Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Bible na ndo ti Internet

MBETI TI NZAPA TI FINI DUNIA

aGalate 5:1-26

5  A yeke ti wara mara ti liberté so si Christ azi e. Tongaso, ALA luti ngangu na ALA zia tere ti ALA pëpe si a kiri na ALA na gbe ti joug ti ngbâa.  Bâ, mbi Paul, mbi tene ti mbi na ALA mbi tene tongana a fâ ALA na ganza, Christ ayeke duti ande ye oko pëpe na ALA.  Nga, mbi kiri mbi tene na koli kue so aye si a fâ lo na ganza, mbi tene: a yeke ngbanga ti lo ti sara ye kue so Ndia ahunda.  ALA kue so ayeke gi ti tene a diko ALA tongana azo ti mbilimbili na lege ti ndia, ALA kangbi na Christ awe. ALA gue yongoro awe na kota nzobe ti lo.  Ti e, na lege ti yingo, e yeke ku kungo mbilimbili so e yeke na beku ti wara ni, mbilimbili so aga na lege ti mabe.  Âdu ti aye so andu Jésus Christ, tongana zo afâ ganza wala lo fâ ganza pëpe, so la ayeke kota ye pëpe. Me kota ye ni ayeke mabe so asara kusala na lege ti ndoye.  Kozo, ALA yeke kpe loro lani nzoni. Zo wa la akanga lege na ALA ti ngbâ ti sara ye alingbi na tâ tënë?  Mara ti fango ye tongaso alondo pëpe na Lo so airi ALA.  Kete mama ti mapa asara si mengo farine ni kue asuku. 10  Mbi hinga biani mbi tene ALA so ayeke beoko na Seigneur, ALA yeke yeda na mbeni tënë nde pëpe. Me zo so ayeke ga na kpale na ALA so, atâa lo yeke zo wa, fade lo yeke yô ngbanga ti lo. 11  Ti mbi, aita, tongana mbi ngbâ ti fa tënë ti fango ganza, ngbanga ti nyen si a ngbâ ti sara ye ti ngangu na mbi? Tongana a yeke tongaso, ka a zi awe tënë ti keke ti pasi so ayeke son bê ti zo. 12  Mbi ye si azo so ayeke tara ti ga na kpale so na ALA afâ gi ganza pëpe, me ala zi gi tere ti ala ti koli ni. 13  Biani, aita, a iri ALA ti duti na liberté. Me ALA mû liberté so tongana mbeni lege ti sara na ye ti mitele pëpe. Me na lege ti ndoye, ALA sara kua na mba na popo ti ALA tongana angbâa. 14  Teti atënë ti Ndia kue asigigi na yâ ti tënë oko so: “Mo ndoye mba ti mo tongana mo wani.” 15  Me tongana ALA ngbâ ti te tere na ti sara sioni na mba, ALA sara hange si ALA futi tere na popo ti ALA pëpe. 16  Ti mbi, mbi tene: ALA ngbâ ti tambela na lege ti yingo na fade ALA yeke sara ye ti nzara ti mitele oko pëpe 17  teti mitele na lege ti nzara ti lo aye yingo pëpe, na yingo aye mitele pëpe. Ndali ti so mitele na yingo amä tere pëpe, ambilimbili ye so ALA ye ti sara, ALA sara ni pëpe. 18  Nga, tongana yingo ayeke fa lege na ALA, ALA yeke na gbe ti ndia pëpe. 19  Akusala ti mitele ayeke polele; a yeke lango-sioni, sioni ye, sarango sioni ye na kamene pëpe, 20  vorongo yanda, sarango yorö, kengo tere, tiri, mbanda, sarango ngonzo lakue, papa, kangbi, tënë ti secte, 21  kota bê, nyongo sämba ahon ndo ni, pumba ti kirikiri nga na ambeni ye tongaso. Mbi gboto mê ti ALA na ndo aye so legeoko tongana ti so mbi gboto mê ti ALA kozo awe: Azo so angbâ ti sara aye so, fade royaume ti Nzapa ayeke ga ti ala pëpe. 22  Na mbage, lengo ti yingo ayeke ndoye, ngia, siriri, kangango bê ti ku, sarango nzoni na zo, bê so aye gi ti sara nzoni na zo, mabe, 23  sarango ye na ngangu pëpe, kangango nzara ti bê. Mbeni ndia ti ke aye so ayeke dä pëpe. 24  Nga, ala so ayeke ti Jésus Christ akanga na ndo ti keke mitele legeoko na angangu nzara na ambeni nzara ti mitele ni awe. 25  Tongana e duti na fini na lege ti yingo, zia e ngbâ ti tambela nga mbilimbili legeoko na yingo ni. 26  Zia e fa tere ti e pëpe, e dü tënë ti mandako na popo ti e pëpe, e sara kota bê na tere ti mba nga pëpe.

Kete tënë