Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Bible na ndo ti Internet

MBETI TI NZAPA TI FINI DUNIA

aHébreu 1:1-14

1  Nzapa, so ândö asara tënë fani mingi nga na alege nde nde na akotara ti e na lege ti aprophète,  asara tënë na e na hunzingo ti alango so na lege ti Molenge ti lo, so Lo zia lo héritier ti aye kue, nga so na lege ti lo Nzapa asara aye ti angoi nde nde.  Lo yeke zango ti gloire ti Nzapa nga tâ image ti Nzapa ni, na lo yeke bata aye kue na fini na lege ti ngangu ti tënë ti lo; na peko ti so lo sara kusala ti sukulango siokpari ti e awe, lo duti na koti ti Kota Gbia na ando so ayeke na nduzu mingi.  Tongaso lo ga nzoni mingi ahon a-ange, teti a mû na lo mbeni iri so ayeke nzoni mingi ahon ti ala.  Na tapande, ange wa si Lo tene na lo tënë so mbeni lâ awe? Lo tene: “Mo yeke molenge ti mbi; laso, mbi ga babâ ti mo,” wala: “Fade mbi yeke ga babâ ti lo na lo yeke ga molenge ti mbi.”  Me na ngoi so lo kiri lo fa Kozo Molenge ti lo na gigi na ndo ti sese so azo ayeke dä, lo tene: “Zia a-ange ti Nzapa kue aba li ti ala na gbe ti lo.”  Nga, na sarango tënë ti a-ange, lo tene: “Lo sara a-ange ti lo ayingo, na lo sara awakua ti lo so ayeke sara kua ndali ti nzoni ti azo mbeni menga-wa.”  Me na sarango tënë ti Molenge ni, lo tene: “Nzapa ayeke trône ti mo teti lakue lakue nga kpu na kpu; keke ti komandema ti royaume ti mo ayeke keke ti komandema ti mbilimbili.  Mo ndoye ye so ayeke mbilimbili na mo ke tënë ti kpengo ndia pëpe. Ndani la Nzapa, lo so ayeke Nzapa ti mo, atuku mafuta na ndo ti mo ahon amba ti mo, mafuta so amû na mo ngia mingi.” 10  Nga lo tene: “Ô Seigneur, na tongo nda ni, mo zia gere ti sese, na yayu ayeke kusala ti maboko ti mo. 11  Fade ala wani ayeke buba, me mo, mo yeke ngbâ lakue lakue; na legeoko tongana bongo ti ndo ni, ala kue ayeke ga ngbene ye, 12  na mo yeke rulê ala gi tongana ti so a yeke rulê kota bongo ti dê, tongana bongo ti ndo ni; na fade a changé ala, me ti mo, gi mo la awe, na alango ti mo ayeke hunzi pëpe.” 13  Me ange wa si na sarango tënë ti lo mbeni lâ, lo tene: “Mo duti na mbage ti maboko ti mbi ti koli, juska mbi zia awato ti mo tongana mbata ti gere ti mo”? 14  Ala kue ayeke ayingo so ayeke sara kua ndali ti nzoni ti azo pëpe? Ayingo so a tokua ala ti sara kua na azo so ayeke wara ande salut.

Kete tënë