororo ayeke gboto ni nga na apuse ti bira so achameau ayeke gboto ni. Lo bâ ndo nzoni, mbeni ye ahon lê ti lo pëpe.   Na pekoni lo dekongo tongana bamara, lo tene: “Jéhovah, lakue na kota lâ mbi yeke luti na ndö ti tour ti tene mbi bâ ndo; lakue na bï, mbi yeke luti na ndo ti mbi ti mungo garde.+   Bâ ye so ayeke ga so: Aturugu na yâ ti apuse ti bira so ambarata ayeke gboto ni!”+ Na pekoni lo sara tënë, lo tene: “Babylone atï awe! Lo tï awe!+ Ayanda kue ti anzapa ti lo so a leke ni na kode ayeke lango na sese, yâ ni afâ kue!”+ 10  Azo ti mbi so ayeke tongana alê ti kobe so a pika ni si a zi saleté ni awe, lengo* ti ndo ti mbi ti pikango lê ti kobe,+ mbi fa na ala awe peko ti ye so mbi mä na yanga ti Jéhovah ti aturugu, Nzapa ti Israël.  11  Tënë ti ngbanga so Nzapa adë na ndö ti kodro ti Dumah:* Mbeni zo so ayeke na kodro ti Séir+ ayeke dekongo na mbi, atene: “Sinziri, bï ni ayeke tongana nyen? Sinziri, bï ni ayeke tongana nyen?” 12  Sinziri ni atene: “Ndo aga nduru ti han awe, nga ndo ayeke kiri ti vuko ande. Tongana ala ye ti kiri ti hunda ndo, ala hunda senge. Ala kiri ala ga.” 13  Tënë ti ngbanga so Nzapa adë na ndö ti kpangbala ndo ti désert: Ala azo ti Dedan+ so ayeke tambela na ndö ti anyama ti ala, na bï, ala yeke lango ande na yâ ti gbako so ayeke na kpangbala ndo ti désert.  14  Ala azo ti kodro ti Téma,+ ala mû ngu ague na devant ti azo so go ti ala ahule, na ala gue na mapa na azo so ayeke kpe, 15  ndali ti so ala kpe a-épée, a-épée so a gboto ni na yâ ti bozo ni awe; ala kpe kokora so a gboto ni ti pika ni, nga ala kpe bira so ayeke sioni mingi. 16  Jéhovah atene na mbi: “Na hunzingo ti ngu oko, a yeke zi gloire ti kodro ti Kédar+ kue. (A diko ngu oko so tongana ti so zo so a mû lo ti sara kua ayeke diko ni.*) 17  Tanga ti angangu turugu ti Kédar so ayeke pika kokora ayeke ngbâ mingi pëpe, ndali ti so Jéhovah Nzapa ti Israël asara tënë ni awe.”

Kete tënë

Âmanke a ye ti sara tënë ti ndo so Babylonie ayeke dä ândö.
Na Hébreu: “asara si yâ ti bassin ti mbi ason ngangu.”
Wala “ala tuku mafuta na ndö ti.”
Na Hébreu: “molenge.”
Ndani aye ti tene “Ndo adë ngii.”
Wala “a diko ni nzoni tongana ti so zo so a mû lo na kua ayeke sara”; so ti tene a yeke gï ngu oko net.