Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Bible na ndo ti Internet

MBETI TI NZAPA TI FINI DUNIA

Tite 1:1-16

1  Paul, ngbâa ti Nzapa nga bazengele ti Jésus Christ alingbi na mabe ti ala so Nzapa asoro ala nga alingbi na tâ hingango ye na ndo ti tâ tënë so ague oko na gbungo tënë ti Nzapa ngangu  so aluti na ndo ti beku ti fini ti lakue lakue so Nzapa, lo so alingbi ti tene mvene pëpe, amû zendo ni ngbene ye ândö giriri,  me so tongana a si na ngoi so lo wani lo soro awe, lo fa tënë ti lo na gigi na lege ti kusala ti fango tënë so lo zia na maboko ti mbi, na peko ti yanga so Nzapa Sauveur ti e amû;  mbi tokua mbeti so na Tite, tâ molenge ti mbi alingbi na tënë ti oko mabe so e kue e yeke na ni: Zia kota nzobe na siriri so alondo na Nzapa Babâ ni nga so alondo na Christ Jésus Sauveur ti e aduti na mo.  Mbi zia mo lani ti ngbâ na Crête ndali ti ye so: Ti tene mo leke aye so atambela nzoni pëpe nga ti tene mo zia azo tongana a-ancien na yâ ti agbata oko oko, tongana ti so mbi mû lani yanga na mo.  A yeke nzoni a duti mbeni koli so tënë ayeke na li ti lo pëpe, koli ti wali oko, lo yeke na amolenge so amä na bê na a bi tënë na li ti ala pëpe a tene ala yeke amolenge ti kirikiri wala amolenge ti ngangu-li;  teti a yeke nzoni mbeni zo ti bango ndo na ndo ti congrégation aduti zo so a bi tënë na li ti lo pëpe, ngbanga ti so lo yeke wabatango ye ti Nzapa; a yeke nzoni lo duti zo so asara gi ye ti li ti lo pëpe, lo duti pëpe zo so aye ngonzo mingi, lo yeke pëpe ngbâa ti sämba so aye gingo tënë, lo yeke zo ti pikango zo pëpe, lo sara bê ti warango ye na lege ti likisi pëpe;  me lo yeke zo ti yambango agene nzoni, zo so andoye nzoni ye, zo so abata bibe ti lo nzoni, zo ti mbilimbili, zo so ayeke be-ta-zo, zo so ahinga ti kanga nzara ti bê ti lo;  tongana a ndu tënë ti kode ti fango ye ti lo, lo yeke zo so angbâ gi na ndo ti tënë so ayeke tâ tënë, si lo lingbi ti wa azo na lege ti nzoni fango ye ti lo nga ti suku na azo so adë kite na tënë ni. 10  Teti azo ti ngangu-li ayeke mingi, azo ti dikongo asenge senge tënë, azo ti handango azo; mbi ye mbilimbili ti sara tënë ti azo so agbu tënë ti fango ganza ngangu. 11  A yeke nzoni ti kanga yanga ti azo so, teti ala ngbâ ti kinda mabe ti azo kue na yâ ti ambeni sewa na fango atënë so ala lingbi fade ti fa ni pëpe ti wara na ye na lege ti likisi. 12  Mbeni mba ti ala, prophète ti ala wani, atene: “Azo ti Crête ayeke azo so ayeke tene ka gi mvene, asioni nyama ti ngonda, azo ti tengo ye ahon ndo ni so aye kua pëpe.” 13  Tënë so ayeke tâ tënë. Ndani la, mo ngbâ ti suku na ala ngangu, si ala duti nzoni na yâ ti mabe, 14  na ala dengi mê pëpe na ambaï ti mvene ti aJuif nga na acommandement so alondo na azo so aturnê peko ti ala na tâ tënë awe. 15  Ti azo so ayeke na sioni pëpe, ye kue ayeke na sioni pëpe. Me ti azo so ayeke na sioni na tere ti ala nga so ayeke na mabe pëpe, mbeni ye ti nzoni oko ayeke dä pëpe, me yâ ti li ti ala nga na yingo-ti-hinga ti ala ayeke sioni. 16  Ala tene na lê ti azo atene ala hinga Nzapa, andâ na lege ti sarango ye ti ala, ala bere tënë ti lo awe, ngbanga ti so ala yeke azo so a ke ala, azo ti mango yanga pëpe nga a bâ so ala lingbi pëpe na mbeni nzoni kua.

Kete tënë