Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Bible na ndo ti Internet

MBETI TI NZAPA TI FINI DUNIA

aColossien 3:1-25

3  Ye oko, tongana a zingo ALA na kuâ legeoko na Christ awe, zia ALA ngbâ lakue ti gi aye so ayeke na yayu, ndo so Christ ni aduti dä na koti ti Nzapa.  ALA zia li ti ALA angbâ gi na ndo ti aye so ayeke na yayu, me na ndo ti aye so ayeke na sese pëpe.  Teti ALA kui awe, na a honde fini ti ALA legeoko na Christ a lingbi na ye so bê ti Nzapa aye.  Na ngoi so Christ so ayeke fini ti e ayeke fa tere ti lo na gigi, fade a yeke fa ALA nga legeoko na lo na yâ ti gloire.  Tongaso ALA sara si amembre ti tere ti ALA so ayeke na sese so akui tongana a ndu lango-sioni, sioni ye, nzara ti tere, sioni nzara ti bê na sarango bê ti ye, so ayeke vorongo ayanda.  A yeke ndali ti aye so si ngonzo ti Nzapa ayeke ga.  A yeke na yâ ti aye so si ândö ALA nga ayeke tambela dä, na ngoi so lani ALA ngbâ na yâ ni.  Me ti fadeso, ALA zi aye so kue yongoro na ALA: ngonzo, songo bê, sioni bê, zongango ndo nga na abuba tënë so asigigi na yanga ti ALA.  ALA tene mvene na popo ti ALA pëpe. ALA zi ngbene zo nga na asarango ye ti tere ti lo kue, 10  na ALA yü fini zo so na lege ti tâ hingango ye a sara si lo yeke ga gi fini alingbi na image ti Zo so asara ni; 11  ge so, Grec wala Juif ayeke dä pëpe, fango ganza wala fango ganza pëpe ayeke dä pëpe, wala wande, wala zo ti Scythe, wala ngbâa, wala zo so ayeke ngbâa pëpe ayeke dä pëpe; me Christ si ayeke aye kue na lo yeke na yâ ti aye kue. 12  So ALA yeke tongana azo so Nzapa asoro ALA awe, azo so ayeke nzoni-kue na so a ndoye ala, ALA yü tâ bango mawa ti zo, sarango nzoni na zo, tâ be-ti-molenge, sarango ye na ngangu pëpe; ALA yü nga kangango bê ti ku. 13  ALA ngbâ ti kanga bê na amba ti ALA na popo ti ALA, na ti pardone mba na bê ti ALA kue, tongana mbeni zo ayeke na tënë ti dema na tere ti mba ti lo. Gi tongana ti so Jéhovah apardone ALA na bê ti lo kue, ALA nga ALA sara tongaso. 14  Me, na ndo ti aye so kue, ALA yü ndoye, teti ndoye ayeke kamba ti bungbingo ye mbilimbili. 15  Nga, ALA zia siriri ti Christ afa lege na bê ti ALA, siriri so a iri ALA ndali ni na yâ ti tere oko. Na ALA fa singila ti bê ti ALA. 16  ALA zia tënë ti Christ aduti mingi mingi na yâ ti ALA na ndara ni kue. ALA ngbâ ti fa ye na azo nga ALA ngbâ ti gboto mê ti mba na popo ti ALA na lege ti apsaume, abia ti sepelango na Nzapa, abia ti yingo so a he ni nzoni; ALA ngbâ ti he bia na Jéhovah na yâ ti bê ti ALA. 17  Na ye kue so ALA tene ni wala ALA sara ni, ALA sara ni na iri ti Seigneur Jésus, na ALA kiri singila na Nzapa Babâ na lege ti lo. 18  Awali, ALA woko tere na gbe ti akoli ti ALA tongana ti so alingbi na azo ti Seigneur. 19  Akoli, ALA ngbâ lakue ti ndoye awali ti ALA na ALA sara ngonzo mingi na tere ti awali ti ALA pëpe. 20  Amolenge, ALA mä yanga ti ababâ na amama ti ALA na yâ ti aye kue, teti sarango tongaso anzere na bê ti Seigneur. 21  Ababâ, ALA son bê ti amolenge ti ALA pëpe, si bê ti amolenge ni awoko pëpe. 22  Angbâa, ALA mä yanga ti awa ti ALA na ndo ti sese ge na yâ ti aye kue, ALA sara ni ndali ti lê ti awa ti ALA ni pëpe tongana ti ala so agi ti nzere na lê ti azo, me ALA sara ni na vuru bê nga na mbeto ti Jéhovah. 23  Aye kue so ALA yeke sara, ALA sara ni na âme ti ALA kue mo bâ mo tene ALA sara ni na Jéhovah, me na azo pëpe, 24  teti ALA hinga so Jéhovah si ayeke mû na ALA futa ti ye ti héritier ni. ALA sara kua tongana angbâa na Wa ni, so ayeke Christ. 25  Ti tâ tënë ni, zo so asara sioni, fade lo yeke wara ye ti peko ti sioni so lo sara, teti Nzapa ayeke sara kangbi na popo ti azo oko pëpe.

Kete tënë