Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Ésaïe 18:1-7

LI TI ATËNË NI

  • Kpengba tënë na terê ti Éthiopie (1-7)

18  Aï! Kodro so a yeke mä totongo ti kpangbi ti agbadora dä, kodro so ayeke na terê ti angu ti Éthiopie!+   Kodro ti Éthiopie atokua azo na lê ti ngu-ingo, ala mû abateau so a leke na papyrus si ala fâ na ngu ni. Lo tene na ala, lo tene: “Ala gue, ala azo ti tokua so ayapu na guengo tokua. Ala gue na terê ti azo so ayeke ayongoro zo nga so poro ti terê ti ala aza zango. Ala gue na ndo ti azo so mbeto ti ala amû azo kue,+ mbeni mara so ayeke ngangu mingi, so ayeke mû akodro ti azo* nga so ngu amû kodro ti ala kue.”   Ala azo kue so asara kodro dä nga na azo ti sese kue, ala yeke bâ ande mbeni yongoro keke so a kpo ni na ndö ti hoto si azo abâ ni, nga ala yeke mä ande totongo ti ye so akpa totongo ti didi so a hûru ni.   Jéhovah atene na mbi: “Mbi yeke duti ande kpô ti bâ ndo na mbage ti* ndo so mbi leke ni. Dutingo ti mbi ni ayeke tongana sungo ti lâ na kota lâ, nga tongana angu ti pere so ayeke tï na ndö ti alê ti kobe so angbâ ti kono.   Kozo na ngoi ti kongo alê ti kobe, na ngoi so afleur aga lê ti vigne nga akomanse ti be, a yeke dë ande afini maboko ti keke ni na zembe ti fango na maboko ti keke nga a yeke fâ akamba so ayeke na terê ti keke ni na a bi ni.   A yeke zia ande kuâ ti azo ti tene andeke ti mungo anyama so ayeke na yâ ti ahoto nga na anyama ti ngonda aga ate ni. Andeke ti mungo anyama ayeke ngbâ ti te ni na ngoi ti ndowa kue. Anyama ti ngonda ayeke ngbâ ti te ni na ngoi ti kongo lê ti kobe.   Na ngoi ni so, azo ayeke ga na matabisi na Jéhovah ti aturugu. Azo so aga na matabisi ni ayeke duti ayongoro zo so poro ti terê ti ala aza zango, so mbeto ti ala amû azo kue, mbeni mara so ayeke ngangu mingi, so ayeke mû akodro ti azo* nga so ngu amû kodro ti ala kue. Ala yeke ga na ni na ndö ti Hoto ti Sion,+ ndo so iri ti Jéhovah ti aturugu ayeke dä.”

Kete tënë

Wala “mbeni mara so ayeke ngangu mingi na so ayeke dö yâ ti azo.”
A lingbi nga ti tene “Mbi ngbâ na ndo so mbi yeke dä mbi bâ.”
Wala “mbeni mara so ayeke ngangu mingi na so ayeke dö yâ ti azo.”