Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Ésaïe 2:1-22

LI TI ATËNË NI

  • A yâa hoto ti Jéhovah na nduzu (1-5)

    • A-épée aga alê ti kpoka ti charrue (4)

  • Lango ti Jéhovah abi kamene na lê ti azo ti baba (6-22)

2  Vision so Ésaïe, molenge ti Amos, abâ so andu Juda na Jérusalem:+   Na andangba lango ni,* hoto so da ti Jéhovah ayeke na ndö niayeke luti nganganga na ayo ahon tanga ti ahoto,+a yeke yo na nduzu ahon li ti akete hoto,na amara kue ayeke kungbi ti gue kâ tongana ngu so ayeke sua.+   Azo ti amara mingi ayeke gue, na ala yeke tene: “Ala ga, e monté na hoto ti Jéhovah,e gue na da ti Nzapa ti Jacob.+ Lo yeke fa alege ti lo na e,na e yeke tambela na ndö ti alege ti lo ni.”+ Ndia* ayeke sigi na Sion si amû ndo,na tënë ti Jéhovah ayeke sigi na Jérusalem si amû ndo.+   Lo yeke sara kua ti juge na popo ti amara,nga lo yeke sara si aye akiri na lege ni na popo ti azo ti amara mingi.  Ala yeke pika a-épée ti ala si aga alê ti kpoka ti charruenga ala yeke pika alikongo ti ala si aga azembe ti fango na amaboko ti keke.+ Mara ayeke mû épée na terê ti mbeni mara pëpe,nga ala yeke manda sarango bira encore ape.+   Ahale ti Jacob, ala ga,e tambela na yâ ti lumière ti Jéhovah.+   Mo girisa ahale ti Jacob so ayeke azo ti mara ti mo awe,+ndali ti so aye so alondo na akodro ti mbage ti est asi singo na ndo ti ala. Ala yeke sara magie+ tongana aPhilistin,nga amolenge ti awande asi singo na ndo ti ala.   Argent na lor asi singo na kodro ti ala,ala wara amosoro ti bê ti ala. Ambarata asi singo na kodro ti ala,ala wara apuse ti mbarata ti bê ti ala.+   Anzapa so ayeke ye oko pëpe asi singo na yâ ti kodro ti ala.+ Ala yeke kuku na gbe ti kusala ti maboko ti ala,na gbe ti ye so ala leke na li ti maboko ti ala wani.   Tongaso, zo abi tâ nengo ti lo na sese ngbii lo ga tâ senge ye. Mo lingbi nga ti pardonné ala pëpe. 10  Lï na yâ ti kota tênë, honde terê ti mo na yâ ti fuku ti sesendali ti so Jéhovah aga ti sara mbeni ye, na a mû mbeto na zo mingi;gloire ti lo na kota ti lo amû mbeto na zo mingi.+ 11  Kamene ayeke gbu ande lê ti zo ti baba,nga kamene ayeke gbu zo ti fandara.* Gï Jéhovah oko la azo ayeke yâa iri ti lo na lango ni so, 12  ndali ti so a yeke lango ti Jéhovah ti aturugu.+ Lango ni so ayeke ga na ndö ti zo oko oko kue so ayeke zo ti baba nga zo ti fandara,a yeke ga na ndö ti azo kue, atâa ala so a yâa iri ti ala wala asenge zo.+ 13  A yeke ga na ndö ti akeke ti cèdre ti Liban kue so ayo nga so a gonda ni,a yeke ga nga na ndö ti akeke ti chêne ti Basan kue. 14  A yeke ga na ndö ti ahoto kue so ayo na nduzunga na ndö ti akete hoto so ayo na nduzu. 15  A yeke ga na ndö ti atour kue so ayo na nduzu nga na angangu gbagba kue. 16  A yeke ga na ndö ti abateau kue ti Tarsis+nga na ndö ti apendere bateau kue. 17  Kamene ayeke gbu ande lê ti zo ti baba,nga kamene ayeke gbu zo ti fandara.* Gï Jéhovah oko la azo ayeke yâa iri ti lo na lango ni so. 18  Anzapa so ayeke ye oko pëpe ayeke girisa biani biani.+ 19  Azo ayeke lï ande na yâ ti adû ti akota tênënga na yâ ti adû so ayeke na gbe ti sese,+ndali ti so Jéhovah aga ti sara mbeni ye, na a mû mbeto na zo mingi;+gloire ti lo na kota ti lo amû mbeto na zo mingina ngoi so lo londo ti sara si sese adö na mbeto. 20  Na lango ni so, azo ayeke mû ande anzapa ti ala ti argent nga na ti lor so ayeke ye oko pëpe so,so ala sara ni ti kuku na gbe ni so,ala bi ni na akolofia* nga na adongi,*+ 21  si ala lï na yâ ti adû ti akota tênënga na yâ ti akota tênë so yâ ni asuru,ndali ti so Jéhovah aga ti sara mbeni ye, na a mû mbeto na zo mingi;gloire ti lo na kota ti lo amû mbeto na zo mingina ngoi so lo londo ti sara si sese adö na mbeto. 22  Ndali ti nzoni ti ala wani, ala zia ti zia bê ti ala na ndö ti senge zoso lo yeke gï tongana pupu so ayeke sigi na dû ti hôn ti lo.* Lo yeke nyen si a pensé na lo?

Kete tënë

Wala “Na lâ ti nda ni.”
Wala “Fango ye.”
Wala “a yeke sara si zo ti fandara aga kete.”
Wala “a yeke sara si zo ti fandara aga kete.”
Adeku so ayeke te ye mingi.
Wala “nyama ti ngia; chauve-souris.”
Wala “so pupu so lo yeke wu ayeke na dû ti hôn ti lo.”