Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Bible na ndo ti Internet

MBETI TI NZAPA TI FINI DUNIA

Luc 13:1-35

13  Gi na ngoi ni so, ambeni zo so ayeke dä afa na lo tënë ti ambeni zo ti Galilée so Pilate abungbi mênë ti ala na asandaga ti ala.  Tongaso, lo kiri tënë na ala, lo tene: “ALA bâ ti ALA atene azo ti Galilée so ayeke azo so asara siokpari mingi ahon tanga ti azo ti Galilée kue ngbanga ti so aye ti sioni so asi na ala?  Mbi tene na ALA: Ên-ën. Me tongana ALA changé bê ti ALA pëpe, fade a yeke futi ALA kue tongaso nga.  Wala azo bale-oko na miombe so tour ti Siloam atuku na ndo ti ala si a fâ ala, ALA bâ ti ALA atene kuda so ayeke na li ti ala ahon ti tanga ti azo kue ti Jérusalem?  Mbi tene na ALA: Ên-ën. Me tongana ALA changé bê ti ALA pëpe, fade a yeke futi ALA kue tongaso nga.”  Na pekoni, lo tene toli so na ala: “Mbeni koli ayeke na mbeni keke ti figue so a lu ni na yâ ti yaka ti vigne ti lo. Lo gue ti bâ wala a lë, me lo wara lengo ni oko dä pëpe.  Tongaso lo tene na zo ti sarango kua ti vigne ni: ‘A sara ngu ota awe si mbi yeke ga ti gi lengo ti keke ti figue so, me mbi wara mbeni oko pëpe. Mo dë ni na sese! Ngbanga ti nyen si a yeke kanga sese ni senge senge?’  Lo kiri tënë na wa ti yaka ni, lo tene: ‘Kota zo, zia ni a ngbâ na ngu so nga, juska mbi zi dû na gere ni na mbi tuku puru ti nyama dä.  Na tongana a lë na yâ ti angoi so ayeke ga, so nzoni. Me tongana a lë pëpe, fade mo dë ni na sese.’ ” 10  Lo yeke fa ye na yâ ti mbeni oko ti asynagogue na lâ ti sabbat. 11  Na bâ, mbeni wali ayeke na mbeni sioni yingo so awoko lo teti ngu bale-oko na miombe. Peko ti lo aba mingi na lo lingbi oko pëpe ti gboto yâ ti peko ti lo ti luti mbilimbili. 12  Tongana Jésus abâ wali so, lo sara tënë na lo, lo tene: “Wali, a zi mo awe na yâ ti ye so ayeke woko mo.” 13  Jésus azia maboko ti lo na ndo ti wali ni. Gi na lê ni lê ni, wali so aluti mbilimbili na nduzu na lo to nda ti mû gloire na Nzapa. 14  Me tongana mokonzi ti synagogue ni abâ ye so, bê ti lo ason mingi ndali ti so Jésus asava zo na lâ ti sabbat na lo to nda ti tene na gbâ ti azo ni: “Alango ayeke omene so a lingbi a sara kua dä. ALA ga na alango ni so si a sava ALA, me na lâ ti sabbat pëpe.” 15  Me, Seigneur akiri tënë na lo atene: “ALA awahandango lê ti zo, na lâ ti sabbat, ALA oko oko ayeke zi bagara ti ALA wala lele ti ALA na yâ ti da ti lo ti gue na lo na mbeni ndo ti nyon ngu pëpe? 16  Wali so ayeke molenge ti Abraham, na ALA bâ, Satan akanga lo ngu bale-oko na miombe! Tongaso, a yeke na lege ni pëpe ti zi lo na yâ ti kanga so na lâ ti sabbat?” 17  Tongana lo sara tënë ti aye so awe, kamene asara awato ti lo kue. Me gbâ ti azo ni kue ato nda ti duti na ngia ndali ti apendere ye so kue lo sara. 18  Na lo tene: “Royaume ti Nzapa ayeke tongana nyen? Mbi yeke haka ni na nyen? 19  A yeke tongana lê ti keke ti moutarde so mbeni zo amû ni na lo lu na yâ ti yaka ti lo. Na a kono, a ga mbeni keke so andeke ti nduzu aga na awara ndo ti lango na ndo ti amaboko ni.” 20  Na lo kiri lo tene: “Mbi yeke haka ande royaume ti Nzapa na nyen? 21  A yeke tongana mama ti mapa so mbeni wali amû, lo më ni na kota sembe oko ti farine, juska farine ni kue asuku.” 22  Na lo tambela na yâ ti agbata oko oko nga na yâ ti akete kodoro oko oko, lo yeke fa ye na lo ngbâ ti gue na tambela ni na Jérusalem. 23  Na mbeni koli ahunda lo atene: “Seigneur, azo so a yeke sö ala ayeke mingi pëpe?” Lo tene na ala: 24  “ALA sara ngangu kue ti lï na kete yanga-da ni, teti mbi tene na ALA: Azo mingi ayeke gi lege ti lï, me ala yeke wara ande lege ti lï pëpe. 25  Teti tongana wa ti da ni alondo si lo kanga yanga-da ni awe, ALA yeke to nda ti luti na gigi na ti pika yanga-da ni, ALA tene: ‘Kota zo, mo zi yanga-da ni na e.’ Me lo yeke kiri tënë na ALA ande, lo tene: ‘Mbi hinga ALA pëpe.’ 26  Na pekoni, ALA yeke tene na lo: ‘E te ye nga e nyon ye na gbe ti lê ti mo, na mo fa ye na ndo ti akota lege ti kodoro ti e.’ 27  Me fade lo yeke sara tënë na ALA, lo tene: ‘Mbi hinga ALA pëpe. ALA hon yongoro na tere ti mbi, ALA kue so ayeke sara ye so ayeke mbilimbili pëpe!’ 28  A yeke kâ si ALA yeke toto ande na ALA yeke te pembe ti ALA, na ngoi so ALA yeke bâ Abraham, Isaac na Jacob nga na aprophète kue na yâ ti royaume ti Nzapa, me ti ALA, a bi ALA na gigi. 29  Nga, azo ayeke londo ande na mbage ti Tö na Do, Banga na Mbongo ti ga ti duti na yanga ti table ti te kobe na yâ ti royaume ti Nzapa. 30  Na bâ, azo so ayeke na ndangba ni ayeke ga azo so ayeke na li ni. Nga azo so ayeke na li ni ayeke ga azo so ayeke na ndangba ni.” 31  Gi na ngoi ni so, ambeni Farizien aga atene na lo: “Londo na ndo so mo hon ngbanga ti so Hérode aye ti fâ mo.” 32  Na Jésus atene na ala: “ALA gue ALA tene na nyama ti mungo kondo so: ‘Bâ, mbi yeke tomba asioni yingo na mbi yeke sava azo laso nga kekereke, na a si na ota lango ni fade mbi yeke hunzi kusala ti mbi.’ 33  Me, a lingbi mbi gue laso na kekereke nga mbeni kekereke, ngbanga ti so a yeke duti na lege ni pëpe ti tene a fâ prophète na gigi ti Jérusalem. 34  Jérusalem, Jérusalem, lo so afâ aprophète nga lo so abo na tênë ala so a tokua ala na mbage ti lo. Fani mingi mbi ye ti bungbi amolenge ti mo na ndo oko tongana ti so mama ti kondo abungbi amolenge ti lo na gbe ti maboko ti lo, me ALA yeda pëpe! 35  Bâ, a zia da ti ALA na ALA awe. Mbi tene na ALA: Fade ALA yeke bâ mbi oko pëpe juska ALA tene: ‘Tënë nzoni ayeke na ndo ti lo so aga na iri ti Jéhovah!’ ”

Kete tënë