Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Bible na ndo ti Internet

MBETI TI NZAPA TI FINI DUNIA

aÉphésien 3:1-21

3  Ndali ti tënë so, mbi Paul so mbi yeke zo ti kanga ndali ti Christ nga ngbanga ti ALA, azo ti amara nde . . .  Biani, ALA mä tënë ti kusala so a mû na mbi, so ayeke ti bâ lege ti kota nzobe ti Nzapa ndali ti nzoni ti ALA,  ALA mä so a yeke na lege ti mbeni ye so Nzapa afa na mbi si mbi hinga tënë so lo honde nda ni, gi tongana ti so mbi sû mbeni nduru tënë na ndo ni fade awe.  Ni la, na dikongo mbeti so, ALA lingbi ti bâ tongana nyen mbi gbu nda ti tënë na ndo ti Christ, tënë so Nzapa ahonde nda ni.  A fa tënë ni so pëpe na azo ti ngoi so ahon awe tongana ti so a fa nda ni fadeso na lege ti yingo na abazengele ti lo so ayeke nzoni-kue nga na aprophète,  so atene, azo ti amara ayeke ga amba ti e ahéritier, amba ti e amembre ti tere ni nga amba ti e so awara nga zendo ni ndali ti so ala sara beoko na Christ Jésus na lege ti nzoni tënë.  A yeke ndali ti kota nzobe ti Nzapa si mbi ga wakua ti ye so. Lo mû na mbi matabisi so senge senge alingbi na lege so ngangu ti lo ayeke sara kua.  Mbi so mbi yeke tâ kete ahon lo so ayeke tanga ti azo kue so ayeke nzoni-kue, a mû na mbi kota nzobe ti Nzapa so, si mbi fa na azo ti amara nde nzoni tënë ti amosoro ti Christ so zo alingbi ti gbu nda ni kue pëpe,  na mbi lingbi ti fa na azo tongana nyen a yeke bâ lege ti tënë so Nzapa ahonde nda ni ngbene ye ândö giriri kâ. Nzapa so asara aye kue ahonde nda ti tënë so na yâ ti lo wani. 10  Ye so asi ti tene na lege ti congrégation, angorogbia nga na akomandema so ayeke na yayu ahinga kota ndara ti Nzapa so yâ ni awu mingi 11  alingbi na ye so lo leke ti sara, ye so ayeke lakue lakue, so lo zia gere ni na sese ândö awe na so andu Christ Jésus Seigneur ti e, 12  so ndali ti lo e wara lege ti sara tënë na kamene pëpe nga e yeke gi bê ti e pëpe tongana e yeke ga nduru na Nzapa na lege ti mabe ti e na Christ. 13  Tongaso mbi hunda na ALA ti tene bê ti ALA awoko pëpe ngbanga ti aye ti vundu so asi na mbi ndali ti ALA, teti aye ti vundu so ayeke ndali ti gloire ti ALA. 14  Ndali ti tënë so, mbi kuku na likuni ti mbi na gbe ti Babâ ni, 15  lo so na lege ti lo asewa kue na yayu nga na sese awara iri ti ala, 16  na mbi voro lo si, a lingbi na mosoro ti gloire ti lo, lo sara si zo ti yâ ni ti ALA akpengba na mungo na ALA ngangu na lege ti yingo ti lo 17  ti sara si, ndali ti mabe ti ALA, Christ aduti na yâ ti bê ti ALA legeoko na ndoye so a lingbi a duti na popo ti ALA. Mbi voro lo nga ti tene lo sara si gunda ti ALA alï sese na ALA luti nzoni na ndo ti gere ni so akpengba, 18  tongaso si ALA na azo kue so ayeke nzoni-kue alingbi biani ti gbu nda ti kota ti lê ni, yongo ni, yongo ni na nduzu nga lingo ni, 19  si ALA hinga ndoye so Christ ayeke na ni, so ahon hingango ye, na ALA si singo na anzoni sarango ye kue so alondo na Nzapa. 20  Nzapa, na lege ti ngangu ti lo so ayeke sara kua na yâ ti e, alingbi biani ti sara ye mingi ahon ndo ti aye kue so e hunda wala so e bi bê ti e dä. 21  Zia a mû na lo gloire na lege ti congrégation nga na lege ti Christ Jésus, ti si na azo ti ngoi kue teti lakue lakue nga kpu na kpu. Amen.

Kete tënë