Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Bible na ndo ti Internet

MBETI TI NZAPA TI FINI DUNIA

Apocalypse 8:1-13

8  Tongana lo zi mbasambala nzoroko ni, ndo adë ngii na yayu nduru na ndambo ti ngbonga oko.  Na pekoni, mbi bâ a-ange mbasambala so aluti na gbele Nzapa, na a mû na ala atrompette mbasambala.  Mbeni ange ni nde aga, lo luti na tere ti gbalaka ni, lo yeke na mbeni ta ti lor ti zongo na dukani; a mû na lo gbâ ti dukani ti yä ni legeoko na asambela ti azo kue so ayeke nzoni-kue na ndo ti gbalaka ti lor so ayeke na dawa ti trône.  Na guru ti dukani ni alondo na maboko ti ange ni amontê na gbele Nzapa legeoko na asambela ti azo so ayeke nzoni-kue.  Me hio ange ni amû ta ti zongo na dukani ni, lo fû mbeni wâ ti gbalaka ni na yâ ni a si, na lo bi ni na ndo ti sese. Na abekpa asungba, ago asara tënë, awâ ti bekpa aza nga sese ayengi.  Na a-ange mbasambala so ayeke na atrompette mbasambala aleke tere ti ala ti huru ni.  Kozo ange ni ahuru trompette ti lo. Mbi bâ angbongboro glason na wâ so abungbi na mênë, na a bi ni na ndo ti sese; na mbage oko ti sese na popo ti ambage ota agbi, mbage oko na popo ti ambage ota ti akeke kue agbi, nga afini pere kue agbi.  Use ange ni ahuru trompette ti lo. Na a bi mbeni ye tongana kota hoto so wâ ayeke za na tere ni si a tï na yâ ti ngu-ingo. Na mbage oko ti ngu-ingo ni na popo ti ambage ota aga mênë;  na popo ti anyama kue ti ngu-ingo so ayeke na âme, tongana a mû ota, oko akui; na popo ti amangboko kue, tongana a mû ota, oko atuku na ngu. 10  Ota ange ni ahuru trompette ti lo. Mbeni kota tongoro so ayeke za tongana lampe alondo na yayu atï, na a tï na ndo ti mbage oko ti abale na popo ti ambage ota nga a tï na ndo ti mbage oko ti ali ti ngu na popo ti ambage ota. 11  Iri ti tongoro ni so ayeke Sengo ye. Na mbage oko ti angu na popo ti ambage ota aga sengo ngu, nga azo mingi akui ndali ti angu so, ngbanga ti so a sara si angu ni ase sengo. 12  Osio ange ni ahuru trompette ti lo. Na a pika mbeni mbage oko na popo ti ambage ota ti lâ, ti nze na ti atongoro, si ambage ni so aga bingo, na kota lâ agirisa mbage oko ti ngbonga ti lumière ti lo na popo ti ambage ota, na ti bï nga ayeke tongaso. 13  Mbi bâ ndo, na mbi mä mbeni ngualo so ayeke huru na lê ti nduzu asara tënë na kota go, a tene: “Mawa, mawa, mawa na ala so ayeke sara kodoro na ndo ti sese ngbanga ti tanga ti totongo ti atrompette ota ti a-ange so aleke tere ti ala ti huru ni!”

Kete tënë