Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA See 2013 revision

aHébreu 2:1-18

2  Ndani la, a yeke nzoni mingi ndali ti e ti dengi mê nzoni ahon ti kozo na aye so e mä, tongaso si yeke yeke e hon yongoro lâ oko pëpe.  Teti tongana gere ti tënë so a tene na lege ti a-ange aluti ngangu, nga tongana kengo ndia kue na sarango ye kue so afa so zo ake yanga awara futa ti pekoni alingbi na fango ngbanga ti mbilimbili,  fade e kpe fango ngbanga ni tongana nyen? tongana e sara mbana na kota salut tongaso, kota salut so a to nda ti fa tënë ni na lege ti Seigneur ti e nga azo so amä lo atene na e so a yeke tâ tënë;  na oko ngoi ni nga Nzapa afa so ye ni ayeke tâ tënë na lege ti afä, aye ti dongo bê, akusala nde nde ti ngangu nga na lege ti amatabisi ti yingo vulu so lo kangbi ni alingbi na ye so bê ti lo aye.  Teti sese so azo ayeke duti ande dä si ayeke ga so, na so e ngbâ ti sara tënë ni so, Nzapa azia ni na gbe ti a-ange pëpe.  Me ândö mbeni témoin ni ayeda so ye ni ayeke tâ tënë, si lo tene: “Zo ayeke nyen si mo bi bê ti mo na lo so? Wala molenge ti zo ayeke nyen si mo bâ lege ti lo so?  Mo kiri na lo kete kamême na gbe ti a-ange. Mo zia couronne ti gloire na ti gonda na li ti lo na mo zia lo na ndo ti akusala ti maboko ti mo.  Mo zia aye kue na gbe ti gere ti lo.” Teti so Nzapa azia aye kue na gbe ti gere ti lo, mbeni ye oko tongaso so Nzapa azia na gbe ti lo pëpe ayeke dä pëpe. Tâ tënë, e de e bâ pëpe so aye kue ayeke na gbe ti gere ti lo;  me e bâ Jésus, so Nzapa akiri na lo kete kamême na gbe ti a-ange, na lo zia couronne ti gloire na ti gonda na li ti lo ngbanga ti so lo kui, si na lege ti kota nzobe ti Nzapa lo bâ pasi juska ti kui teti zo oko oko kue. 10  Teti a yeke na lege ni ti tene, na mungo amolenge mingi ti lï na ala na yâ ti gloire, lo so aye kue ayeke teti lo nga so aye kue ayeke dä ndali ti lo, asara si Kota Mokonzi ti salut ti ala alingbi kue na lege ti apasi so lo bâ. 11  Teti lo so ayeke sara si azo aga nzoni-kue nga ala so a yeke sara ala ti ga nzoni-kue, ala kue alondo gi na zo oko; ndani la si kamene asara lo pëpe ti iri ala “aita” ti lo 12  tongana lo tene: “Fade mbi yeke fa iri ti mo na aita ti mbi. Fade mbi yeke he bia ti sepela mo na yâ ti congrégation.” 13  Lo tene nga: “Fade mbi yeke zia bê ti mbi na lo.” Ti mbeni nga, lo tene: “Bâ, mbi na akete molenge so Jéhovah amû na mbi la.” 14  Tongaso, teti so “akete molenge” ni ayeke ti mênë na ti mitele, lo nga kue lo ga ti mênë na ti mitele, si na lege ti kuâ ti lo, lo neka lo so ayeke na ngangu ti ga na kuâ, so ti tene Zabolo, 15  nga si lo zi ala kue so, ndali ti mbeto ti kuâ, a mû ala na ngbâa na yâ ti gigi ti ala kue. 16  Ti bâ ni nzoni, lo mû maboko na a-ange pëpe, me lo mû maboko na ngongoa ti Abraham. 17  Ndani la si a lingbi lo ga tongana “aita” ti lo na yâ ti aye kue, tongaso si lo lingbi ti duti mbeni kota prêtre so ahinga ti sara nzoni bê na zo nga so ayeke be-ta-zo na yâ ti aye so abâ Nzapa, si lo mû sandaga so amû lege ti leke songo na popo ti zo na Nzapa, sandaga ndali ti asiokpari ti azo. 18  Ni la, teti so lo wani lo bâ pasi na ngoi so lo yeke na yâ ti tara, lo lingbi nga ti mû maboko na ala so ayeke na yâ ti tara.

Kete tënë