Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA See 2013 revision

aHébreu 4:1-16

4  Tongaso, teti so mbeni zendo ti lingo na yâ ti wungo tere ti lo angbâ, zia e sara hange si mbeni lâ ye ni aduti pëpe mo bâ mo tene mbeni zo na popo ti e awara lege pëpe ti si dä.  Teti e nga kue a fa nzoni tënë ni na e, tongana ti so a fa ni na ala ândö; me tënë ni so ala mä so asara ye oko na ala pëpe, ngbanga ti so, na lege ti mabe, ala duti lani beoko pëpe na azo so amä ni.  E so e yeke na mabe, e lï ti e biani na yâ ti wungo tere ti lo, gi tongana ti so lo tene: “Mbi deba yanga ti mbi na ngonzo, mbi tene: ‘Fade ala yeke lï na yâ ti wungo tere ti mbi pëpe,’ ” atâa so akusala ti lo ahunzi lani awe ngbene ye so a zia gere ti dunia.  Teti na yâ ti mbeni mbage ti Mbeti ti Nzapa, lo tene tënë so na ndo ti lango mbasambala ni, lo tene: “Na Nzapa awu tere ti lo na peko ti akusala ti lo kue na lango mbasambala ni”,  nga na yâ ti mbeni mbage ni so, lo tene: “Fade ala yeke lï na yâ ti wungo tere ti mbi pëpe.”  Teti so lege angbâ ti tene ambeni zo alï na yâ ti wungo tere ni, nga teti so ala so a fa nzoni tënë ni kozo na ala alï dä pëpe ngbanga ti so ala ke yanga,  angu mingi na pekoni, lo kiri lo fa mbeni lango tongana lo sara kusala na tënë “Laso” na yâ ti psaume ti David; gi tongana ti so a tene ni fade awe, a tene: “Laso, tongana ALA mä go ti lo, ALA kpengba bê ti ALA pëpe.”  Teti tongana fade Josué ague na ala na mbeni ndo ti wungo tere, ka Nzapa akiri asara tënë ti mbeni lango ni nde na pekoni pëpe.  So aye ti tene so mbeni sabbat ti wungo tere angbâ ndali ti azo ti Nzapa. 10  Teti zo so alï na yâ ti wungo tere ti Nzapa, lo wu tere ti lo nga na akusala ti lo, gi tongana ti so Nzapa nga awu lani tere ti lo na akusala ti lo. 11  Tongaso, zia e sara ngangu kue ti lï na yâ ti wungo tere so, si mbeni zo atï na yâ ti mara ti tapande ti kengo yanga so pëpe. 12  Teti tënë ti Nzapa ayeke na fini na ayeke na ngangu ti sara ye, a za ahon épée so yanga ni ayeke use na a kpo a lï juska a kangbi popo ti âme na yingo, a kangbi nga popo ti ando so abio atingbi tere dä na mafuta ti yâ ti abio ni, na a lingbi ti hinga nda ti abibe ti bê ti zo nga na aye so bê ti zo ni aye ti sara. 13  Mbeni ye so Nzapa asara so ahonde na lê ti lo ayeke dä pëpe, me aye kue ayeke na gigi senge nga aluti dandara na lê ti lo so e yeke na tënë ti kiri na ni na lo. 14  Tongaso, teti so e yeke na mbeni kota prêtre so ahon atanga ni kue, Jésus Molenge ti Nzapa, lo so lo fâ yâ ti yayu si lo hon, zia e ngbâ ti tene dandara so e mä na bê na lo. 15  Teti kota prêtre so e yeke na ni ayeke pëpe zo so alingbi pëpe ti bâ mawa ti e na ando so e woko dä, me a yeke mbeni zo so a tara lo na yâ ti aye kue legeoko tongana e, me a wara siokpari na yâ ti tere ti lo pëpe. 16  Tongaso, na sarango tënë na kamene pëpe, zia e ga nduru na trône ti kota nzobe ti Nzapa, si a lingbi ti sara nzoni bê na e na a sara kota nzobe na e na ngoi so e yeke na bezoin ti tene a mû maboko na e.

Kete tënë