Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Bible na ndo ti Internet

MBETI TI NZAPA TI FINI DUNIA

aHébreu 6:1-20

6  So e hon akozo fango ye na ndo ti Christ awe, e sara kue ti ga abiazo, na e kiri e zia mbeni fini gere ti ye pëpe, so ti tene: changengo bê ndali ti akusala so ayeke senge senge, tënë ti mango na bê na Nzapa,  fango ye na ndo ti abatême na ziango maboko na ndo ti azo, tënë ti zingongo ti akuâ nga na ti ngbanga ti lakue lakue.  Na a yeke ye so e yeke sara ande tongana Nzapa azia lege na ni biani.  Ti azo so ândö lumière ti Nzapa aza na lê ti ala gi fani oko biani biani awe, ala so atara matabisi ti yayu so a mû senge senge, ala so awara yingo vulu,  ala so atara pendere tënë ti Nzapa nga na angangu ti aye ti ngoi so ayeke ga,  tongana ala tï, lege ayeke dä pëpe ti kiri na ala na fini ti tene ala changé bê ti ala, ngbanga ti so ala wani ala kiri ala kanga Molenge ti Nzapa na ndo ti keke na ala sara si lo ga ye ti kamene na lê ti azo.  Na tapande, sese so ayeke nyon ngu-nzapa so ayeke pika fani mingi na ndo ni, si na pekoni a yeke sara si alê ti kobe asigigi ndali ti ala so a dë nga yaka ni ngbanga ti ala, Nzapa ayeke iri nga tënë nzoni na ndo ni.  Me tongana sese ni so adü akî na asisi, a yeke dö ni a zia na a ngbâ gi ti tene a deba ni; na nda ni a yeke zö ni.  Me ti ALA so e ndoye ALA mingi, atâa so e sara tënë tongaso, e hinga biani e tene ALA yeke sara aye so ayeke nzoni mingi nga so ayeke gue na ALA ti wara salut. 10  Teti Nzapa ayeke pëpe zo so ayeke mbilimbili pëpe si lo girisa kusala ti ALA nga na ndoye so ALA fa teti iri ti lo na lege so ALA sara kua na azo so ayeke nzoni-kue na ALA ngbâ ti sara kua na ala. 11  Me e ye si ALA oko oko ayapu nga tongaso na sarango kua si ALA zia bê ti ALA kue na ndo ti beku ni so juska na nda ni, 12  si ALA duti azo ti goigoi pëpe, me azo so asara ye tongana ti ala so, na lege ti mabe nga na kangango bê ti ku ye, awara azendo so a mû ni. 13  Tongana Nzapa amû lani zendo na Abraham, teti so lo lingbi lani pëpe ti deba na iri ti mbeni zo so ayeke kota ahon lo, lo deba na iri ti lo wani, 14  lo tene: “Ti tâ tënë ni, fade mbi iri tënë nzoni na ndo ti mo; ti tâ tënë ni, fade mbi sara si mo wu mingi.” 15  Na tongana Abraham afa so lo hinga ti kanga bê ti ku ye, lo wara zendo ni so. 16  Teti azo ayeke deba na iri ti mbeni zo so ayeke kota ahon ala, na deba ti ala ni ahunzi apapa kue, teti na lê ti ala a yeke mbeni ye so afa biani atene tënë ni ahunzi biaku na popo ti ala awe. 17  A yeke na lege so si tongana Nzapa aleke ti fa polele mingi ahon ti kozo na ahéritier ti zendo ni so ye so lo leke ni alingbi ti changé pëpe, lo deba yanga ti lo ti fa so ye ni ayeke tâ tënë, 18  si na lege ti aye use so alingbi ti changé pëpe na so Nzapa alingbi ti tene mvene dä lâ oko pëpe, e so e kpe e honde tere ti e na ndo so Nzapa aleke, e wara kpengba wango so apusu e ti gbu beku so a zia na gbele e. 19  E yeke na beku so tongana mbeni kale ti mangboko ndali ti âme ti e, a luti nzoni nga a luti ngangu, a hon na yâ ti rido ni ti lï kâ, 20  na ndo so kozo zo ni, so ti tene Jésus, alï dä ndali ti e, lo so lo ga kota prêtre teti lakue lakue tongana ti Melkisédek.

Kete tënë