Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Ésaïe 17:1-14

LI TI ATËNË NI

  • Tënë ti ngbanga na ndö ti Damas (1-11)

  • Jéhovah ayeke suku na amara (12-14)

17  Tënë ti ngbanga so Nzapa adë na ndö ti gbata ti Damas.+ Lo tene: “Damas ayeke ngbâ ande gbata pëpe, a yeke ga ande mbeni ndo so a wara gï afango da na yâ ni.+   Azo so asara kodro na yâ ti agbata ti Aroër+ ayeke dö ni ti zia. Agbata ni ayeke ga ande ando ti lango ti ataba na angasa, na zo oko ayeke zia mbeto na yâ ti ala pëpe.   Agbata ti sese ti Éphraïm so ayeke na yâ ti angangu gbagba ayeke ngbâ pëpe,+ nga royaume ti Damas ayeke ngbâ pëpe.+ Gloire ti azo so angbâ na Syrie ayeke hon tongana ti so gloire ti azo ti Israël ahon lani.” Tënë ti yanga ti Jéhovah ti aturugu la.   “Na ngoi ni so, gloire ti Jacob ayeke ngbâ tongana ti kozo pëpe. Fadeso lo kono pendere,* me lo yeke nge ande.   Wungo ti ahale ti Jacob ayeke duti ande gï kete, tongana alê ti kobe so angbâ na lê ti yaka na yâ ti Popo-hoto* ti Réphaïm+ na peko ti so zo ti kongo alê ti kobe ni afâ ni.   Gï tanga ti alê ti olive la ayeke ngbâ na yâ ti keke ni tongana ati so ayeke ngbâ ka na yâ ti keke ni na peko ti so a pika ni: Gï alê ti olive use wala ota so abe la ayeke ngbâ na terê ti maboko ti keke ni so ayo ahon atanga ni, gï alê ti olive osio wala oku la ayeke ngbâ na terê ti amaboko ni so alengo ni ayeke sigi dä.”+ Tënë ti yanga ti Jéhovah Nzapa ti Israël la.   Na ngoi ni so, zo ayeke bâ ndo na mbage ti Zo so asara lo, nga lê ti lo ayeke ngbâ gï na ndö ti Nzapa ti Israël so ayeke nzoni-kue.  Lo yeke bâ ndo pëpe na mbage ti agbalaka+ so ayeke kusala ti maboko ti lo.+ Nga lê ti lo ayeke ngbâ pëpe na ndö ti ye so lo sara na li ti maboko ti lo, atâa a yeke ayongoro yanda* wala agbalaka ti zongo na dukane.   Na ngoi ni so, agbata ti lo so ayeke na yâ ti angangu gbagba ayeke ga tongana mbeni ndo na yâ ti gbako so azo adö ni azia.+ A yeke ga tongana maboko ti keke so azo adö ni lani azia, kozo na gango ti azo ti Israël. Ndo so a dö ni a zia ayeke buba kue, 10  ndali ti so mo girisa Nzapa+ ti mo so amû na mo salut. Mo dabe ti mo pëpe na Kota tênë ni,+ so ayeke ngangu gbagba ti batango mo. Ndani la, mo fâ ayaka ti apendere keke* nga mo lu akete keke so ayeke ti mbeni wande* na popo ni. 11  Na kota lâ, mo yeke sara gbagba angoro yaka ti mo ni nzoni. Na ndapre, mo yeke sara kua ti tene ngongoa so mo lu asigi, me na ngoi ti kongo alê ti kobe ti yaka ni, akobe ni ayeke buba ndali ti kobela so asara mo nga na songo ti kobela ni so akaï pëpe.+ 12  Mä wuluwulu ti gbâ ti azo so ayeke kpô pëpe tongana ngu-ingo so! A yeke bruit ti amara so ayeke dekongo na ngonzo; bruit ni akpa totongo ti ngu so ayeke sua na ngangu mingi! 13  Amara ayeke sara ande bruit so ayeke tongana totongo ti gbâ ti ngu so ayeke sua. Nzapa ayeke suku na ala, na ala yeke kpe yongoro. Ala yeke hon tongana asaleté ti alê ti kobe na ndö ti ahoto so pupu ahon na ni, nga tongana hulengo keke ti sisi* so ayeke tourné na yâ ti pupu. 14  Na lakui, kota mbeto ayeke sara azo, me kozo ti tene ndo ahan, amara ayeke duti dä encore ape. Ye so la ayeke wara azo so ayeke gbu aye ti e na ngangu nga na azo so ayeke nzi aye ti e.

Kete tënë

Na Hébreu: “mafuta ti terê ti lo ayeke dä.”
Wala “Kpangbala ndo.”
Wala “akeke so a nzere na zo ti bâ ni.”
Wala “mbeni nzapa nde.”
Wala “tongana hulengo pere.”