Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Bible na ndo ti Internet

MBETI TI NZAPA TI FINI DUNIA

2 Timothée 2:1-26

2  Tongaso, molenge ti mbi, mo ngbâ ti wara ngangu na yâ ti kota nzobe so ague oko na Christ Jésus,  nga aye so mo mä ni na yanga ti mbi, na so atémoin ni ayeke mingi, mo zia ni na tïtî azo so ayeke be-ta-zo, so ala nga na pekoni, a yeke bâ ande so ala hinga biani ti fa ni na ambeni zo nga.  Mo kue mo duti nduru ti bâ pasi tongana mbeni nzoni turugu ti Christ Jésus.  Mbeni zo so ayeke sara kua ti turugu ayeke bi tere ti lo pëpe na yâ ti dengo buze ti gigi so, tongaso si lo nzere na lê ti zo so amû lo na kua ti turugu ni.  Nga, tongana mbeni zo ayeke sara mandako na yâ ti angia ti wanguru, lo yeke wara couronne ni gi tongana lo sara mandako ni alingbi na andia ni si.  A lingbi zo ti fango yaka so asara kua ngangu aduti kozo zo ti tengo lê ti kobe ni.  Mo gbu li ti mo lakue na ndo ti tënë so mbi yeke tene; fade Seigneur ayeke mû na mo biani ndara ti bâ yâ ti aye kue nzoni.  Dabe ti mo so a zingo lani Jésus Christ na kuâ na lo yeke ti ngongoa ti David, a lingbi na nzoni tënë so mbi fa;  ti gue oko na nzoni tënë so, mbi ngbâ ti kanga bê ti mbi na yâ ti pasi juska ti duti na yâ ti zingiri tongana mbeni sioni zo. Ye oko, a kanga tënë ti Nzapa pëpe. 10  Ndali ti tënë so, mbi ngbâ ti gbu ngangu na yâ ti aye kue ndali ti ala so Nzapa asoro ala, si ala nga ala lingbi ti wara salut so ayeke na yâ ti sarango beoko na Christ Jésus nga ti wara gloire ti lakue lakue. 11  Tënë so, zo alingbi ti zia bê ti lo na ndo ni: Biani tongana e kui legeoko na lo, fade e yeke duti na fini legeoko na lo nga; 12  tongana e ngbâ ti gbu ngangu, fade e yeke komande legeoko na lo nga tongana agbia; tongana e bere tënë ti lo, fade lo nga lo yeke bere tënë ti e; 13  tongana e yeke abe-ta-zo pëpe, lo yeke ngbâ ti lo be-ta-zo teti lo lingbi pëpe ti bere tënë ti lo wani. 14  Mo ngbâ ti dabe ti ala na aye so, mo mû yanga na ala na gbele Nzapa tongana témoin, ti tene ala tiri ndali ti atënë pëpe; a yeke ye so ayeke senge senge ngbanga ti so a yeke kinda mabe ti ala so ayeke mä ni. 15  Mo sara ngangu kue ti duti mbeni zo so anzere na lê ti Nzapa, mbeni wakua so mbeni ye ti sara kamene na lo ayeke dä pëpe, wakua so ahinga ti sara kusala na lege ni na tënë so ayeke tâ tënë. 16  Me mo ke asenge senge tënë so abuba nengo ti ye so ayeke nzoni-kue; teti azo so ayeke ngbâ gi lakue ti kpe Nzapa pëpe ti gue na ni, 17  na atënë ti yanga ti ala ayeke mû gi ndo ti gue na ni tongana kä so ayeke te ti mû tere ti zo kue. Hyménée na Philète ayeke na popo ti azo so. 18  Akoli so ahon yongoro na tâ tënë awe, ala yeke tene so zingongo ti akuâ ahon awe, si ala yeke kinda mabe ti ambeni zo. 19  Me, ngangu gere ti ye so Nzapa azia angbâ ti luti, na tënë so a sû na tere ni ayeke so: “Jéhovah ahinga ala so ayeke ti lo,” nga: “Zia zo kue so airi Jéhovah na iri ti lo adö lege ti ye so ayeke mbilimbili pëpe azia.” 20  Na yâ ti mbeni kota da, a yeke wara pëpe gi ata so a sara ni na lor nga na argent, me a yeke wara nga ata so a sara ni na keke nga so a sara ni na sese; ambeni ta ni ayeke ti sara na kota kusala, me ambeni ayeke ti sara na senge kusala. 21  Ni la, tongana mbeni zo aduti yongoro na ata so a yeke sara na senge kusala so, fade lo yeke duti ande mbeni ta so ayeke ti sara na kota kusala, ta so a zia ni nde, ta so wa ti lo ayeke sara na kua, ta so a leke ni teti anzoni kusala kue. 22  Tongaso, mo kpe yongoro na anzara ti bê so ayeke gbu ka amaseka, me mo tomba peko ti mbilimbili, ti mabe, ti ndoye, ti siriri, legeoko na ala so ayeke iri ndo na Seigneur na vuru bê. 23  Nga, mo ke ahundango ndo ti buba nga na ti mbana, teti mo hinga so a yeke dü tiri. 24  Me a yeke nzoni ngbâa ti Seigneur atiri pëpe, me lo duti zo so asara ye na ngangu pëpe na azo kue, zo so a bâ so lo hinga biani ti fa ye na azo, lo hinga ti kanga bê ti lo na gbe ti ye ti sioni, 25  lo yeke fa ye na ngangu pëpe na azo so aye ti mä wango pëpe; a lingbi ti si so Nzapa asara si ala changé bê ti ala si ala wara tâ hingango ye na ndo ti tâ tënë, 26  na li ti ala akiri dä si ala zi tere ti ala na yâ ti kûkû ti Zabolo teti so lo gbu ala awe na fini lê ti ala ti sara ye so lo wani lo ye.

Kete tënë