Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Bible na ndo ti Internet

MBETI TI NZAPA TI FINI DUNIA

aGalate 3:1-29

3  Ô, ALA azo ti Galatie so ndara amanke ALA so, ALA so a fa polele na ALA awe tënë na ndo ti Jésus Christ so a kanga lo na ndo ti keke, zo wa si ahanda ALA, zo wa?  Mbi ye ALA kiri gi tënë so na mbi: ALA wara lani yingo ndali ti akusala ti ndia wala ndali ti so ALA mä na bê na tënë so ALA mä?  Ndara amanke ALA mingi tongaso? So ALA to nda ni ândö na lege ti yingo, ALA yeke ga azo so alingbi kue na lege ti mitele?  Apasi mingi mingi so ALA bâ lani so, a yeke gi senge senge? Mbi bâ ti mbi so a yeke senge senge pëpe!  Lo so amû na ALA yingo na lo sara akusala ti ngangu na popo ti ALA, lo sara ni ndali ti so ALA sara akusala ti ndia wala ndali ti so ALA mä na bê na tënë so ALA mä?  Gi tongana ti so Abraham “amä na bê na Jéhovah, na ndali ti mabe ti lo Nzapa adiko lo tongana zo ti mbilimbili.”  Ti tâ tënë ni, ALA hinga so azo so agbu mabe ngangu, ala si ayeke amolenge ti Abraham.  Teti so Mbeti ti Nzapa abâ kozo awe so Nzapa ayeke diko azo ti amara tongana azo ti mbilimbili ngbanga ti mabe, Mbeti ti Nzapa ni afa ândö giriri nzoni tënë so na Abraham atene: “Na lege ti mo, fade a yeke iri tënë nzoni na ndo ti azo ti amara kue.”  Ndani la, ala so agbu mabe ngangu, a ngbâ ti iri tënë nzoni na ndo ti ala tongana ti Abraham so ayeke be-ta-zo. 10  Ala kue so azia bê ti ala na ndo ti akusala ti ndia, deba ayeke na li ti ala. Teti a sû na Mbeti ti Nzapa, a tene: “Aye so kue a sû na yâ ti mbeti ti Ndia ti tene zo akpe ni, zo kue so ayeke kpe ni pëpe, deba ayeke na li ti lo.” 11  Nga, a yeke polele so Nzapa adiko zo oko pëpe tongana zo ti mbilimbili ndali ti ndia, teti “fade zo ti mbilimbili ayeke ngbâ na fini ndali ti mabe.” 12  Ndia ahunda na zo pëpe ti duti na mabe, me “zo so akpe acommandement ni, fade lo yeke duti na fini ndali ni.” 13  Na vongo e, Christ azi e na gbe ti deba so Ndia aga na ni na li ti e na lege so lo ga zo so deba ni ayeke na li ti lo na place ti e, teti a sû na Mbeti ti Nzapa, a tene: “Deba ayeke na li ti zo kue so a kanga lo na ndo ti keke.” 14  Ye ni asi tongaso ti tene tënë nzoni so aga na ndo ti Abraham alingbi ti ga na ndo ti amara na lege ti Jésus Christ, si na lege ti mabe ti e, e lingbi ti wara yingo so a mû zendo ni. 15  Aita, mbi yeke mû tapande ti ye so azo ayeke sara ka lakue ti sara na tënë so na ALA: Mbele so ambeni zo ate na popo ti ala awe, atâa so a yeke azo si asara ni, mbeni zo alingbi ti pusu ni yamba pëpe wala ti zia mbeni ye na ndo ni pëpe. 16  A sara tënë ti azendo ni na Abraham nga na ngongoa ti lo. A tene pëpe “na angongoa,” tongana ti angongoa mingi, me tongana ti ngongoa oko, a tene: “Na ngongoa ti mo,” so ayeke Christ. 17  Nga, mbi sara tënë so, mbi tene: Ti mbele so Nzapa amû ngangu na ni ândö awe, Ndia so abâ gigi ngu ngbangbo osio na bale-ota na pekoni amingo ngangu ti mbele ni so pëpe, si zendo ni alï ngu pëpe. 18  Teti tongana ye ti héritier ni aga ngbanga ti ndia, a ye ti tene so a ga ngbanga ti zendo ni pëpe; me, ti bâ ni nzoni, Nzapa amû lani ye ti héritier ni na nzoni bê na Abraham ngbanga ti mbeni zendo. 19  Tongaso, a mû Ndia ni ngbanga ti nyen? A zia Ndia na tere ni ti tene a fa akengo ndia na gigi, juska ngongoa ni asi, lo so a mû zendo ni na lo. A mû Ndia ni na lege ti a-ange na maboko ti mbeni walekengo-songo. 20  Tongana zo ayeke gi oko, a hunda ti wara mbeni walekengo-songo pëpe, me Nzapa ayeke gi oko. 21  Tongaso, Ndia akanga lege na azendo ti Nzapa? Zia ye tongaso asi lâ oko pëpe! Teti tongana a mû fade mbeni ndia si na lege ni azo awara fini, andâ mbilimbili abâ gigi biani ndali ti ndia. 22  Me Mbeti ti Nzapa akanga aye kue na gbe ti siokpari, si a lingbi ti mû na azo so amä na bê zendo so abâ gigi ngbanga ti mabe na Jésus Christ. 23  Ye oko, kozoni si mabe aga, a bata e lani na gbe ti ndia tongana azo ti kanga, na a kanga e kue na gbe ti ndia ti siokpari, ti ku mabe so a fa kozo awe a tene a yeke si ande. 24  Ndani la Ndia aga zo ti bango ndo na ndo ti e ti gue na e na Christ, si a diko e tongana azo ti mbilimbili ngbanga ti mabe. 25  Me so mabe ni asi fadeso awe, e yeke mbeni pëpe na gbe ti mbeni zo so ayeke bâ ndo na ndo ti e. 26  Biani, na lege ti mabe ti ALA na Christ Jésus, ALA kue ayeke amolenge ti Nzapa. 27  Teti ALA kue so a batize ALA lani na yâ ti Christ, ALA yü Christ na tere ti ALA awe. 28  Juif wala Grec ayeke dä pëpe, ngbâa wala zo so ayeke ngbâa pëpe ayeke dä pëpe, koli wala wali ayeke dä pëpe, teti ALA kue ayeke zo oko nga beoko na Christ Jésus. 29  Nga, tongana ALA yeke ti Christ, ALA yeke biani ngongoa ti Abraham, ALA yeke ahéritier ngbanga ti mbeni zendo.

Kete tënë