Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Ésaïe 20:1-6

LI TI ATËNË NI

  • Ye so ayeke si ande na Égypte nga na Éthiopie (1-6)

20  Na yâ ti ngu so Sargon, gbia ti Assyrie, atokua Tartan* na gbata ti Ashdod,+ lo tiri na azo ti gbata ni na lo mû ni.+  Na ngoi ni so, Jéhovah asara tënë na Ésaïe+ molenge ti Amos, atene: “Mo gue, mo zi bongo ti vundu so mo kanga na ngbonda ti mo nga mo zi poro so ayeke na gere ti mo.” Lo sara tongaso, lo tambela terê ti lo senge* nga gere senge.  Na pekoni Jéhovah atene: “Wakua ti mbi Ésaïe atambela terê senge nga gere senge na yâ ti ngu ota. Lo sara ni ti fa ye+ so ayeke si ande na azo ti Égypte+ na ti Éthiopie+ nga ti gboto mê ti ala:  Gbia ti Assyrie ayeke mû ande azo ti Égypte+ so lo mû ala na ngbâa nga na ala ti Éthiopie, amaseka-koli nga na ambakoro-koli, lo yeke gue na ala terê senge, gere senge nga ngbonda senge; na a yeke bâ azo ti Égypte terê senge.*  Mbeto ayeke hon ndö ti ala nga kamene ayeke sara ala ndali ti so ala zia bê ti ala na Éthiopie nga ala pika kate ndali ti Égypte.*  Na ngoi ni so, azo so asara kodro na yanga ti ngu ayeke tene: ‘Ala bâ ye so asi na akodro so e zia bê ti e dä, so e kpe dä ti tene a mû maboko na e nga a zi e na maboko ti gbia ti Assyrie! Ti fadeso e yeke kpe na maboko ti lo tongana nyen?’”

Kete tënë

Wala “kota zo ti kodro.”
Wala “lo tambela gï na bongo so lo yü na gbe ti bongo ti lo.”
Wala “na a yeke ga ye ti kamene ndali ti Égypte.”
Wala “ala gonda pendere ti Égypte.”