Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA See 2013 revision

aHébreu 3:1-19

3  Tongaso, aita so ALA yeke nzoni-kue, ALA so a iri ALA nga ti gue na yayu, ALA bi bê ti ALA nzoni na bazengele nga kota prêtre so e tene dandara so e mä na bê na lo: Jésus.  Lo duti lani be-ta-zo na Nzapa so asara si lo ga tongaso, tongana ti so Moïse nga aduti ândö be-ta-zo na yâ ti da ti Nzapa kue.  Teti a bâ so lo lingbi na gloire mingi ahon Moïse, teti lo so asara da ni ayeke na gonda mingi ahon da ni.  Biani, da oko oko kue, mbeni zo si asara ni, me zo so asara aye kue ayeke Nzapa.  Moïse aduti be-ta-zo na yâ ti aye kue ti da ti Nzapa tongana mbeni zo ti kua; ye so lo sara afa tënë ti aye so a yeke sara tënë ni gbândä,  me Christ aduti be-ta-zo na ndo ti da ti Nzapa tongana Molenge. E yeke da ti Nzapa, tongana e ngbâ gi na lege so e yeke sara tënë na kamene pëpe nga na lege so e yeke pika kate ti e na ndo ti beku ti e, na e sara tongaso juska na nda ni.  Ndani la, yingo vulu atene: “Laso, tongana ALA mä go ti lo,  ALA kpengba bê ti ALA pëpe tongana ti ngoi so akotara ti ALA asara si ngonzo agbu mbi mingi, na lango so ala tara bê ti mbi na yando,  ndo so akotara ti ALA atara bê ti mbi, atâa so ala bâ lani akusala ti mbi teti ngu bale-osio. 10  Teti tënë so, nzara ti azo ti ngoi ni so asigigi na bê ti mbi si mbi tene: ‘Lakue na bê ti ala, ala yeke girisa lege, na ala hinga alege ti mbi pëpe.’ 11  Tongaso mbi deba yanga ti mbi na ngonzo, mbi tene: ‘Fade ala yeke lï na yâ ti wungo tere ti mbi pëpe.’ ” 12  Aita, ALA sara hange si mbeni sioni bê so mabe amanke ni amaï na yâ ti mbeni zo na popo ti ALA pëpe ngbanga ti so lo gue yongoro na Nzapa so ayeke na fini. 13  Me ALA ngbâ ti wa tere na popo ti ALA lâ oko oko, na ngoi kue so a ngbâ ti iri ni “Laso”, si bê ti mbeni zo na popo ti ALA akpengba pëpe ndali ti ngangu so siokpari ayeke na ni ti handa zo. 14  Teti biani e ga azo so awara nga ye so Christ awara gi tongana e ngbâ ti gbu ngangu juska na nda ni beku so e yeke na ni lani na tongo nda ni, 15  na ngoi so a yeke tene tënë so: “Laso, tongana ALA mä go ti lo, ALA kpengba bê ti ALA pëpe tongana ti ngoi so akotara ti ALA asara si ngonzo agbu mbi mingi.” 16  Ala so amä tënë ti lo me ala sara si ngonzo agbu lo mingi ayeke azo wa? A yeke ala kue so asigigi na Égypte na gbe ti Moïse pëpe? 17  Nga, azo wa si nzara ti ala asigigi na yâ ti bê ti Nzapa teti ngu bale-osio? A yeke ala so asara siokpari nga so kuâ ti ala atï lani na yando so pëpe? 18  Me a yeke na azo wa si lo deba yanga ti lo lani lo tene ala yeke lï na yâ ti wungo tere ti ni pëpe so? A yeke gi ala so ake yanga. 19  Tongaso, e bâ so azo so alingbi lani pëpe ti lï dä ngbanga ti so mabe amanke ala.

Kete tënë