Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA See 2013 revision

Tite 2:1-15

2  Me ti mo, ngbâ ti sara tënë ti aye so alingbi na nzoni fango ye.  Zia sarango ye ti tere ti ambakoro-koli aduti lakue nzoni, ala ne tere ti ala, ala bata bibe ti ala nzoni, ala duti nzoni na yâ ti mabe, na yâ ti ndoye nga na gbungo ngangu.  Legeoko nga, zia ambakoro-wali asara ye tongana azo so akpe mbeto ti Nzapa, ala duti azo ti pango zo pëpe, ala duti angbâa ti vin pëpe, ala duti awafango na azo ye so ayeke nzoni;  si ala lingbi ti sara si li ti amaseka-wali akiri dä ti ndoye akoli ti ala, ti ndoye amolenge ti ala,  ti bata bibe ti ala nzoni, ti duti nzoni-kue, ti sara kua ti da ti ala, ti duti anzoni wali, ti woko tere na gbe ti akoli ti ala, tongaso si a bi zonga na ndo ti tënë ti Nzapa pëpe.  Legeoko nga, ngbâ ti wa amaseka-koli ti bata bibe ti ala nzoni;  na yâ ti aye kue, fa so mo duti tapande na lege ti sarango anzoni kusala; tongana mo yeke fa ye, buba yâ ti fango ye ti mo pëpe, fa so mo ne tere ti mo,  fa so mo sara anzoni tënë so zo alingbi ti fâ ngbanga na ndo ni pëpe, tongaso si zo ti dengo kite na mo aduti na kamene, na lo yeke na mbeni sioni ye ti tene na ndo ti e pëpe.  Zia angbâa awoko tere na gbe ti awa ti ala na yâ ti aye kue, na ala sara ye so anzere na awa ti ala ni, ala changé tënë na ala pëpe, 10  ala nzi ye pëpe, me ala fa so ala yeke be-ta-zo na yâ ti aye kue, tongaso si na yâ ti aye kue ala lingbi ti sara pendere ti fango ye ti Nzapa, Sauveur ti e. 11  Teti kota nzobe ti Nzapa so aga na salut na mara ti azo nde nde kue asigigi polele awe, 12  a fa na e ti ke asarango ye so ayeke nde na ye so Nzapa aye, ti ke anzara ti dunia so; a fa na e ti tene na lege ti dutingo ti e, e bata bibe ti e nzoni, e sara ye ti mbilimbili nga e gbu tënë ti Nzapa ngangu na yâ ti aye ti ngoi ti laso, 13  na ngoi so e yeke ku beku so amû ngia na e nga na pendere lege so kota Nzapa nga na Sauveur ti e Christ Jésus ayeke fa tere ti ala na gigi, 14  Christ Jésus so akä tere ti lo na kuâ ndali ti e si lo zi e na yâ ti mara ti asarango ye nde nde kue so akpe ndia pëpe, na lo sukula ndali ti lo wani ambeni zo so ayeke duti gi azo ti lo, so ala yapu ti sara anzoni kusala. 15  Ngbâ ti sara tënë ti aye so, ti wa azo nga ti suku na ala na komandema kue so mo yeke na ni ti mû yanga na zo ti sara ye. Zia mbeni zo abâ mo tongana mbumbuse zo pëpe.

Kete tënë