Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Bible na ndo ti Internet

MBETI TI NZAPA TI FINI DUNIA

Matthieu 7:1-29

7  “ALA zia ti fâ ngbanga na li ti azo si a fâ ngbanga na li ti ALA pëpe.  Teti a yeke oko ngbanga so ALA yeke fâ na li ti azo si a yeke fâ ande na li ti ALA. Na a yeke oko ye so ALA mû ti haka na ye na azo si a yeke mû ande ti haka na ye na ALA.  Ngbanga ti nyen mo yeke bâ kete pere so ayeke na yâ ti lê ti ita ti mo, me mo bâ pëpe kota keke so ayeke na yâ ti lê ti mo wani?  Wala tongana nyen si mo lingbi ti tene na ita ti mo: ‘Zia mbi zi kete pere so ayeke na yâ ti lê ti mo,’ me bâ! kota keke ayeke na yâ ti lê ti mo wani?  Mo wahandango lê ti zo! Mo zi kozoni kota keke so ayeke na yâ ti lê ti mo wani, si na pekoni mo bâ polele tongana nyen ti zi kete pere so ayeke na yâ ti lê ti ita ti mo.  “ALA mû ye so ayeke nzoni-kue na ambo pëpe, na ALA tuku aperle ti ALA na gbe ti agaduru pëpe, tongaso pëpe, ala yeke dö ni na gere na ala yeke kiri ti suru ALA na kä.  “ALA ngbâ ti hunda ye, na fade a yeke mû ni na ALA. ALA ngbâ ti gi ye, na fade ALA yeke wara ni. ALA ngbâ ti pika yanga-da, na fade a yeke zi ni na ALA.  Teti zo kue so ayeke hunda ye ayeke wara ni, zo kue so ayeke gi ye ayeke wara ni na zo kue so ayeke pika yanga-da, fade a yeke zi ni na lo.  Na popo ti ALA so, zo wa la tongana molenge ti lo ahunda na lo mapa, fade lo yeke mû na lo tênë? 10  Wala, peut-être molenge ni ahunda na lo susu, fade lo yeke mû na lo ngbo? 11  Tongaso, asinga ALA so, atâa so ALA yeke sioni, ALA hinga tongana nyen ti mû amatabisi so ayeke nzoni na amolenge ti ALA, si fade Babâ ti ALA so ayeke na yayu ayeke mû anzoni ye na azo so ahunda ni na lo pëpe? 12  “Ye kue so ALA ye azo asara na ALA, a lingbi ALA sara na azo ni nga. Biani, so ayeke ye so Ndia na ambeti ti aProphète aye ti tene la. 13  “ALA lï na kete yanga ti gbagba ni; teti lege so ayeke gue na futingo ayeke kota nga lê ni akono, na gbâ ti azo si ayeke hon dä; 14  me lê ti lege so ague na fini akono pëpe na yanga ti gbagba ni ayeke kete, na azo mingi pëpe si ayeke wara ni. 15  “ALA sara hange na aprophète ti wataka so ayeke ga na ALA na so ayü poro ti tere ti ngasangbaga, me na gbe ni, ala yeke ambo ti ngonda so nzara ahon ndo ti ala. 16  ALA yeke hinga aprophète so na lege ti alengo ti ala. Lâ oko azo ako lê ti vigne na yâ ti kî wala lê ti figue na yâ ti sisi awe? 17  Legeoko nga, nzoni keke kue ayeke lë nzoni lê ti keke. Me nga sioni keke kue ayeke lë sioni lê ti keke. 18  Mbeni nzoni keke alingbi ti lë sioni lê ti keke pëpe. Nga, mbeni sioni keke alingbi ti lë nzoni lê ti keke pëpe. 19  Keke kue so alë nzoni lê ti keke pëpe, a yeke dë ni na a bi ni na wâ. 20  Biani, fade ALA yeke hinga azo so na lege ti alengo ti ala. 21  “A yeke pëpe zo kue so atene na mbi, ‘Seigneur, Seigneur,’ si ayeke lï ande na yâ ti royaume ti yayu. Me zo so asara ye so bê ti Babâ ti mbi so ayeke na yayu aye si ayeke lï ande. 22  Na lâ ni kâ, fade azo mingi ayeke tene na mbi, ‘Seigneur, Seigneur, e tene aprophétie na iri ti mo pëpe? E tomba asioni yingo na iri ti mo pëpe? E sara akusala ti ngangu mingi na iri mo pëpe?’ 23  Me fade mbi yeke tene na ala: Mbi hinga ALA lâ oko pëpe! ALA hon yongoro kâ na tere ti mbi, ALA azo so akpe ndia pëpe. 24  “Zo kue so amä atënë ti mbi so, na lo sara ye alingbi na ni, a yeke haka lo ande na zo so ayeke sara ye na ndara so aleke da ti lo na ndo ti kota tênë. 25  Na kota ngu-nzapa apika, ngu asuku amû ndo, pupu aya ngangu na tere ti da ni. Me da ni akungbi pëpe ngbanga ti so a leke gere ni na ndo ti kota tênë. 26  Na mbeni mbage, zo kue so amä atënë ti mbi so, na lo sara ye alingbi na ni pëpe, a yeke haka lo ande na zo ti buba so aleke da ti lo na ndo ti mbutu. 27  Na kota ngu-nzapa apika, ngu asuku amû ndo, pupu aya ngangu na tere ti da ni, na da ni akungbi na tingo ni ayeke tâ sioni.” 28  Tongana Jésus ahunzi atënë so awe, li ti gbâ ti azo ni so akpe ngbanga ti kode ti fango ye ti lo; 29  teti so lo yeke fa ye na ala tongana zo so awara komandema ni, me tongana ascribe ti ala pëpe.

Kete tënë