Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Bible na ndo ti Internet

MBETI TI NZAPA TI FINI DUNIA

Matthieu 1:1-25

1  Mbeti so afa tënë ti mbaï ti Jésus Christ, molenge ti David, molenge ti Abraham:   Abraham adü Isaac. Isaac adü Jacob. Jacob adü Juda na aita ti lo ti koli.   Juda adü Pérès na Zérah, na mama ti ala ayeke Tamar. Pérès adü Hesron. Hesron adü Ram.   Ram adü Aminadab. Aminadab adü Nahshon. Nahshon adü Salmon.   Salmon adü Boaz, na mama ti lo ayeke Rahab. Boaz adü Obed, na mama ti lo ayeke Ruth. Obed adü Jessé.   Jessé adü Gbia David. David na wali ti Urie adü Salomon.   Salomon adü Roboam. Roboam adü Abijah. Abijah adü Asa.   Asa adü Josaphat. Josaphat adü Joram. Joram adü Ozias.   Ozias adü Jotham. Jotham adü Akaz. Akaz adü Ézéchias. 10  Ézéchias adü Manassé. Manassé adü Amon. Amon adü Josias. 11  Josias adü Jéconias na aita ti lo ti koli na ngoi so a gue na aJuif na Babylone. 12  Na peko ti so a gue na aJuif na Babylone, Jéconias adü Shéaltiel. Shéaltiel adü Zorobabel. 13  Zorobabel adü Abiud. Abiud adü Éliakim. Éliakim adü Azor. 14  Azor adü Zadok. Zadok adü Akim. Akim adü Éliud. 15  Éliud adü Éléazar. Éléazar adü Matthan. Matthan adü Jacob. 16  Jacob adü Joseph, koli ti Marie. Marie adü Jésus, lo so a iri lo Christ. 17  Amolongo kue ti azo ni ayeke tongaso: Ti londo na Abraham ti si na David, a yeke amolongo bale-oko na osio. Ti londo na David ti si na ngoi so a gue na aJuif na Babylone, a yeke amolongo bale-oko na osio. Ti londo na ngoi so a gue na aJuif na Babylone ti si na Christ, a yeke amolongo bale-oko na osio. 18  Dungo Jésus Christ asi lani tongaso: Joseph ayeke gue lani na peko ti Marie, mama ti Jésus, ti sara mariage na lo. Me Marie amû ngo na lege ti yingo vulu kozoni si lo na Joseph amû tere. 19  Joseph, koli ti Marie, ayeke lani zo ti mbilimbili na lo ye pëpe ti bi kamene na lê ti Marie na gbele azo. Tongaso lo leke na bê ti lo ti sara divorce na Marie na hondengo ni. 20  Me na peko ti so Joseph agbu li ti lo na ndo ti aye so, bâ, ange ti Jéhovah aga na lo na yâ ti bango li, lo tene: “Joseph, molenge ti David, mo sara mbeto pëpe ti mû Marie na da ti mo, teti ngo so lo më ayeke na lege ti yingo vulu. 21  Fade lo yeke dü molenge ti koli. A lingbi mo zia iri ti lo Jésus, ndali ti so lo yeke sö ande azo ti lo na yâ ti asiokpari ti ala.” 22  Aye so kue asi tongaso biani, si tënë so Jéhovah atene na lege ti prophète ti lo aga tâ tënë, tongana lo tene: 23  “Bâ, fade maseka-wali so ade ti hinga koli pëpe ayeke mû ngo na lo yeke dü mbeni molenge ti koli. Fade ala yeke zia iri ti lo Emmanuel”, so nda ni aye ti tene: “Nzapa ayeke na e.” 24  Tongana Joseph azingo na lango, lo sara tongana ti so ange ti Jéhovah afa na lo. Lo mû wali ti lo na da. 25  Me lo bungbi na lo pëpe juska Marie adü mbeni molenge ti koli, na Joseph azia iri ti lo Jésus.

Kete tënë