Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Ésaïe 19:1-25

LI TI ATËNË NI

  • Tënë ti ngbanga na ndö ti Égypte (1-15)

  • Égypte ayeke hinga Jéhovah ayeke zo wa (16-25)

    • Mbeni gbalaka ndali ti Jéhovah na Égypte (19)

19  Tënë ti ngbanga so Nzapa adë na ndö ti Égypte:+ Bâ, Jéhovah ayeke hon na ndö ti mbinda na loro ti ga na Égypte. Anzapa ti Égypte so ayeke ye oko pëpe ayeke dö na mbeto na gbele lo,+bê ti azo ti Égypte ayeke fun kue na mbeto.   Nzapa atene: “Mbi yeke sara si azo ti Égypte alondo na terê ti amba ti ala azo ti Égypte,na ala yeke tiri na popo ti ala.Zo oko oko ayeke tiri na ita ti lo nga na mba ti lo.Gbata ayeke tiri na mbeni gbata, na royaume ayeke tiri na mbeni royaume.   Li ti azo ti Égypte ayeke ga ande kirikiri,mbi yeke buba yâ ti aye so ala leke ti sara.+ Ala yeke hunda anzapa ti ala so ayeke ye oko pëpe so,azo ti sarango yorö, azo ti sarango tënë na yingo ti akuâ nga na azo ti fango aye so ayeke si ande na zo.+   Mbi yeke sara si azo ti Égypte aga angbâa na gbe ti mbeni zo so ayeke sara ye na ngangu,nga mbeni gbia ayeke komande na ngangu na ndö ti ala.”+ Tënë ti yanga ti Seigneur Jéhovah ti aturugu la.   Angu ti kota ngu ti Égypte ayeke hule;ngu ni ayeke hule nga ndo so ngu ni ayeke sua dä ayeke hule ngangu.+   Angu ni ayeke fun;Ngu ti Nil ti Égypte, so ayeke sua na yâ ti acanal, ayeke descend ngbii ahule. Asosongo na angala ayeke fun.+   Akete keke so ayeke na terê ti Ngu ti Nil, na yanga ti Ngu ti Nil,nga na ando kue so ayeke na terê ti Ngu ti Nil+ so a lu lê ti kobe dä ayeke hule.+ Pupu ayeke hon na ni na a yeke duti dä encore ape.   Azo ti gingo susu ayeke duti na vundu,ala so ayeke bi yango na yâ ti Ngu ti Nil ayeke dema terê ti ala,nga ala so ayeke bi gbanda na lê ti ngu ni ayeke duti na ngangu encore ape.   A yeke zia kamene na lê ti azo so asara kua na kamba ti lin+nga na ala so ayeke sara avuru tissu na ndö ti keke.  10  A yeke neka azo ti Égypte so ayeke sara kua ti kpongo bongo;azo kue so a mû ala na kua, vundu ayeke gbu ala.* 11  Akota zo ti gbata ti Zoan+ ayeke abuba zo. Awawango ti Pharaon, so ayeke na ndara mingi, ayeke mû wango ti ndara pëpe.+ A sara tongana nyen si ala tene na Pharaon, atene: “Mbi yeke hale ti azo so ayeke na ndara mingi,mbi yeke hale ti angbene gbia”? 12  Azo ti mo so ayeke na ndara mingi so ayeke na ndo wa?+ Tongana ala hinga ye so Jéhovah ti aturugu amû desizion ti sara na Égypte, zia ala fa ni na mo. 13  Akota zo ti gbata ti Zoan asara ye ti buba. Mbeni ye ahanda akota zo ti gbata ti Noph.*+ Amokonzi ti amara so ayeke na Égypte asara si azo ti Égypte atambela kirikiri. 14  Jéhovah asara si li ti azo ti Égypte aga kirikiri.+ Akota zo ti kodro asara si azo ti Égypte atambela kirikiri na yâ ti aye kue so ala sara,tongana zo so asoulé si ayeke tambela kirikiri na yâ ti dengo ti lo. 15  Azo ti Égypte ayeke wara ande mbeni kua ti sara pëpe,atâa li ni wala damba ni, fini maboko ti keke wala ngala.* 16  Na ngoi ni so, azo ti Égypte ayeke ga ande tongana awali; terê ti ala ayeke dö na mbeto nga mbeto ayeke hon ndö ti ala ndali ti so Jéhovah ti aturugu ayeke yôro maboko ti lo na lê ti ala.+ 17  Kodro ti Juda ayeke ga ande mbeni ye so azo ti Égypte asara mbeto ni ngangu. Tongana a di gï iri ni, mbeto ayeke hon ndö ti ala ndali ti ye so Jéhovah ti aturugu amû desizion ti sara na ala.+ 18  Na ngoi ni so, a yeke wara agbata oku na Égypte so azo ni ayeke tene yanga ti kodro ti Canaan,+ nga ala yeke deba yanga ti ala ti ngbâ be-ta-zo na Jéhovah ti aturugu. A yeke iri ande mbeni gbata a tene Gbata-so-ayeke-kungbi-aye-na-sese. 19  Na ngoi ni so, mbeni gbalaka so a sara ni ndali ti Jéhovah ayeke duti ande na bê ti kodro ti Égypte, nga mbeni pilier so a sara ni ndali ti Jéhovah ayeke duti ande na yanga ti kodro ni. 20  A yeke duti tongana mbeni fä nga tongana mbeni témoin ndali ti Jéhovah ti aturugu na kodro ti Égypte. Ala yeke toto na Jéhovah ndali ti azo so ayeke sara ye ti ngangu na ala, na lo yeke tokua na ala mbeni sauveur, mbeni kota zo, so ayeke sö ala. 21  Mbeni ye ayeke sara si azo ti Égypte ahinga Jéhovah, na azo ti Égypte ayeke hinga Jéhovah na lango ni so. Ala yeke mû asandaga nga na amatabisi na Jéhovah, ala yeke mû zendo na lo nga ala yeke sara ye alingbi na ni. 22  Jéhovah ayeke pika Égypte,+ na pekoni lo yeke sava lo. Azo ni ayeke kiri na mbage ti Jéhovah; lo yeke mä toto ti ala na lo yeke sava ala. 23  Na ngoi ni so, mbeni kota lege+ ayeke londo na Égypte ti gue na Assyrie. Azo ti Assyrie ayeke gue na Égypte, na azo ti Égypte ayeke gue na Assyrie. Azo ti Égypte ayeke bungbi oko na azo ti Assyrie ti voro Nzapa. 24  Na ngoi ni so, azo ti Israël ayeke bungbi oko na azo ti Égypte na ti Assyrie,+ na ala yeke sara si azo ti sese kue awara tënë nzoni, 25  ndali ti so Jéhovah ti aturugu airi tënë nzoni na ndö ti ala, lo tene: “Zia tënë nzoni aga na ndö ti azo ti mbi, azo ti Égypte, na ndö ti azo ti Assyrie so ayeke kusala ti maboko ti mbi nga na ndö ti azo ti Israël so ayeke azo ti mbi.”+

Kete tënë

Wala “âme ti ala ayeke duti na vundu.”
Wala “Memphis.”
A lingbi nga ti tene “maboko ti mbûrü wala sosongo.”