Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Bible na ndo ti Internet

MBETI TI NZAPA TI FINI DUNIA

Jean 17:1-26

17  Tongana Jésus asara atënë so awe, lo yô lê ti lo na nduzu, lo tene: “Babâ, ngbonga ni alingbi awe. Mû gloire na molenge ti mo, si molenge ti mo alingbi ti mû gloire na mo,  teti mo mû na lo komandema na ndo ti azo kue, si ala kue so mo mû na lo, lo lingbi ti mû na ala fini ti lakue lakue.  Ti wara fini ti lakue lakue, a lingbi ala manda ti hinga mo, mo so gi mo oko ayeke tâ Nzapa, nga ti hinga lo so mo tokua lo, Jésus Christ.  Mbi mû gloire na mo na ndo ti sese so, mbi hunzi awe kusala so mo mû na mbi ti sara.  Fadeso, Babâ, mû gloire na mbi na tere ti mo, gloire so mbi yeke na ni lani na tere ti mo kozoni si dunia so abâ gigi.  “Mbi fa iri ti mo polele na azo so mo mû na mbi na yâ ti dunia so. Ala yeke fade ti mo, na mo mû ala na mbi na ala bata tënë ti mo.  Ala hinga fadeso awe so aye kue so mo mû na mbi alondo na mo.  Teti atënë so mo mû na mbi, mbi mû ni na ala, na ala yamba ni nga ala hinga biani so mbi yeke zo so aga na iri ti mo, na ala mä na bê so mo tokua mbi.  Mbi hunda ye na mo ndali ti ala; mbi hunda ye pëpe ndali ti dunia so, me ndali ti ala so mo mû na mbi; teti ala yeke ti mo, 10  na aye ti mbi kue ayeke ti mo nga aye ti mo kue ayeke ti mbi, na a mû gloire na mbi na popo ti ala. 11  “Nga, mbi yeke ngbâ na yâ ti dunia so mbeni pëpe, me ala yeke ngbâ na yâ ti dunia so na mbi yeke gue na mo. Babâ so mo yeke nzoni-kue, bâ ndo na ndo ti ala ndali ti iri ti mo wani so mo mû na mbi, tongaso si ala duti oko tongana ti so e yeke oko. 12  Na ngoi so mbi ngbâ na tere ti ala, mbi yeke bâ ndo na ndo ti ala ndali ti iri ti mo wani so mo mû na mbi. Mbi bata ala na a futi mbeni oko na popo ti ala pëpe, gi molenge so a yeke futi lo ande, tongaso si tënë ti Mbeti ti Nzapa aga tâ tënë. 13  Me fadeso, mbi yeke gue na mo na mbi yeke sara tënë so na yâ ti dunia so, tongaso si bê ti ala asi biani na ngia ti mbi. 14  Mbi mû tënë ti mo na ala, me dunia so ake ala, ngbanga ti so ala yeke ti dunia so pëpe legeoko tongana ti so mbi yeke ti dunia so pëpe. 15  “Mbi hunda mo ti zi ala na yâ ti dunia so pëpe, me ti bâ ndo na ndo ti ala ngbanga ti Zo ti sioni. 16  Ala yeke ti dunia so pëpe legeoko tongana ti so mbi yeke ti dunia so pëpe. 17  Sara si ala ga nzoni-kue na lege ti tâ tënë. Tënë ti mo ayeke tâ tënë. 18  Gi tongana ti so mo tokua mbi na yâ ti dunia so, mbi nga mbi tokua ala fade na yâ ti dunia so. 19  Na mbi yeke bata tere ti mbi nzoni-kue ndali ti ala, si a lingbi ti bata ala nga nzoni-kue na lege ti tâ tënë. 20  “Mbi hunda ye na mo, gi ndali ti ala so pëpe, me nga ndali ti ala so ayeke mä na bê na mbi na lege ti tënë ti ala, 21  si ala kue alingbi ti duti oko, legeoko tongana ti so mo, Babâ, mo yeke beoko na mbi na mbi yeke beoko na mo, si ala nga alingbi ti duti beoko na e tongaso si dunia so alingbi ti mä na bê so mo tokua mbi. 22  Nga, mbi mû na ala gloire so mo mû na mbi, si ala duti oko tongana ti so e yeke oko. 23  Mbi yeke beoko na ala, na mo yeke beoko na mbi si ala duti na beoko so alingbi kue, si dunia so alingbi ti hinga so mo tokua mbi nga so mo ndoye ala tongana ti so mo ndoye mbi. 24  Âdu ti ala so mo mû na mbi, Babâ, mbi ye si ndo so mbi yeke dä, ala nga aduti na tere ti mbi si ala bâ gloire ti mbi so mo mû na mbi, ngbanga ti so mo ndoye mbi kozo si a zia gere ti dunia. 25  Babâ so mo yeke mbilimbili, biani, dunia so ahinga mo pëpe. Me mbi, mbi hinga mo, na ala so, ala hinga so mo tokua mbi. 26  Na mbi sara si ala hinga iri ti mo na fade mbi yeke sara si a hinga ni, tongaso si ndoye so mo ndoye na mbi aduti na popo ti ala nga mbi duti beoko na ala.”

Kete tënë