Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Bible na ndo ti Internet

MBETI TI NZAPA TI FINI DUNIA

Luc 5:1-39

5  Mbeni lâ, tongana lo yeke luti na tere ti kota ngu ti Gennésareth, gbâ ti azo abungbi nduru mingi na tere ti lo na ala yeke mä tënë ti Nzapa.  Lo bâ angö use so a kanga ni na yanga ti ngu ni, me awagingo susu ni asigigi na yâ ti angö ni awe na ala yeke sukula agbanda ti ala.  Lo ko na yâ ti mbeni ngö ni oko so ayeke ti Simon, na lo hunda Simon ti gue na ngö ni kete na lê ti ngu ni. Na pekoni, lo duti na yâ ni. Kâ lo to nda ti fa ye na gbâ ti azo so.  Tongana lo hunzi tënë ni awe, lo tene na Simon: “Pusu na ndo so ngu ni alï, na ALA bi agbanda ti ALA ti gbu asusu.”  Me Simon atene na lo: “Wafango ye, e bâ pasi na bï so kue na e wara ye oko pëpe. Me ngbanga ti so mo mû yanga, mbi yeke bi agbanda ni.”  Tongana ala bi ni, ala gbu gbâ ti asusu, na agbanda ti ala ato nda ti suru.  Tongaso ala sara maboko na amba ti ala so ayeke na yâ ti mbeni ngö ni ti ga ti mû maboko na ala. Biani, ala ga, na ala gbu asusu a si angö ni use kue, si angö ni ato nda ti linda ngu.  Tongana lo bâ ye so, Simon Pierre atï na gbe ti Jésus, lo tene: “Seigneur, hon yongoro na tere ti mbi, ngbanga ti so mbi yeke wasiokpari.”  Bê ti Pierre nga na ti azo kue so ayeke na tere ti lo adö ngangu mingi ngbanga ti gbâ ti asusu so ala gbu. 10  Bê ti Jacques nga na ti Jean, amolenge ti Zébédée, so ala na Simon ayeke sara kua oko, adö nga. Me Jésus atene na Simon: “Mo zia ti sara mbeto. A to nda ni laso, a yeke azo si mo yeke gbu ande.” 11  Tongaso ala kiri na angö ni na yanga ti ngu ni, ala dö ye kue ala zia, na ala mû peko ti lo. 12  Na mbeni ngoi nde, tongana lo yeke na yâ ti mbeni kodoro ni, bâ, mbeni koli so buruma amû tere ti lo kue aga. Tongana lê ti lo atï na ndo ti Jésus, lo tï na sese na lo voro Jésus, lo tene: “Seigneur, tongana mo ye, mo lingbi ti sara si tere ti mbi aga nzoni.” 13  Lo yôro maboko ti lo, lo ndu zo ti buruma ni, na lo tene: “Mbi ye. Zia tere ti mo aga nzoni.” Gi na lê ni lê ni, buruma ni ahunzi na tere ti lo. 14  Na Jésus amû yanga na lo ti sara tënë ni na zo oko pëpe, me lo tene: “Mo gue, mo fa tere ti mo na prêtre, na mo mû offrande ndali ti tere ti mo so aga nzoni so, tongana ti so Moïse afa ni, si ala bâ ni na lê ti ala.” 15  Me sango ti lo angbâ gi ti mû ndo, na azo mingi mingi ayeke ga ti mä lo nga ti tene lo sava akobela ti ala. 16  Ye oko, lo ngbâ lakue ti duti gi lo oko na yando na ti sambela. 17  Na mbeni lango so lo yeke fa ye, aFarizien na awafango ndia so alondo na akete kodoro kue ti Galilée, ti Judée na ti Jérusalem ayeke nga dä. Ngangu ti Jéhovah ayeke na ndo ti lo ti kaï akobela. 18  Bâ, ambeni zo ayô mbeni koli so mbage ti tere ti lo akui na ala yeke gi lege ti lï na lo na ti zia lo na gbele Jésus. 19  Ngbanga ti gbâ ti azo ni, ala wara lege pëpe ti lï na koli so na yâ ti da ni. Tongaso, ala montê na li ti da ni, ala zi mbeni mbage ni si ala yôro koli so na kete gbogbo ni kue na popo ti azo so aduti na gbele Jésus. 20  Tongana Jésus abâ mabe ti ala, lo tene: “Koli, a pardone asiokpari ti mo awe.” 21  Na mango tënë so, ascribe na aFarizien ato nda ti sara tënë na yâ ti bê ti ala, ala tene: “So zo wa la si ayeke zonga Nzapa so? Zo wa la alingbi ti pardone asiokpari, zo wa? Gi Nzapa oko awe.” 22  Me teti so Jésus ahinga tënë so ala yeke tene na yâ ti bê ti ala, lo tene na ala: “Tënë ti nyen si ALA yeke tene na yâ ti bê ti ALA so? 23  Ti tene: ‘A pardone asiokpari ti mo awe,’ wala ti tene: ‘Londo, mo tambela,’ so wa si ayeke ngangu pëpe? 24  Me ti tene ALA hinga so a mû komandema na Molenge ti zo na ndo ti sese ti pardone asiokpari . . .”, lo tene na koli so mbage ti tere ti lo akui so: “Mbi tene na mo: Londo, mo mû kete gbogbo ti mo, mo gue na da ti mo.” 25  Gi na lê ni lê ni, lo londo na lê ti ala, lo yô ye so lo yeke lango ka na ndo ni, na lo gue na da ti lo na mungo gloire na Nzapa. 26  Tongaso, li ti azo kue akpe na ala to nda ti mû gloire na Nzapa, nga mbeto ahon ndo ti ala si ala yeke tene: “E bâ tâ aye ti ndima laso!” 27  Na peko ti aye so, lo sigigi na lo bâ mbeni zo ti rongo nginza ti lapo so iri ti lo ayeke Lévi, lo yeke duti na da ti rongo nginza ti lapo. Jésus atene na lo: “Mû peko ti mbi.” 28  Na lo dö aye kue lo zia, lo londo lo mû peko ti Jésus. 29  Nga, Lévi asara mbeni kota matanga na da ti lo ndali ti Jésus. Na gbâ ti azo ti rongo nginza ti lapo ayeke dä nga na ambeni zo so ayeke duti legeoko na ala si ayeke te kobe ni. 30  Na bango ye so, aFarizien nga na ascribe ti ala ato nda ti diko atënë na gbe ti go na adisciple ti lo, ala tene: “Ngbanga ti nyen ALA yeke te kobe nga ALA yeke nyon ye na azo ti rongo nginza ti lapo nga na awasiokpari?” 31  Jésus akiri tënë na ala, lo tene: “Azo so ayeke na nzoni tere ayeke na bezoin ti wanganga pëpe, me gi azo ti kobela. 32  Mbi ga ti iri azo ti mbilimbili pëpe, me awasiokpari si ala changé bê ti ala.” 33  Ala tene na lo: “Adisciple ti Jean ayeke mû jeûne lakue na ala yeke voro tere ti ala na Nzapa. Adisciple ti aFarizien ayeke sara nga tongaso. Me adisciple ti mo ayeke te kobe na ala yeke nyon ye.” 34  Jésus atene na ala: “ALA lingbi ti sara si akamarade ti koli so ayeke mû wali fini fini amû jeûne na ngoi so lo ngbâ na tere ti ala? 35  Me ambeni lango ayeke ga ande so biani a yeke zi lo na tere ti ala, na a yeke na ngoi ni so la si fade ala yeke mû jeûne.” 36  Nga, lo to nda ti mû mbeni tapande na ala, lo tene: “Mbeni zo ayeke fâ yanga ti mbeni fini bongo ti fü ni na ndo ti ngbene bongo pëpe. Me tongana lo sara ni, yanga ti fini bongo ni ayeke gboto ngbene bongo ni si a suru, nga fini bongo ni alingbi na ngbene ni so pëpe. 37  Na ndo ni, mbeni zo ayeke tuku fini vin na yâ ti angbene bozo ti vin pëpe. Me tongana lo tuku ni dä, fini vin ni ayeke sara si yâ ti abozo ni asungba na fade vin ni ayuru kirikiri na abozo ni abuba. 38  Me a lingbi a tuku fini vin na yâ ti afini bozo ti vin. 39  Zo kue so anyon ngbene vin aye pëpe ti nyon fini ni, ngbanga ti so lo tene: ‘Ngbene vin ni ayeke nzoni mingi.’ ”

Kete tënë