Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Bible na ndo ti Internet

MBETI TI NZAPA TI FINI DUNIA

2 Timothée 3:1-17

3  Me a yeke nzoni mo hinga tënë so: Na alango ti nda ni, angoi ti akpale so ayeke ngangu na zo ti kanga bê na yâ ni ayeke duti dä,  ngbanga ti so azo ayeke duti ande azo so andoye gi tere ti ala wani, azo so andoye nginza, azo so abâ tere ti ala kota na ndo ti amba ti ala, azo ti baba, azo ti zongango ndo, azo so ake yanga ti ababâ na amama ti ala, azo so ahinga ti kiri singila pëpe, azo so ayeke abe-ta-zo pëpe,  azo so aye amba ti ala zo pëpe, azo so aye oko pëpe ti mä tere na amba ti ala, azo ti pango amba ti ala, azo so akanga nzara ti bê ti ala pëpe, azo so ayeke asioni zo, azo so andoye nzoni ye pëpe,  azo ti kango amba ti ala, azo so li ti ala akpengba, azo so wuma ti ala ahon ndo ni, azo so andoye angia ahon ti ndoye Nzapa,  ala yeke sara ye mo bâ mo tene ala gbu tënë ti Nzapa ngangu, andâ ala ke ngangu ti tënë ni awe; mo turnê peko ti mo na azo so;  teti a yeke na popo ti ala si ambeni zo ayeke londo, azo so ayeke gue na mayele na yâ ti da ti azo ti handa ala na ti gbu na ngbâa awali so awoko awe so asiokpari ane ala, awali so anzara nde nde ti bê ti ala ayeke fa lege na ala,  so lakue ala yeke manda ye, me ala lingbi lâ oko pëpe ti duti na tâ hingango ye ti tâ tënë.  Gi tongana ti so Jannès na Jambrès aluti lani ti ke tënë ti Moïse, azo so nga kue angbâ ti ke tâ tënë; ala yeke azo so li ti ala abuba kue awe, so, tongana a ndu tënë ti mabe, Nzapa ake ala awe.  Ye oko, ala yeke ngbâ ande gi ti maï pëpe, ndali ti so azo kue ayeke hinga ande tënë ti ye so asara li ti ala, tongana ti so azo ahinga lani tënë ti ye so asara li ti Jannès na Jambrès. 10  Me ti mo, mo mû tâ gi peko ti fango ye ti mbi, ti dutingo ti mbi, ti ye so mbi ye ti sara, ti mabe ti mbi, ti kangango bê ti mbi ti ku ye, ti ndoye so mbi yeke na ni nga ti gbungo ngangu so mbi gbu, 11  ti aye ti ngangu so a sara na mbi, ti apasi so mbi bâ, ti mara ti aye nde nde so asi na mbi na Antioche, na Iconium nga na Lystres, ti mara ti aye ti ngangu so a sara na mbi si mbi kanga bê dä; me Seigneur azi mbi na yâ ti aye so kue. 12  Tâ tënë, azo kue so aye ti gbu tënë ti Nzapa ngangu na yâ ti gigi ti ala na sarango beoko na Christ Jésus, a yeke sara ande aye ti ngangu na ala nga. 13  Me azo ti sioni na azo ti handango azo ayeke ngbâ gi ti sara sioni ti gue na ni, ala yeke handa azo na a yeke handa ala nga. 14  Ye oko, ti mo, ngbâ na yâ ti aye so mo manda lani na so a ga na mo ti ye pekoni, teti mo hinga azo so mo manda ye ni na mbage ti ala, 15  nga so ngbene ye so mo de foroto, mo hinga awe aMbeti so ayeke nzoni-kue, so alingbi ti sara si mo wara ndara ti wara na salut na lege ti mabe na Christ Jésus. 16  Atënë kue ti yâ ti Mbeti ti Nzapa, a sara ni na mbeti na gbe ti yingo ti Nzapa, na a yeke nzoni ti fa na ye na zo, ti suku na zo, ti kiri na aye na nzoni lege, ti se na zo na lege ti mbilimbili, 17  si zo ti Nzapa alingbi na yâ ti ye kue, na a mû na lo aye kue so lo yeke na bezoin ni ti tene lo sara nzoni kusala kue.

Kete tënë