Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Ésaïe 12:1-6

LI TI ATËNË NI

  • Bia ti singila (1-6)

    • “Jah Jéhovah ayeke ngangu ti mbi” (2)

12  Na ngoi ni so, mo yeke tene: “Mbi kiri singila na mo, Jéhovah, teti so atâa so mo sara ngonzo na terê ti mbi, ngonzo ti mo ni adë yeke yeke, na mo dë bê ti mbi.+   Nzapa ayeke zo ti mungo salut na mbi.+ Mbi yeke zia bê ti mbi kue na lo, na mbeto ayeke hon ndö ti mbi pëpe;+ Jah* Jéhovah ayeke ngangu ti mbi, na lo ga zo so amû na mbi salut.”+   Na ngia na bê, mo yeke tö ngu na li ti ngu so amû salut na zo.+   Na ngoi ni so, mo yeke tene: “Azo, ala kiri singila na Jéhovah, ala di iri ti lo! Ala sara si a hinga akusala ti lo na popo ti azo ti amara.+ Ala fa so iri ti lo ayeke na nduzu mingi.+   Ala he bia ti sepela* Jéhovah,+ teti so lo sara aye so apika bê mingi.+ Zia si azo ti sese kue ahinga ni.   Azo ti Sion,* ala dekongo ngangu nga na ngia, teti so Nzapa ti Israël so ayeke nzoni-kue ayeke kota na popo ti ala.”

Kete tënë

“Jah” ayeke nduru iri ti Jéhovah.
Wala “Ala pika mozoko na.”
Na Hébreu: “Mo wali so mo sara kodro na Sion.” A yeke mo bâ mo tene azo ti gbata ni ayeke mbeni wali si a yeke sara tënë na lo.