Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Bible na ndo ti Internet

MBETI TI NZAPA TI FINI DUNIA

aHébreu 5:1-14

5  Teti kota prêtre kue so a mû lo na popo ti azo, a yeke zia lo ti sara kusala ndali ti azo na ndo ti aye so abâ Nzapa, si lo mû amatabisi nga na asandaga ndali ti asiokpari.  Lo lingbi ti sara ye na ngangu pëpe na mbage ti ala so ahinga ye pëpe si agirisa lege, teti lo nga lo yeke na awokongo ti lo wani;  ndali ti ye so, a yeke ngbanga ti lo ti mû a-offrande ndali ti asiokpari ti lo wani nga ndali ti asiokpari ti azo ti mara ni.  Nga, mbeni zo ayeke wara mara ti gonda tongaso gi na li ti lo wani pëpe, me gi tongana Nzapa airi lo si, tongana ti so lo iri ândö Aaron.  Ti Christ ayeke nga tongaso: lo wani si lo mû gloire na tere ti lo pëpe na gango kota prêtre, me zo so amû gonda ni na lo ayeke Nzapa so atene tënë so na ndo ti lo, a tene: “Mo yeke molenge ti mbi; laso, mbi ga babâ ti mo.”  Lo tene nga na yâ ti mbeni mbage ti Mbeti ti Nzapa, lo tene: “Mo yeke prêtre teti lakue lakue tongana ti Melkisédek.”  Na ngoi so lo de na yâ ti mitele, Christ avoro tere ti lo na yâ ti sambela nga lo hunda aye so agbu bê ti lo na Nzapa so alingbi ti sö lo na kuâ, na dengo kongo ngangu nga na ngu ti lê, na a mä lo nzoni ndali ti so lo kpe mbeto ti Nzapa.  Atâa so lo yeke Molenge ti Nzapa, lo manda mango yanga na lege ti apasi so lo bâ;  na tongana a sara si lo lingbi kue awe, lo ga zo so abâ lege ti mungo salut ti lakue lakue na ala kue so amä yanga ti lo, 10  ngbanga ti so Nzapa airi tâ lo kota prêtre tongana ti Melkisédek. 11  E yeke na aye mingi ti tene na ndo ti lo, na a yeke ngangu ti fa nda ni, teti so ALA ga azo so amä ndo nzoni pëpe. 12  Ngoi ahon mingi awe so ALA lingbi fade ti ga awafango ye, me ALA yeke na bezoin ti tene mbeni zo akiri afa ye na ALA, a to nda ni na akozo tënë ti atënë so ayeke nzoni-kue, so alondo na yanga ti Nzapa; na ALA ga azo so ayeke gi na bezoin ti lait, me ti kpengbango kobe pëpe. 13  Teti zo so anyon lait ahinga pëpe tënë ti ye so ayeke mbilimbili, teti so lo ngbâ kete molenge. 14  Me kpengbango kobe ayeke ti abiazo, azo so, na lege ti sarango kusala na ngangu ti gbungo li ti ala, asara si ngangu ti gbungo li ti ala ni aga nzoni awe ti hinga popo ti ye ti nzoni na ye ti sioni.

Kete tënë