Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Bible na ndo ti Internet

MBETI TI NZAPA TI FINI DUNIA

aRomain 14:1-23

14  ALA yamba zo so mabe ti lo akpengba kue pëpe, me ALA fâ ngbanga pëpe na ndo ti atënë so lo yeke hunda na tere ti lo.  Mbeni zo ayeke na mabe ti te ye kue, me zo so awoko ate akugbe-kasa.  Zia zo so ayeke te ye ni abâ zo so ayeke te ye ni pëpe tongana mbumbuse zo pëpe, nga zo so ayeke te ye ni pëpe afâ ngbanga pëpe na li ti zo so ayeke te ye ni, teti Nzapa ayamba zo so awe.  Mo yeke zo wa si mo fâ ngbanga na li ti zo ti kua ti mba ti mo? A yeke na gbele wa ti lo si lo yeke luti wala lo yeke tï. Biani, a yeke sara ande si lo luti, teti Jéhovah alingbi ti sara si lo luti.  Mbeni zo abâ ti lo mbeni lango tongana kota lango ahon mbeni. Mbeni nde abâ ti lo mbeni lango ni tongana atanga ni kue. Zia zo oko oko ahinga na yâ ti li ti lo so ye ni ayeke biani tongaso.  Zo so ayeke bata mbeni lango, lo bata ni ndali ti Jéhovah. Nga zo so ate ye, ate ye ndali ti Jéhovah, ngbanga ti so lo mû singila na Nzapa. Na zo so ate ye pëpe, ate ye pëpe ndali ti Jéhovah, me lo mû singila na Nzapa.  Biani, mbeni zo na popo ti e ayeke duti na fini gi ndali ti lo wani pëpe, nga mbeni zo na popo ti e ayeke kui gi ndali ti lo wani pëpe.  Atâa tongana e duti na fini, e duti na fini ndali ti Jéhovah, nga atâa e kui, e kui ndali ti Jéhovah. Tongaso, atâa tongana e duti na fini wala e kui, e yeke ti Jéhovah.  Teti a yeke ndali ti ye so si Christ akui na lo kiri na fini: ti tene lo duti Seigneur na ndo ti akuâ nga na ndo ti azo so ayeke na fini. 10  Me mo yeke fâ ngbanga na li ti ita ti mo ndali ti nyen? Wala mo yeke bâ nga ita ti mo tongana mbumbuse zo ndali ti nyen? Teti fade e kue a yeke iri e ti luti na gbele ngbanga ti Nzapa. 11  Teti a sû na Mbeti ti Nzapa, a tene: “Jéhovah atene: ‘Ti tâ tënë ni, likuni oko oko kue ayeke kuku ande na gbele mbi, na yanga oko oko kue ayeke sepela ande Nzapa polele.’ ” 12  Tongaso, fade zo oko oko na popo ti e ayeke kiri tënë na Nzapa ndali ti lo wani. 13  Ni la, zia e fâ ngbanga na li ti mba mbeni pëpe, me zia ALA mû desizion so: ti zia pëpe na gbele mbeni ita mbeni ye so lo yeke pika gere ti lo dä wala mbeni ye so ayeke sara si lo tï. 14  Na yâ ti Seigneur Jésus, mbi hinga na mbi hinga biani mbi tene so mbeni ye ti saleté tongaso ayeke dä pëpe. Gi tongana mbeni zo abâ so mbeni ye ayeke ye ti saleté, si na lê ti lo ye ni ayeke ye ti saleté. 15  Teti tongana ndali ti kobe ita ti mo awara vundu, mo yeke tambela mbeni pëpe alingbi na ndoye. Zia pëpe si na lege ti kobe ti mo, mo futi lege ti lo so Christ akui ndali ti lo. 16  Tongaso, nzoni ye so ALA yeke sara, ALA mû lege na azo ti tene sioni tënë ni pëpe. 17  Teti royaume ti Nzapa ayeke pëpe tënë ti tengo ye na nyongo ye, me a yeke mbilimbili na siriri na ngia na lege ti yingo vulu. 18  Teti na ndo ti tënë so, zo so ayeke sara kua na Christ tongana ngbâa, lo nzere na lê ti Nzapa, na azo ayeke bâ lo na nzoni lê. 19  Tongaso, zia e tomba peko ti aye so ayeke ga na siriri na aye so ayeke kpengba mba na popo ti e. 20  Mo zia ti futi kusala ti Nzapa gi ndali ti kobe. Tâ tënë, aye kue ayeke nzoni biani, me a yeke sioni na mbeni zo ti te ye na a sara si mba ti lo apika gere ti lo. 21  A yeke nzoni mo te nyama pëpe wala mo nyon vin pëpe wala mo sara pëpe mbeni ye so ndali ni ita ti mo atï. 22  Mabe so mo yeke na ni, bata ni ndali ti mo na lê ti Nzapa. Ngia ayeke na zo so azia tere ti lo na gbe ti ngbanga pëpe ndali ti ye so lo yeda ti sara ni. 23  Me tongana lo yeke na kite, a fâ ngbanga na li ti lo awe tongana lo te ni ngbanga ti so lo te ni na mabe pëpe. Biani, ye kue so a sara ni na lege ti mabe pëpe ayeke siokpari.

Kete tënë