Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA See 2013 revision

Apocalypse 10:1-11

10  Na pekoni, mbi bâ mbeni ngangu ange ni nde so alondo na yayu aga, lo yü mbinda na tere ti lo, na mbeni kongö ayeke na ndo ti li ti lo; lê ti lo ayeke tongana lâ, na gere ti lo ayeke tongana apilier ti wâ.  Lo gbu na yâ ti maboko ti lo mbeni kete mbeti so arulê ni rulengo, so a zi yâ ni awe. Lo zia gere ti lo ti koli na ndo ti ngu-ingo na lo zia gere ti lo ti wali na ndo ti sese,  lo dekongo na kota go mo bâ mo tene mbeni bamara si ayeke toto. Na tongana lo dekongo, abekpa mbasambala asara tënë.  Tongana abekpa mbasambala ni asara tënë awe, mbi ye ti sû tënë ni na mbeti; me mbi mä mbeni go so alondo na yayu atene: “Atënë so abekpa mbasambala so atene, kanga ni tongana ti so a kpo nzoroko dä, mo sû ni na mbeti pëpe.”  Na ange so mbi bâ lo fade na lutingo na ndo ti ngu-ingo nga na ndo ti sese so, lo yô maboko ti lo ti koli na nduzu,  lo deba na iri ti lo so ayeke na fini lakue lakue nga kpu na kpu, lo so asara yayu na aye so ayeke na yâ ni, sese na aye so ayeke na yâ ni, ngu-ingo na aye so ayeke na yâ ni, lo tene: “Tënë ti kungo ni ayeke dä mbeni pëpe;  me na alango ti totongo ti trompette ti mbasambala ange ni, so aleke tere ti lo ti huru trompette ti lo, fade tënë ti Nzapa so lo honde nda ni, ti gue oko na nzoni tënë so lo fa ni na angbâa ti lo aprophète, ayeke ga ande tâ tënë biani.”  Na go so mbi mä ni fade na yayu akiri asara tënë na mbi atene: “Gue, mo mû mbeti so a rulê ni rulengo so, so a zi yâ ni awe so, si ange so aluti na ndo ti ngu-ingo nga na ndo ti sese agbu ni na yâ ti maboko ti lo so.”  Mbi gue na tere ti ange ni, na mbi tene na lo ti mû na mbi kete mbeti so a rulê ni rulengo so. Ange ni atene na mbi: “Mû ni mo te na fade a yeke sara si yâ ti mo ase sengo, me na yâ ti yanga ti mo a yeke nzere nzerengo mo bâ mo tene mafuta ti wotoro.” 10  Mbi mû mbeti ni so ayeke na yâ ti maboko ti ange ni mbi te, na yâ ti yanga ti mbi a nzere nzerengo mo bâ mo tene mafuta ti wotoro; me tongana mbi te ni awe, a sara si yâ ti mbi ase sengo. 11  Na ala tene na mbi: “A yeke nzoni mo kiri mo fa tënë ti prophétie na ndo ti azo, amara, azo ti yanga ti kodoro nde nde nga na agbia mingi.”

Kete tënë