Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA See 2013 revision

Apocalypse 15:1-8

15  Mbi bâ mbeni fä ni nde na yayu, mbeni kpengba fä so adö bê ti zo: a-ange mbasambala so ayeke na asioni ye mbasambala. So ayeke tanga ti aye ni la, ngbanga ti so a yeke na lege ti aye so si ngonzo ti Nzapa ayeke hunzi.  Na mbi bâ mbeni ye so akpa ngu-ingo so lê ni ayeke tongana tatara so a bungbi ni na wâ; mbi bâ nga ala so asö benda na ndo ti nyama ti ngonda ni na image ti lo nga na ndo ti numero ti iri ti lo, ala yeke luti na tere ti ngu-ingo so lê ni ayeke tongana tatara so, ala yeke na akundi ti Nzapa na maboko ti ala.  Na ala yeke he bia ti Moïse, ngbâa ti Nzapa, nga na bia ti Molenge ti ngasangbaga ni, ala tene: “Jéhovah Nzapa, Mo ti ngangu ahon kue, akusala ti mo ayeke kota nga adö bê ti zo. Gbia ti lakue lakue, alege ti mo ayeke mbilimbili nga ayeke atâ lege biani.  Jéhovah, so gi mo oko si ayeke be-ta-zo so, zo wa biani si ayeke kpe mbeto ti mo pëpe? Zo wa biani si ayeke mû gloire na mo pëpe? Teti fade amara kue ayeke ga na gbele mo si ala voro mo, ngbanga ti so a fa ambela ti mo so ayeke mbilimbili na gigi awe.”  Na peko ti aye so, mbi bâ ndo na mbi bâ yanga ti akubu ti tente so aduti tongana témoin azi na yayu kâ,  na a-ange mbasambala so agbu asioni ye mbasambala alondo na yâ ti akubu ti tente ni asigigi, ala yü bongo ti lin so avuru nga aza zango na ala kanga aceinture ti lor na kate ti ala.  Mbeni oko ti acréature osio so ayeke na fini amû na a-ange mbasambala ni adû ti sembe mbasambala so a sara ni na lor, so ngonzo ti Nzapa asi yâ ni, Nzapa so ayeke na fini lakue lakue nga kpu na kpu.  Na guru asi yâ ti akubu ti tente ni ngbanga ti gloire ti Nzapa nga ngbanga ti ngangu ti lo, na mbeni zo alingbi ti lï na yâ ti akubu ti tente ni pëpe juska asioni ye mbasambala so a-ange mbasambala so ayeke na ni ahunzi si.

Kete tënë