Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Bible na ndo ti Internet

MBETI TI NZAPA TI FINI DUNIA

3 Jean 1:1-14

1  Mbi, mbakoro-koli, mbi sû mbeti so na Gaïus, lo so mbi ndoye lo mingi.  Mo so mbi ndoye mo mingi, mbi sambela ti tene na yâ ti aye kue mo maï na mo duti na nzoni seni, gi tongana ti so âme ti mo nga ayeke maï nzoni.  Teti tere ti mbi anzere lani mingi tongana aita aga, na ala sara nzoni tënë ti tâ tënë so mo gbu ni, gi tongana ti so mo ngbâ ti tambela na yâ ti tâ tënë.  Tongana mbi mä a tene amolenge ti mbi angbâ ti tambela na yâ ti tâ tënë, mbeni ye nde ti pusu mbi ti kiri singila mingi ahon aye so ayeke dä pëpe.  Mo so mbi ndoye mo mingi, mo yeke be-ta-zo na yâ ti aye kue so mo yeke sara ndali ti aita so ala yeke awande  na so atene nzoni tënë ti ndoye ti mo na gbele congrégation. Mbi voro mo ti zia aita so na lege tongana ti so alingbi na lê ti Nzapa.  Teti a yeke ndali ti iri ti Nzapa si ala sigigi so, na ala mû ye oko pëpe na tïtî azo ti amara.  Ni la, a yeke ngbanga ti e ti yamba azo tongaso nzoni si e ga amba ti ala awakua na yâ ti tâ tënë.  Mbi sû lani mbeni mbeti na congrégation, me Diotrèphe, so aye gi kota ndo na popo ti ala, ayamba na kpengo mbeto pëpe aye kue so alondo na e. 10  Ndani la, tongana mbi ga, fade mbi yeke kiri na ndo ti akusala so lo ngbâ ti sara. Lo yeke diko asioni tënë lakue na iri ti e. Na so kue alingbi na lo pëpe, lo yeke yamba nga aita ni nzoni pëpe. Na ala so aye ti yamba aita ni, lo yeke tara ti kanga lege na ala na ti tomba ala na yâ ti congrégation. 11  Mo so mbi ndoye mo mingi, mû peko ti ye so ayeke nzoni, me ye so ayeke sioni, mû pekoni pëpe. Zo so asara ye ti nzoni, lo yeke ti Nzapa. Me zo so asara ye ti sioni abâ Nzapa pëpe. 12  Aita kue nga na tâ tënë asara nzoni tënë na ndo ti Démétrius. Biani, e nga kue e yeke sara nzoni tënë na ndo ti lo, na mo hinga so tënë ti e so ayeke tâ tënë. 13  Mbi yeke na tënë mingi ti tene na mo, me mbi ye pëpe ti ngbâ ti sû ni na encre nga na keke ti mbeti. 14  Me mbi yeke na beku ti bâ mo fade fadeso, na fade e sara tënë lê na lê. Zia siriri aduti na mo. Aita atokua bara ti ala mo. Mo tene bara ti mbi na aita oko oko na iri ti ala.

Kete tënë