Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Bible na ndo ti Internet

MBETI TI NZAPA TI FINI DUNIA

aÉphésien 5:1-33

5  Tongaso, ALA ga azo so asara ye tongana ti Nzapa, teti ALA yeke amolenge so lo ndoye ALA mingi,  na ALA ngbâ ti tambela na yâ ti ndoye, gi tongana ti so Christ nga andoye ALA na lo kä tere ti lo na kuâ ndali ti ALA ti ga tongana offrande na sandaga so a mû na Nzapa, mbeni ye so fion ni afun pendere.  Tongana ti so a lingbi na azo so ayeke nzoni-kue, zia a sara même tënë ti lango-sioni, tënë ti sioni ye nde nde kue wala ti bê ti warango ye na popo ti ALA pëpe.  Nga, zia a sara tënë ti asarango ye ti kamene, abuba tënë nga na angia ti buba na popo ti ALA pëpe, ndali ti so a yeke aye so akpa oko pëpe; me ahon ti sara tënë ti aye so, zia ALA kiri singila na Nzapa.  Teti ALA hinga ye so awe, na ALA wani ahinga ni nzoni mingi so zo ti sarango lango-sioni, wala zo so ayeke na yâ ti sioni ye, wala zo ti sarango bê ti ye, so ti tene zo ti vorongo ayanda, ayeke na mbeni ye ti héritier oko pëpe na yâ ti royaume ti Christ na ti Nzapa.  ALA zia mbeni zo ahanda ALA na asenge senge tënë pëpe, teti a yeke ndali ti aye so mbi londo ti sara tënë ni so si ngonzo ti Nzapa ayeke ga na ndo ti azo ti kengo yanga.  Ndani la, zia mbeni ye abungbi ALA na azo so pëpe.  Teti ândö ALA yeke bingo, me fadeso ALA yeke lumière teti ALA sara beoko na Seigneur. ALA ngbâ ti tambela tongana amolenge ti lumière,  teti ye so lumière alë ayeke mara ti alege nde nde kue ti bê so aye gi ti sara nzoni na zo, alege nde nde kue ti mbilimbili nga na ti tâ tënë. 10  ALA ngbâ ti bâ yâ ti aye nzoni ti hinga ye so anzere biani na lê ti Seigneur. 11  ALA zia ti yôro tere ti ALA legeoko na azo so na yâ ti akusala so alë lengo pëpe si ayeke ti bingo, me ahon ti yôro tere ti ALA dä, zia ALA kasa akusala so, 12  teti a yeke ye ti kamene ti fa peko ti aye so azo so ayeke sara na hondengo ni. 13  Aye kue so a yeke fa sioni ni na gigi, a yeke lumière la asara si a fa ni na gigi, teti ye kue so a fa ni na gigi ayeke lumière. 14  Ndani la a tene: “Mo so mo yeke lango, mo zingo, mo londo na popo ti akuâ, na fade Christ ayeke su na ndo ti mo.” 15  Tongaso zia ALA sara hange mingi na tambela ti ALA si a duti tongana ti awabuba pëpe, me tongana ti awandara, 16  na sarango kusala nzoni na ngoi* ti ALA, teti ngoi ni ayeke sioni. 17  Ndani la, ALA zia ti ga azo so li ti ala ayeke dä pëpe, me ALA ngbâ ti gi ti hinga wala ye so bê ti Jéhovah aye ayeke nyen. 18  Nga, ALA zia vin asulêe ALA pëpe, ye so ague na zo ti sara ye ahon ndo ni, me ALA zia si yingo vulu asi ALA singo lakue 19  si ALA sara tënë na popo ti ALA na lege ti apsaume, na lege ti abia ti sepelango na Nzapa, na lege ti abia ti yingo, nga ALA he bia na ALA pika mozoko ti gonda na Jéhovah na yâ ti bê ti ALA, 20  na iri ti Seigneur ti e Jésus Christ ALA kiri singila lakue teti aye kue na Nzapa so ayeke Babâ ti e. 21  ALA woko tere na gbe ti mba ndali ti mbeto ti Christ. 22  Zia awali awoko tere na gbe ti akoli ti ala tongana ti so ala yeke woko tere na gbe ti Seigneur, 23  teti koli ayeke li ti wali ti lo tongana ti so Christ nga ayeke li ti congrégation, so ayeke tere ti lo na so lo yeke sauveur ni. 24  Biani, gi tongana ti so congrégation ayeke woko tere na gbe ti Christ, zia awali nga awoko tere na gbe ti akoli ti ala na yâ ti aye kue. 25  Akoli, ALA ngbâ lakue ti ndoye awali ti ALA gi tongana ti so Christ nga andoye congrégation na lo kä tere ti lo na kuâ ndali ti congrégation ni, 26  si lo lingbi ti sara si congrégation ni aga nzoni-kue, lo sukula ni na ngu na lege ti tënë ti Nzapa, 27  si lo fa congrégation ni pendere na lê ti lo wani, na mbeni saleté na tere ti lo pëpe wala na mbeni tere so anokpo nokpongo pëpe wala mbeni mara ti ye tongaso pëpe, si congrégation ni alingbi ti duti nzoni-kue na sioni oko pëpe na tere ti lo. 28  A yeke tongaso si a lingbi akoli andoye awali ti ala tongana tere ti ala wani. Zo so andoye wali ti lo andoye tere ti lo wani, 29  teti lâ oko pëpe mbeni koli ake tere ti lo wani; me lo mû kobe na ni nga lo yeke ye ni mingi, tongana ti so Christ nga ayeke sara na congrégation, 30  ngbanga ti so e yeke amembre ti tere ti lo. 31  “Ndani la, koli ayeke zia ande babâ na mama ti lo, na lo yeke duti ande na wali ti lo na fade ala use ayeke ga mitele oko.” 32  Tënë so, so Nzapa ahonde nda ni, ayeke kota mingi. Ti so, mbi yeke sara tënë ti Christ nga na ti congrégation. 33  Ye oko, zia koli oko oko na popo ti ALA andoye wali ti lo legeoko tongana ti so lo ndoye tere ti lo wani. Na mbage, a lingbi wali ane koli ti lo mingi.

Kete tënë

Na Grec: “vongo ngoi so alingbi.”