Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Ésaïe 13:1-22

LI TI ATËNË NI

  • Tënë ti ngbanga na ndö ti Babylone (1-22)

    • Lango ti Jéhovah aga nduru awe! (6)

    • Azo ti Médie ayeke kinda Babylone (17)

    • Azo ayeke kiri ti sara kodro na Babylone ape (20)

13  Tënë ti ngbanga so Nzapa adë na ndö ti Babylone+ so lo fa na Ésaïe,+ molenge ti Amos, na yâ ti vision. Nzapa atene:   “Kpo na ndö ti hoto so ndö ni ayeke gï tênë tênë mbeni yongoro keke si azo abâ ni.+ Dekongo mo iri ala, na sara maboko ti mo na ala, si ala ga alï na yâ ti agbagba ti akota zo ti kodro.   Mbi mû yanga na azo so mbi soro ala.*+ Mbi tokua ndo ti iri aturugu ti mbi ti tene ala ga atuku ngonzo ti mbi na ndö ti azo, aturugu ti mbi so ayeke pika kate ti ala na ngia.”   Ala bâ ye si! Gbâ ti azo ayeke na ndö ti ahoto; Ala dengi mê, ala mä! Bruit ti ala ayeke tongana bruit ti gbâ ti azo! Ala dengi mê, ala mä! Wusuwusu ti aroyaume, ti amara so abungbi ndo oko!+ Jéhovah ti aturugu ayeke bungbi aturugu ti gue ti sara bira.+   Ala londo na mbeni yongoro ndo la ala yeke ga,+ ala londo na ndo so ayo mingi na gbe ti yayu la ala yeke ga. Na ngonzo na bê, Jéhovah na azo so ayeke tongana ye ti bira ti lo ayeke ga ti futi sese kue.+   Azo, ala toto na vundu, ndali ti so lango ti Jéhovah aga nduru awe! Na lango ni so, Nzapa so ngangu ti lo ahon angangu kue ayeke futi ye kue so ayeke na yâ ti kodro ti ala.+   Ndani la maboko ti azo kue ayeke woko na terê ti ala, na mbeto asara si bê ti azo afun kue.+   Mbeto asara si li ti azo ni aga kirikiri.+ Ala yeke gboto, nga ala yeke mä songo ti ye tongana wali so yâ ti lo ason ti tene lo dü. Ala yeke bâ lê ti mba gï na kota mbeto; na bango lê ti ala, mo bâ so vundu ahon ndö ti ala.   Bâ, lâ ti Jéhovah ayeke ga. Na lango ni so, lo yeke sara ngonzo ngangu, ngonzo so alondo tongana wâ, ti sara si kodro ni aga mbeni ye ti mungo kota mbeto na zo+ nga ti futi awasiokpari so ayeke na yâ ti kodro ni. 10  Atongoro ti yayu nga na ala so ayeke na yâ ti agroupe ti ala*+ ayeke za lumière pëpe. Na ngoi so lâ asigi, lê ti lâ ni ayeke vuko vukongo nga nze ayeke su pëpe. 11  Nzapa atene: “Mbi yeke hunda azo ti sese kue ti kiri tënë ndali ti sioni so ala sara;+ mbi yeke hunda azo ti sioni ti kiri tënë ndali ti sioni ti ala. Mbi yeke sara si baba so asara azo ti fandara ahunzi, na mbi yeke bi kamene na lê ti azo so asara ye ti ngangu na azo.+ 12  Mbi yeke sara si lor ti nzoni ni, so warango ni ayeke ngangu, aduti mingi ahon asenge zo,+ nga lor ti Ophir,+ so warango ni ayeke ngangu, aduti mingi ahon azo. 13  Ni la, mbi yeke sara si ayayu ayengi,+ nga sese ayeke dö juska lo zia place ti lo na ngoi ti ngonzo ti Jéhovah ti aturugu, na lango so ngonzo ti lo alondo tongana wâ. 14  Tongana gazelle so a tomba lo ti fâ lo nga anyama so ayeke na berger pëpe, zo oko oko ayeke kiri na ndo ti azo ti lo; zo oko oko ayeke kpe ti gue na kodro ti lo.+ 15  Zo kue so a wara lo, a yeke kpo lo na likongo, na zo kue so a gbu lo, a yeke fâ lo na épée.+ 16  A yeke fâ yâ ti amolenge ti ala kete kete na lê ti ala,+ a yeke nzi aye ti yâ ti da ti ala nga a yeke lango na awali ti ala na ngangu. 17  Nzapa atene: “Mbi yeke sara si azo ti Médie aga na bira na terê ti ala.+ Na lê ti ala, argent ayeke ye oko pëpe, nga lor agbu bê ti ala pëpe. 18  Akokora ti azo ti Médie ayeke lï yâ ti amaseka-koli ti kodro ti Babylone.+ Ala yeke bâ mawa ti amolenge ti ala pëpe nga ala yeke sara nzoni bê na amolenge ni pëpe.” 19  Babylone, royaume so ayeke na gloire* ahon atanga ni kue,+ pendere kodro so azo ti Chaldée ayeke pika kate ti ala dä,+ ayeke ga tongana Sodome na Gomorrhe na ngoi so Nzapa afuti ala lani.+ 20  Azo ayeke kiri ti sara kodro dä lâ oko pëpe; na yâ ti angoi nde nde kue, zo ayeke sara kodro dä pëpe.+ Arabe ayeke gbara tente ti lo kâ pëpe, nga mbeni berger ayeke gue na anyama ti lo kâ ti tene ala wu terê pëpe. 21  Anyama ti désert la ayeke duti ande kâ; ada ti azo ni ayeke si singo na ahibou.+ A-autruche* la ayeke duti ande kâ nga angasa ti ngonda* la ayeke mû loro kâ. 22  Anyama ti ngonda ayeke toto na yâ ti atour ti kodro ni, ambo ti ngonda ayeke toto na yâ ti ando so ayeke apendere yangbo ti gbia ândö. Ngoi ti fango ngbanga na ndö ti Babylone aga nduru awe, a yeke gboto yâ ni pëpe.”+

Kete tënë

Na Hébreu: “azo ti mbi so mbi zia ala nde.”
Na Hébreu: “nga na aKésil ti ala. Peut-être a ye ti sara tënë ti groupe ti atongoro so a iri ni Orion nga na ambeni so angoro ni.
Wala “ayeke pendere mingi.”
Wala “Anaamo,” mbeni kota ndeke.
A lingbi nga ti tene “asioni yingo so akpa angasa.”