Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Bible na ndo ti Internet

MBETI TI NZAPA TI FINI DUNIA See 2013 revision

2 aCorinthien 3:1-18

3  E yeke kiri ti sara nzoni tënë ti e wani? Wala tongana ti ambeni zo, e yeke na bezoin ti ambeti so a sara nzoni tënë ti e na yâ ni ti tene e gue na ni na ALA? wala e yeke na bezoin ti ambeti so ALA si a sû ni na so asara nzoni tënë ti e?  ALA si ayeke mbeti ti e ni, mbeti so a sû na ndo ti bê ti e, na so azo kue ahinga ni na ayeke diko ni.  Teti a yeke polele so ALA yeke mbeni mbeti ti Christ so e so e yeke awakua si e sû ni; a sû ni na encre pëpe, me na yingo ti Nzapa so ayeke na fini; a sû ni na lê ti akete tableau ti tênë pëpe, me na lê ti akete tableau ti mi, so ti tene na ndo ti bê.  Na lege ti Christ, e lingbi ti tene tënë so na bê ti e kue na gbele Nzapa.  E wani pëpe si e bâ tere ti e so e lingbi biani nga a yeke na lege ti ngangu ti e wani si e sara ye so pëpe; me Nzapa la asara si e lingbi biani;  a yeke lo si abâ e tongana azo so alingbi biani ti duti awakua ti mbeni fini mbele; e yeke pëpe awakua ti mbeti ti andia, me awakua ti yingo. Teti mbeti ti andia afâ ngbanga ti kuâ na li ti zo, me yingo amû fini na zo.  Nga, tongana andia so aga na ngbanga ti kuâ na li ti zo na so a kpaka agere-mbeti ni na lê ti atênë abâ gigi lani na yâ ti gloire, ye so asara si amolenge ti Israël alingbi pëpe ti bâ lê ti Moïse a ninga ngbanga ti gloire ti lê ti lo, gloire so ayeke hon fade hongo,  ngbanga ti nyen si mungo yingo na zo aduti na yâ ti gloire mingi ahon so pëpe?  Teti tongana andia so aga na ngbanga ayeke lani na gloire, fade mungo mbilimbili na zo ayeke duti na gloire mingi ahon ni. 10  Biani, même ye so ândö a mû gloire na ni, a zi gloire ni ngbanga ti gloire ti mbeni so ahon ni mingi. 11  Teti tongana ye so ayeke hon hongo aga lani na yâ ti gloire, fade ye so ayeke ngbâ ti lo ngbango ayeke ga na yâ ti gloire mingi ahon ni. 12  Teti so e yeke na mara ti beku tongaso, e yeke sara tënë na kamene oko pëpe, 13  na e yeke sara ye pëpe tongana ti ngoi so Moïse azia lani voile na lê ti lo si amolenge ti Israël angbâ ti bâ pëpe hunzingo ti ye so a yeke zi ni fade zingo. 14  Me lege ti hingango ndo ti ala akanga lani. Teti juska laso na ngoi so a yeke diko ngbene mbele ni, oko voile so angbâ tongaso, a zi ni pëpe, ngbanga ti so a yeke zi ni biaku gi na lege ti Christ. 15  Biani, ti londo kâ juska laso, tongana a yeke diko ambeti ti Moïse, mbeni voile angbâ na ndo ti bê ti ala. 16  Me tongana mbeni zo aturnê na mbage ti Jéhovah, a zi voile ni. 17  Jéhovah ayeke Yingo. Ndo so yingo ti Jéhovah ayeke dä, liberté ayeke dä. 18  Na oko ngoi so lê ti e so a zi voile dä awe ayeke za gloire ti Jéhovah tongana ti tatara, a gbian e kue ti ga tongana oko image so na ti wara gi kota gloire na kota gloire na peko ti tere, gi tongana ti so Jéhovah, lo so ayeke Yingo, ayeke sara.

Kete tënë