Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Bible na ndo ti Internet

MBETI TI NZAPA TI FINI DUNIA See 2013 revision

Luc 3:1-38

3  Na yâ ti ngu bale-oko na oku ni ti komandema ti Tibère César, tongana Ponce Pilate ayeke Gouverneur ti Judée, na Hérode ayeke Komanda ti Galilée, ita ti lo Philippe ayeke Komanda ti kodoro ti Iturée na ti Trachonitide, na Lysanias ayeke Komanda ti Abilène,  na lâ ti prêtre-mokonzi Anne na ti Caïphe, tënë ti Nzapa asi na Jean, molenge ti Zacharie, tongana lo yeke na yando.  Lo gue na ando kue so ayeke na tere ti Ngu ti Jourdain, lo yeke fa tënë ti batême so ayeke fä ti changengo bê, tongaso si a pardone asiokpari ti ala,  gi tongana ti so a sû na yâ ti mbeti ti atënë ti prophète Ésaïe, a tene: “ALA mä! Mbeni zo ayeke dekongo na yando, lo tene: ‘ALA leke lege ti Jéhovah, ALA sara si alege ti lo aduti nzoni.  A lingbi a kanga adû kue, na a sara si ahoto nga na akete hoto kue aga kpangbala, na alege so aba, a lingbi a kiri a ga nzoni nga ando so ayeke kutu aga apendere lege.  Na azo kue ayeke bâ ande lege so Nzapa ayeke ga na salut.’ ”  Tongaso lo to nda ti tene na gbâ ti azo so ayeke ga ti tene lo batize ala, lo tene: “ALA, amolenge ti asioni ngbo, zo wa si atene na ALA so ALA lingbi ti kpe kota ngonzo so ayeke ga?  Tongaso, zia ALA lë lengo so alingbi biani na changengo bê. Zia ALA tene na bê ti ALA pëpe: ‘Babâ ti e ayeke Abraham.’ Teti mbi tene na ALA so Nzapa ayeke na ngangu ti mû atênë so ti sara si a ga amolenge ti Abraham.  Biani, a zia dö na gunda ti akeke awe. Keke oko oko kue so alë nzoni lengo pëpe, a lingbi a dë ni na sese na a bi ni na wâ.” 10  Na gbâ ti azo ni ayeke hunda lo: “Ka e yeke sara ande nyen?” 11  Lo yeke kiri tënë na ala, lo tene: “Zia zo so ayeke na bongo ti gbe ni use amû oko na zo so ayeke na ni pëpe. Na zia zo so ayeke na aye ti tengo ni asara nga tongaso.” 12  Même azo ti rongo nginza ti lapo aga ti tene lo batize ala, na ala tene na lo: “Wafango ye, e yeke sara ande nyen?” 13  Lo tene na ala: “ALA hunda pëpe na azo ti mû ye ahon ndo ti wungo ti nginza ti lapo so ndia afa.” 14  Nga, ala so ayeke sara kua ti turugu ahunda lo: “E nga, e yeke sara ande nyen?” Lo tene na ala: “ALA sara ye ti ngangu na mbeni zo pëpe wala ALA bi tënë ti wataka na li ti mbeni zo pëpe. Me ALA zia bê ti ALA gi na ye so a yeke mû na ALA na peko ti kua ti ALA.” 15  Teti so azo ayeke ku Christ kungo, ala kue ayeke sara tënë so na yâ ti bê ti ala na ndo ti Jean: “Âmanke Christ ni la pëpe?” 16  Jean akiri tënë na ala kue, lo tene: “Ti mbi, mbi batize ALA na ngu. Me lo so ayeke ga na peko ti mbi ayeke ngangu ahon mbi, lo so mbi kpa pëpe ti zi kamba ti poro na gere ti lo. A yeke lo si ayeke batize ande ALA na yingo vulu nga na wâ. 17  Ye ti lo ti pengo na alê ti kobe ayeke na maboko ti lo, ti sara si ndo ti pikango lê ti kobe ti lo avuru kue na ti bungbi blé ti lo na yâ ti gogoro ti lo. Me poro ti peko ni, fade lo yeke gbi ni na wâ so a lingbi ti mingo ni pëpe.” 18  Na pekoni, lo mû nga ambeni wango mingi na azo ni na lo ngbâ ti fa nzoni tënë na ala. 19  Me Jean asuku na Hérode, so ayeke Komanda ti sese ni, ndali ti Hérodiade wali ti ita ti Hérode nga ndali ti aye ti sioni kue so Hérode ayeke sara. Ndali ni, Hérode 20  akiri azia mbeni ye na ndo ti asioni ye kue so lo sara kozo: lo bi Jean na da ti kanga. 21  Na peko ti so a batize azo kue awe, a batize Jésus nga, na tongana lo yeke sambela, yayu azi 22  na yingo vulu aga na yâ ti mbeni tere tongana mbeni kolokoto na a zu na ndo ti lo, na mbeni go asara tënë na yayu, a tene: “Mo yeke Molenge ti mbi, so mbi ndoye mo mingi; bê ti mbi anzere na mo mingi.” 23  Tongana Jésus ato nda ti kusala ti lo, lo yeke lani na ngu bale-ota tongaso. Na azo abâ lo tongana molenge ti Joseph, molenge ti Héli, 24  molenge ti Matthat, molenge ti Lévi, molenge ti Melchi, molenge ti Jannaï, molenge ti Joseph, 25  molenge ti Mattathias, molenge ti Amos, molenge ti Nahum, molenge ti Esli, molenge ti Naggaï, 26  molenge ti Maath, molenge ti Mattathias, molenge ti Sémeïn, molenge ti Josech, molenge ti Joda, 27  molenge ti Joanan, molenge ti Rhésa, molenge ti Zorobabel, molenge ti Shéaltiel, molenge ti Néri, 28  molenge ti Melchi, molenge ti Addi, molenge ti Cosam, molenge ti Elmadam, molenge ti Er, 29  molenge ti Jésus, molenge ti Éliézer, molenge ti Jorim, molenge ti Matthat, molenge ti Lévi, 30  molenge ti Syméon, molenge ti Judas, molenge ti Joseph, molenge ti Jonam, molenge ti Éliakim, 31  molenge ti Méléa, molenge ti Menna, molenge ti Mattatha, molenge ti Nathan, molenge ti David, 32  molenge ti Jessé, molenge ti Obed, molenge ti Boaz, molenge ti Salmon, molenge ti Nahshon, 33  molenge ti Aminadab, molenge ti Arni, molenge ti Hesron, molenge ti Pérès, molenge ti Juda, 34  molenge ti Jacob, molenge ti Isaac, molenge ti Abraham, molenge ti Térah, molenge ti Nahor, 35  molenge ti Serug, molenge ti Réu, molenge ti Péleg, molenge ti Eber, molenge ti Shélah, 36  molenge ti Caïnan, molenge ti Arpacshad, molenge ti Sem, molenge ti Noé, molenge ti Lamech, 37  molenge ti Métushélah, molenge ti Hénoc, molenge ti Jarèd, molenge ti Mahalaléel, molenge ti Caïnan, 38  molenge ti Enosh, molenge ti Seth, molenge ti Adam, molenge ti Nzapa.

Kete tënë