Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Bible na ndo ti Internet

MBETI TI NZAPA TI FINI DUNIA See 2013 revision

aÉphésien 1:1-23

1  Mbi Paul, bazengele ti Christ Jésus na lege ti ye so bê ti Nzapa aye, mbi tokua mbeti so na azo so ayeke nzoni-kue so ayeke na Éphèse, abe-ta-zo so ayeke beoko na Christ Jésus:  Zia kota nzobe nga na siriri so alondo na Nzapa Babâ ti e nga so alondo na Seigneur Jésus Christ aduti na ALA.  Zia a gonda Nzapa so ayeke nga Babâ ti Seigneur ti e Jésus Christ, teti na ando so ayeke na yayu lo mû na e nzoni ye kue ti yingo ndali ti so e yeke beoko na Christ,  gi tongana ti so lo soro e ti duti beoko na Christ kozo si a zia gere ti dunia, si e lingbi ti ga nzoni-kue nga ti duti na sioni oko pëpe na lê ti lo na yâ ti ndoye.  Nzapa aleke kozo awe ti tene a mû e ti ga amolenge ti lo na lege ti Jésus Christ, a lingbi na ye so anzere na lo nga na ye so bê ti lo aye,  ti tene a sepela gloire ti kota nzobe ti lo so lo sara na e na lege ti Molenge ti lo so Lo ndoye lo mingi.  Na lege ti ngere so Molenge ni afuta ti zi azo, a zi e na lege ti mênë ti lo, biani a pardone afaute ti e alingbi na mosoro ti kota nzobe ti lo.  Lo sara kota nzobe so na e na mungo na e ndara kue nga na nzoni hingango ndo kue,  na lege so lo sara si e hinga tënë so lo honde nda ni, tënë ti ye so bê ti lo aye. Na tënë ni so ague oko na ye so anzere na lo nga ague oko na ye so lo leke na bê ti lo ti sara, 10  so a ndu tënë ti bango lege ti aye ti lo tongana ngoi ni so a soro awe alingbi kue, so ti tene: a yeke kiri ti bungbi aye kue oko na yâ ti Christ, aye so ayeke na yayu na aye so ayeke na sese. Biani, na yâ ti Christ 11  e nga a mû e ti ga ahéritier legeoko na lo, na lege so Nzapa, so ayeke sara aye kue alingbi na ye so bê ti lo aye, asoro e kozo awe, 12  si a lingbi ti sepela gloire ti Nzapa na lege ti e so e yeke akozo zo so azia beku ti ala na Christ. 13  Me ALA nga ALA zia beku ti ALA na lo na peko ti so ALA mä tâ tënë, so ayeke nzoni tënë ti salut ti ALA. Na lege ti lo nga, na peko ti so ALA mä na bê awe, a kpo mbeni nzoroko na tere ti ALA, yingo vulu so a mû zendo ni ândö; 14  a yeke yingo vulu so si afa na e kozo atene e yeke wara ande ye ti héritier ni biani, ti ku na zingo azo so ayeke ti Nzapa wani na lege ti mbeni ngere so a futa ti zi e, si a sepela gloire ti lo. 15  Ndani la, mbi kue, ngbene ye so mbi mä tënë ti mabe so ALA yeke na ni na Seigneur Jésus nga na mbage ti ala kue so ayeke nzoni-kue, 16  mbi zia pëpe ti kiri singila na Nzapa ndali ti ALA. Mbi ngbâ lakue ti sara tënë ti ALA na yâ ti asambela ti mbi, 17  si Nzapa ti Seigneur ti e Jésus Christ, Babâ so ayeke na gloire, amû na ALA yingo ti ndara na yingo ti fango na gigi aye so Nzapa afa na ngoi so ALA yeke manda ti hinga lo mbilimbili, 18  si lê ti bê ti ALA azi ti bâ ndo nzoni, tongaso si ALA hinga beku wa lo iri ALA ndali ni, mosoro ti gloire wa lo bata ni tongana ye ti héritier na ala so ayeke nzoni-kue, 19  nga tâ kota ti ngangu ti lo na mbage ti e so e mä na bê. Kota ti ngangu ti lo so, a bâ ni na yâ ti lege so lo sara kusala na ngangu ti lo 20   na mbage ti Christ tongana Lo zingo lo na kuâ na Lo zia lo na mbage ti maboko ti Lo ti koli na yayu, 21  na nduzu kâ na ndo ti ngorogbia kue, komandema kue, ngangu kue, na ndo ti ala kue so akomande nga na ndo ti airi kue so a yeke di ni, gi na yâ ti aye ti ngoi so pëpe, me nga na yâ ti aye ti ngoi so ayeke ga. 22  Lo zia nga aye kue na gbe ti gere ti lo, na Lo sara si lo duti li ti aye kue ti congrégation, 23  so ayeke tere ti lo, na so lo si yâ ni, nga lo si aye kue na yâ ti aye kue.

Kete tënë