Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Bible na ndo ti Internet

MBETI TI NZAPA TI FINI DUNIA

2 aThessalonicien 3:1-18

3  Ti hunzi na ni, aita, ALA ngbâ ti sambela ndali ti e, si tënë ti Jéhovah angbâ ti gue na li ni hio hio na a ngbâ ti mû gonda na ni gi tongana ti so a yeke mû gonda na ni na popo ti ALA.  ALA ngbâ nga ti sambela ndali ti e si a zi e na maboko ti asioni zo so ayeke sara sioni na amba ti ala, teti mabe ayeke ye so azo kue si ayeke na ni pëpe.  Me Seigneur ayeke be-ta-zo, na fade lo yeke sara si ALA luti ngangu nga lo yeke bata ALA si Zo ti sioni asara ye na ALA pëpe.  Nga, teti so e yeke azo ti Seigneur e zia bê ti e kue na ALA, so yanga so e mû na ALA, ALA yeke sara ye alingbi na ni na ALA yeke ngbâ ande ti sara ye alingbi na ni.  Zia Seigneur angbâ ti fa lege nzoni na bê ti ALA si ALA ndoye Nzapa nga ALA gbu ngangu teti Christ.  Fadeso, aita, na iri ti Seigneur Jésus Christ e mû yanga na ALA, e tene: ALA gboto tere ti ALA yongoro na ita kue so atambela kirikiri na so atambela pëpe alingbi na ngobo so e fa na ALA.  Teti ALA wani ahinga tongana nyen a lingbi ALA sara ye tongana ti e, ngbanga ti so e sara ye lani kirikiri na popo ti ALA pëpe  nga e te kobe ti mbeni zo senge senge pëpe. Me, bï na lâ e sara kua ngangu na gbiki ti li ti e si e ga mbeni nengo kungba na ndo ti mbeni zo na popo ti ALA pëpe.  E tene pëpe so e yeke na droit pëpe ti hunda ye na ALA, me e sara tongaso ti tene e ga mbeni tapande teti ALA si ALA sara ye tongana e. 10  Nga, so e yeke lani na tere ti ALA, e yeke mû ka yanga so na ALA, e tene: “Tongana mbeni zo aye ti sara kua pëpe, zia lo te nga ye pëpe.” 11  Teti e mä a tene ambeni zo na popo ti ALA ayeke tambela kirikiri, ala yeke sara kua oko pëpe, me ala yeke yôro yanga ti ala na yâ ti atënë so abâ ala pëpe. 12  E mû yanga na azo tongaso na e wa ala mingi na iri ti Seigneur Jésus Christ, e tene: ala duti na siriri na ala sara kua ti ala si ala te kobe ti peko ti kua ti ala. 13  Ti ALA, aita, zia bê ti ALA awoko na sarango nzoni ye pëpe. 14  Me tongana mbeni zo ake ti mä tënë ti e so ayeke na yâ ti mbeti so, ALA zia lê ti ALA na ndo ti lo nzoni, ALA zia ti sara songo na lo tongaso si kamene asara lo. 15  Ye oko, ALA bâ lo tongana mbeni wato pëpe, me ALA ngbâ ti gboto mê ti lo tongana mbeni ita. 16  Zia Seigneur ti siriri amû na ALA siriri lakue na yâ ti ye kue. Seigneur aduti na ALA kue. 17  So bara ti mbi Paul la, so mbi wani mbi sû na maboko ti mbi, so ayeke fä so ayeke na yâ ti ambeti ti mbi oko oko kue. So lege ti sungo mbeti ti mbi la. 18  Zia kota nzobe ti Seigneur ti e Jésus Christ aduti na ALA kue.

Kete tënë