Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA See 2013 revision

aHébreu 13:1-25

13  Zia yengo tere ti ALA ti aita angbâ ti gue.  ALA girisa pëpe tënë ti yambango agene nzoni, so ndali ni, ambeni zo ayamba lani a-ange, me ala hinga pëpe so a yeke a-ange la.  ALA dabe ti ALA na aita so ayeke na yâ ti zingiri mo bâ mo tene ALA nga ayeke na yâ ti zingiri legeoko na ala; ALA dabe ti ALA na aita so azo ayeke sara sioni na ala, teti ALA nga kue ALA ngbâ na yâ ti mitele.  Zia azo kue abâ mariage na nene ni mingi, na zia a sara si gbogbo ti mariage aga sioni pëpe, teti Nzapa ayeke fâ ngbanga ande na li ti azo ti sarango lango-sioni nga na azo ti gingo wali wala koli nde.  ALA zia si ndoye ti nginza aduti na yâ ti sarango ye ti ALA pëpe, me zia aye so ayeke dä alingbi na ALA. Teti lo tene: “Fade mbi yeke zia mo lâ oko pëpe nga mbi yeke girisa mo lâ oko pëpe.”  Tongaso zia e duti na mbeto oko pëpe na e tene: “Jéhovah ayeke zo ti mungo maboko na mbi; fade mbeto ayeke sara mbi pëpe. Nyen la zo alingbi ti sara na mbi nyen?”  ALA dabe ti ALA na azo so ayeke mû li ni na popo ti ALA, so ayeke fa tënë ti Nzapa na ALA; na ngoi so ALA yeke bâ ye ti peko ti sarango ye ti ala, ALA mû tapande ti mabe ti ala.  Jésus Christ ayeke gi oko lo so ayeke biri, laso nga lakue lakue.  ALA zia si mara ti afango ye nde nde nga so alondo na mbeni ndo nde ahon na ALA yongoro pëpe; teti a yeke nzoni ti tene bê ti zo awara ngangu na lege ti kota nzobe ti Nzapa, me na lege ti akobe pëpe, akobe so azo so azia bê ti ala kue na ni abâ nzoni na pekoni pëpe. 10  E yeke na mbeni gbalaka so ala so ayeke sara kusala so ayeke nzoni-kue na yâ ti tente ni ayeke na droit ti te ye ti ndo ni pëpe. 11  Teti anyama so kota prêtre ayeke mû mênë ti ala ague na ni na ndo so ayeke nzoni-kue ndali ti siokpari, a yeke zö akuâ ti ala na gigi ti kando ni. 12  Ni la, Jésus nga kue, ti tene lo sara si azo ni aga nzoni-kue na lege ti mênë ti lo wani, lo bâ pasi na gigi ti yanga ti gbata ni. 13  Tongaso, zia e sigigi na yâ ti kando ni e gue na peko ti lo, ti tene e yô zonga so a zonga na lo, 14  teti ge, e yeke pëpe na mbeni gbata so angbâ lakue, me e yeke gi gingo gbata so ayeke ga. 15  Na lege ti lo, zia e mû lakue na Nzapa sandaga ti gonda, so ti tene lengo ti yanga so ayeke fa iri ti lo na lê ti azo dandara. 16  Nga, ALA girisa pëpe ti sara ye ti nzoni nga ti kangbi ye na zo, teti a yeke mara ti asandaga tongaso si anzere na Nzapa. 17  ALA mä yanga ti ala so ayeke mû li ni na popo ti ALA na ALA woko tere na gbe ti ala, teti azo so ayeke bâ ndo na ndo ti âme ti ALA tongana azo so ayeke na tënë ti kiri na ni na Nzapa, si ala sara kua ti ala na ngia me na demango tere pëpe, teti ye ni ayeke sara ande nzoni na ALA pëpe. 18  ALA sambela ndali ti e, teti e hinga e tene e yeke na nzoni yingo-ti-hinga, ngbanga ti so e ye ti sara ye mbilimbili na yâ ti aye kue. 19  Me mbi wa ALA mingi ti sara tongaso, si a lingbi ti zi mbi hio na ALA. 20  Zia Nzapa ti siriri, so azingo na kuâ Seigneur ti e Jésus, kota berger ti angasangbaga ni, na mênë ti mbele so angbâ lakue lakue, 21  amû na ALA ye kue ti nzoni so ALA yeke na bezoin ni ti sara na ye so bê ti lo aye, nga zia lo sara na mbage ti e ye so ayeke nzoni na lê ti lo na lege ti Jésus Christ. Zia a mû gloire na lo lakue lakue nga kpu na kpu. Amen. 22  Mbi hunda na ALA, aita, ti kanga bê ti ALA na tënë ti mungo ngangu na zo so, teti biani mbi sara mbeti so na ALA na mbi tene tënë mingi dä pëpe. 23  Mbi ye ti tene na ALA so a zi ita ti e Timothée na kanga awe; tongana lo ga hio, mbi na lo si e yeke gue ande ti bâ ALA. 24  ALA tene bara ti mbi na azo kue so ayeke mû li ni na popo ti ALA, ALA tene ni nga na ala kue so ayeke nzoni-kue. Ala so ayeke na Italie atokua bara na ALA. 25  Zia kota nzobe ti Seigneur aduti na ALA kue.

Kete tënë