Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Bible na ndo ti Internet

MBETI TI NZAPA TI FINI DUNIA

Apocalypse 11:1-19

11  Na ngoi so a yeke mû na mbi mbeni sosongo so akpa mbeni keke, lo tene: “Londo mo mû yongo ti akubu ti temple ti Nzapa, ti gbalaka ni nga na ti azo so ayeke voro Nzapa na yâ ni.  Me âdu ti mbage ti yâ ti gbagba ni so ayeke ti lo na gigi ti akubu ti temple ni, mo bi ni na gigi, na mo mû yongo ni pëpe, ngbanga ti so a mû ni na amara awe na fade ala yeke doro gbata so ayeke nzoni kue na gbe ti gere ti ala teti nze bale-osio na use.  Na fade mbi yeke sara si atémoin ti mbi use afa tënë ti prophétie teti alango saki oko ngbangbo use na bale-omene, na ala yeke yü bongo ti fungo na asac.”  A yeke ala si a haka ala na akeke ti olive use nga na aye ti yongo lampe use na ala yeke luti na gbele Seigneur ti sese.  Na tongana mbeni zo aye ti sara sioni na atémoin so, wâ ayeke sigigi na yanga ti ala si ayeke gbi awato ti ala kue; na tongana mbeni zo aye ti sara sioni na ala, a yeke tongaso si a lingbi a fâ lo.  Ala wara komandema ti kanga lê ti nduzu si ngu-nzapa apika oko pëpe na yâ ti alango so ala yeke tene prophétie, na ala yeke na komandema na ndo ti angu ti sara si angu ni aga mênë na ti pika sese na mara ti asioni ye nde nde lege mingi tongana ti so bê ti ala aye.  Na tongana ala hunzi ti fa tënë ti ala ni awe, nyama ti ngonda so alondo na yâ ti kota dû so alï mingi si lo sigigi so, lo yeke sara bira na ala na lo yeke sö benda na ndo ti ala nga lo yeke fâ ala.  Na kuâ ti ala ayeke lango ande na ndo ti kota lege ti kota gbata ni so na lege ti yingo a iri ni Sodome na Égypte, gbata so a kanga lani Seigneur ti ala na ndo ti keke na yâ ni.  Na ambeni zo na popo ti azo, akete mara, azo ti yanga ti kodoro nde nde nga na amara ayeke bâ ande kuâ ti ala teti lango ota na ndambo, na ala yeke yeda pëpe si a zia akuâ ni na yâ ti dû ti kuâ. 10  Tere ti azo so asara kodoro na ndo ti sese ayeke nzere nga ala yeke sara ngia, na ala yeke tokua amatabisi na mba na popo ti ala, ngbanga ti so aprophète use so asara pasi mingi na azo so asara kodoro na ndo ti sese. 11  Na peko ti lango ota na ndambo ni, yingo so amû fini, so alondo na Nzapa, alï na yâ ti ala, na ala londo ala luti na gere ti ala, na kota mbeto agbu azo so ayeke bâ ala. 12  Na atémoin so amä mbeni go so alondo na yayu atene na ala na kota go atene: “ALA montê ge.” Ala montê na yayu na yâ ti mbinda, na awato ti ala abâ ala na guengo ni. 13  Na yâ ti ngbonga ni so, sese ayengi ngangu mingi, na mbeni mbage oko ti gbata ni na popo ti ambage bale-oko atuku na sese; yengingo ti sese ni afâ azo saki mbasambala, na mbeto agbu tanga ti azo ni, na ala mû gloire na Nzapa ti yayu. 14  Use mawa ni ahon awe. Bâ, ota mawa ni ayeke ga gi hio. 15  Mbasambala ange ni ahuru trompette ti lo. Ago asara tënë na kota go na yayu, a tene: “Fadeso royaume ti dunia aga royaume ti Seigneur ti e na ti Christ ti lo awe, na fade lo yeke komande tongana gbia teti lakue lakue nga kpu na kpu.” 16  Na a-ancien bale-use na osio so aduti na ndo ti atrône ti ala na gbele Nzapa akuku lê ti ala na ala voro Nzapa, 17  ala tene: “E kiri singila na mo Jéhovah Nzapa, Mo ti ngangu ahon kue, Mo so mo yeke, na mo yeke ândö, ngbanga ti so mo mû kota ngangu ti mo, na mo to nda ti komande tongana gbia awe. 18  Me amara asara kota ngonzo na ngonzo ti mo asi awe, na ngoi so a fa awe ti fâ ngbanga ti akuâ alingbi awe, na ti mû futa ti angbâa ti mo aprophète na ala, na ti mû futa ti azo so ayeke nzoni-kue na ala nga ti mû na ala so akpe mbeto ti iri ti mo futa ti ala, akete zo na akota zo, nga ti buba azo so ayeke buba sese.” 19  Na pekoni, yanga ti akubu ti temple ti Nzapa so ayeke na yayu azi, na a bâ arche ti mbele ti lo na yâ ti akubu so. Na awâ ti bekpa aza, ago atoto, bekpa asungba, sese ayengi nga gbâ ti aglason atï!

Kete tënë