Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Bible na ndo ti Internet

MBETI TI NZAPA TI FINI DUNIA

aÉphésien 6:1-24

6  Amolenge, ALA mä yanga ti ababâ na amama ti ALA alingbi na ye so bê ti Seigneur aye, teti sarango tongaso ayeke mbilimbili.  “Mo ne babâ na mama ti mo.” A yeke kozo commandement so mbeni zendo ayeke na tere ni:  “Tongaso si ye aga nzoni na mo, na mo lingbi ti ngbâ a ninga na ndo ti sese.”  Ti ALA ababâ, ALA son bê ti amolenge ti ALA pëpe, me ALA ngbâ ti bata ala na lege ti sengo ndo nga na awango ti gbotongo mê so alondo na Jéhovah.  Angbâa, ALA mä yanga ti awa ti ALA so ayeke na ndo ti sese ge; ALA mä yanga ti ala na vuru bê, na mbeto nga na tere so adö, mo bâ mo tene ALA yeke mä yanga ti Christ,  ALA sara ni ndali ti lê ti awa ti ALA ni pëpe tongana ti ala so agi ti nzere na lê ti azo, me ALA sara ni tongana angbâa ti Christ; zia ALA sara ye so bê ti Nzapa aye na âme ti ALA kue.  ALA sara kua ti ngbâa na nzoni bê, mo bâ mo tene ALA sara na azo pëpe, me na Jéhovah,  teti ALA oko oko kue ahinga so ye ti nzoni kue so zo asara ni, fade lo yeke wara futa ti pekoni na tïtî Jéhovah, atâa zo ni ayeke ngbâa wala ngbâa pëpe.  Ti ALA awa ti angbâa nga, ALA ngbâ ti sara tongaso na angbâa ti ALA, ALA zia ti son na ngangu na ndo ti angbâa ni, teti ALA hinga so Wa ti ALA kue ayeke na yayu na lo yeke sara kangbi na popo ti azo pëpe. 10  Ti hunzi na ni, aita, ALA ngbâ ti wara ngangu na yâ ti Seigneur nga na yâ ti kota ngangu ti ngangu ti lo. 11  ALA yü aye ti bira kue so alondo na Nzapa si ALA wara lege ti luti ngangu ti ke amayele ti Zabolo, 12  ndali ti so e yeke tiri na mitele na mênë pëpe, me e yeke tiri na angorogbia, akomandema, amokonzi ti dunia ti bingo so nga na asioni yingo so ayeke na yayu. 13  Na ndo ti tënë so, ALA yü aye ti bira kue so alondo na Nzapa si ALA wara lege ti gbu lê ni na lâ ti sioni na, tongana ALA sara aye kue ahunzi awe, ALA luti ngangu. 14  Tongaso, ALA luti ngangu, ALA kanga tâ tënë na gbe ti yâ ti ALA tongana ceinture, ALA yü mbilimbili tongana bongo ti wen na kate ti ALA, 15  ALA yü agbakuru ti nzoni tënë ti siriri tongana poro na gere ti ALA. 16  Na ahon kue, ALA mû kota vala ti mabe, so na ni ALA yeke wara ande lege ti mingo wâ ti akokora kue ti Zo ti sioni. 17  Nga, ALA yeda ti mû casque ti salut, na ALA mû épée ti yingo, so ayeke tënë ti Nzapa; 18  na oko ngoi ni, na lege ti asambela nde nde kue nga na atënë ti vorongo tere na Nzapa, ALA ngbâ ti sambela na ngoi kue na lege ti yingo. Ti sara tongaso, zia lê ti ALA angbâ lakue na zingo ni nga ALA voro tere ti ALA mingi na Nzapa ndali ti azo kue so ayeke nzoni-kue, 19  nga ndali ti mbi si a mû na mbi ngangu ti sarango tënë, na ngoi so mbi zi yanga ti mbi ti sara tënë na kamene pëpe na ndo ti tënë so Nzapa ahonde nda ni, so ayeke nzoni tënë 20  so mbi yeke sara kusala tongana mbeni lembe ni na yâ ti azingiri, si, tongana a ndu nzoni tënë ni, mbi lingbi ti sara tënë na mbeto pëpe tongana ti so a lingbi mbi sara. 21  Fadeso, ti tene ALA nga ALA hinga tënë na ndo ti akusala ti mbi, tongana nyen mbi yeke sara ni, Tychique, mbeni ita so mbi ndoye lo mingi nga so ayeke be-ta-zo na yâ ti kusala ti Seigneur, ayeke fa ande aye kue na ALA. 22  A yeke tâ ndali ti tënë so si mbi yeke tokua lo na ALA, si ALA lingbi ti hinga ambeni ye na ndo ti e na lo lingbi nga ti dë bê ti ALA. 23  Zia aita aduti na siriri na ndoye nga na mabe so alondo na Nzapa Babâ ni nga na Seigneur Jésus Christ. 24  Zia kota nzobe ti Nzapa aduti na ala kue so andoye Seigneur ti e Jésus Christ na mbeni ndoye so ayeke buba pëpe.

Kete tënë