Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Ésaïe 16:1-14

LI TI ATËNË NI

  • Kpengba tënë na terê ti Moab angbâ ti gue (1-14)

16  Ala tokua koli-taba na zo so akomande kodro ni; koli-taba ni ayeke londo na Séla, lo hon na yâ ti benyama na lo si na hoto so gbata ti Sion ayeke na ndö ni.   Legeoko tongana ndeke so a tomba lo na yâ ti da ti lo,+ a yeke tomba azo ti Moab na terê ti ngu ti Arnon+ na ndo so ngu ni alï mingi pëpe.   “Mû wango, na sara ye alingbi na desizion so mo mû. Na midi, sara si gbe ti dê ti mo avuko tongana bï. Honde azo so yâ ti ala akangbi kirikiri, nga fa pëpe place ti azo so ayeke kpe.   Moab, zia si azo ti mbi so yâ ti ala akangbi kirikiri aduti na mo kâ. Ga place ti hondengo terê ti ala ndali ti zo so ayeke futi ala.+ Zo ti sarango pasi na azo ayeke tï, fango zo ayeke hunzi nga azo so ayeke tambela na ndö ti amba ti ala zo ayeke kui.   Na pekoni, mbeni gbia so ayeke hale ti David ayeke duti ande na ndö ti trône ni.  Lo yeke komande na lege ti tâ ndoye nga lo yeke duti be-ta-zo.+ Lo yeke fâ ngbanga na lege ni nga lo yeke sara ye hio alingbi na ngbanga so lo fâ.”+   E mä tënë ti pikango kate ti Moab, wuma ti lo ahon ndö ni.+ E mä tënë ti fandara ti lo, ti wuma ti lo nga na ti kota ngonzo ti lo;+ me gbâ ti asenge tënë so lo diko ayeke sara nga ye oko pëpe.   Tongaso azo ti Moab ayeke toto na vundu ndali ti Moab. Ala kue ayeke toto na vundu.+ Azo so a pika ala ayeke dema na vundu ndali ti araisin ti gbata ti Kir-Haréseth+ so a pete ni boule boule.   Ayaka ti vigne ti gbata ti Hesbon+ ahule awe, ti akeke ti vigne ti kodro ti Sibmah,+ azo so akomande amara aga adö yâ ti amaboko ni so asi singo na alê ni so abe awe so. Amaboko ni ague lani juska na gbata ti Jazer,+ a gue lani juska na yâ ti benyama. Afini maboko ni asigi ague lani juska na yanga ti ngu-ingo.   Ndani la mbi yeke toto ande ndali ti akeke ti vigne ti Sibmah tongana ti so mbi toto ndali ti Jazer. Gbata ti Hesbon na ti Éléaléh,+ ngu ti lê ti mbi ayeke yuru ngbii amouillé ala kue, ndali ti so dekongo so azo adë lani na ngoi ti alê ti keke ti ngoi ti ndowa nga na ti kongo lê ti kobe akaï awe.* 10  A mä encore ape dekongo ti ngia na yâ ti ayaka ti akeke so a yeke te lê ni, nga azo ayeke he bia na ngia na bê encore ape na ala yeke dekongo encore ape na yâ ti ayaka ti vigne.+ Azo ayeke dö yâ ti alê ti vigne na yâ ti adû ti petengo na vin encore ape, ndali ti so mbi sara si dekongo ni akaï.+ 11  Ndani la na yâ ti bê ti mbi, mbi yeke dema na vundu ndali ti Moab;+ dema ti mbi ni ayeke tongana toto ti harpe so zo ayeke pika ni; na yâ ti bê ti mbi, mbi yeke dema ndali ti gbata ti Kir-Haréseth.+ 12  Atâa so Moab afatigué ti gue na ndo so ayeke na nduzu, na lo gue na yâ ti da ti nzapa ti lo, lo sambela, sambela ti lo ni ayeke sara ye oko pëpe.+ 13  Tënë so Jéhovah atene lani na ndö ti Moab la. 14  Fadeso, Jéhovah atene: “Moab ayeke lani na gloire mingi, me na hunzingo ti ngu ota, a yeke zi gloire ti lo ni kue. (A diko ngu ota so tongana ti so zo so a mû lo ti sara kua ayeke diko ni.*) A yeke zi gloire ti lo na lege ti mara ti awusuwusu nde nde kue. Gï kete kete wungo ti azo la ayeke ngbâ.”+

Kete tënë

A lingbi nga ti tene “ndali ti so azo so aga ti sara bira adekongo na ngoi ti alê ti keke ti ngoi ti ndowa nga na ti kongo lê ti kobe.”
Wala “A diko ni nzoni tongana ti so zo so a mû lo na kua ayeke sara”; so ti tene a yeke gï ngu ota net.