Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Bible na ndo ti Internet

MBETI TI NZAPA TI FINI DUNIA

Apocalypse 4:1-11

4  Na peko ti aye so, mbi bâ ndo, na bâ, mbeni yanga-da azi na yayu, na kozo go so mbi mä akpa toto ti trompette; go ni asara tënë na mbi atene: “Montê ge, na fade mbi yeke fa na mo aye so ayeke si ande.”  Na peko ti aye so, gi hio tongaso mbi duti na gbe ti ngangu ti yingo, na bâ, mbeni trône ayeke na yayu, na mbeni zo aduti na ndo ti trône ni.  Lo so aduti na ndo ti trône ni, tere ti lo akpa tênë so a iri ni jaspe nga mbeni tênë ti nginza mingi so ayeke bengba bengba; na mbeni kongö angoro tere ti trône ni si na bango ni kongö ni akpa mbeni tênë so a iri ni émeraude.  Atrône bale-use na osio angoro tere ti trône ni so; mbi bâ a-ancien bale-use na osio so ayü avuru bongo ti ndo ni aduti na ndo ti atrône so, nga acouronne ti lor ayeke na li ti ala.  Awâ ti bekpa, ago na toto ti bekpa alondo na mbage ti trône ni asigigi; alampe mbasambala so ayeke za wâ ayeke na dawa ti trône ni, alampe so aduti fä ti ayingo mbasambala ti Nzapa.  Na dawa ti trône ni, mo yeke wara mbeni ngu-ingo so lê ni ayeke tongana tatara na akpa mbeni tênë so zo abâ ndo na yâ ni kue. Na bê ti trône ni nga na tere ni, mbi bâ acréature osio so ayeke na fini, alê ti bango na ndo amû tere ti ala kue, na dawa nga na peko.  Kozo créature ni akpa bamara; use créature ni akpa kete koli-bagara; ota créature ni ayeke na lê so akpa lê ti zo, na osio créature ni akpa ngualo so ayeke huru.  Âdu ti acréature osio so, créature oko oko ayeke na akpangbi omene; na alê amû tere ti akpangbi ni kue, na gigi nga na yâ ni. Bï na lâ, ala yeke wu tere ti ala pëpe si ala yeke tene: “Jéhovah Nzapa ayeke nzoni-kue, nzoni-kue, nzoni-kue; lo yeke Lo ti ngangu ahon kue, lo yeke dä ândö, lo yeke dä fadeso nga lo yeke ga.”  Na ngoi kue so acréature ni ayeke mû gloire, na gonda nga na singila na Lo so aduti na ndo ti trône, Lo so lo yeke na fini lakue lakue nga kpu na kpu, 10  a-ancien bale-use na osio ni atï na gbe ti Lo so aduti na ndo ti trône ni na ala yeke voro Lo so ayeke na fini lakue lakue nga kpu na kpu, nga ala bi acouronne ti ala na dawa ti trône ni si ala yeke tene: 11  “Jéhovah, mo so mo yeke Nzapa ti e, mo lingbi ti tene a mû na mo gloire, na gonda na ngangu ngbanga ti so mo sara aye kue, nga a yeke ndali ti ye so bê ti mo aye si aye ni ayeke dä na a sara ala.”

Kete tënë