Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Bible na ndo ti Internet

MBETI TI NZAPA TI FINI DUNIA

1 Jean 2:1-29

2  Amolenge ti mbi so mbi ndoye ALA mingi, mbi yeke sû aye so na mbeti na ALA si ALA tï pëpe na yâ ti mbeni siokpari. Me, tongana a si so mbeni zo atï na yâ ti mbeni siokpari, e yeke na mbeni zo ti mungo maboko so ayeke na tere ti Babâ ni. A yeke Jésus Christ, zo ti mbilimbili.  Lo yeke sandaga so amû lege ti leke songo na popo ti zo na Nzapa, sandaga ndali ti asiokpari ti e. Na gi ndali ti asiokpari ti e pëpe, me nga ndali ti asiokpari ti azo ti dunia kue.  A yeke na lege so si e hinga so e hinga lo: tongana e ngbâ ti bata acommandement ti lo.  Zo so atene: “Mbi hinga lo,” me lo yeke bata acommandement ti lo pëpe, zo ni so ayeke zo ti mvene na tâ tënë ayeke na yâ ti lo pëpe.  Me zo kue so abata tënë ti lo, biani a sara si ndoye ti Nzapa alingbi kue na yâ ti zo so. A yeke tongaso si e hinga so e yeke beoko na lo.  Zo so atene ni ngbâ beoko na lo, a yeke ngbanga ti lo ti ngbâ ti tambela gi tongana ti so lo tambela giriri.  ALA so mbi ndoye ALA mingi, mbi yeke sû na ALA mbeni fini commandement pëpe, me mbeni ngbene commandement so ALA wara ni ngbene ye na tongo nda ni. Ngbene commandement so ayeke tënë so ALA mä lani awe.  Me nga, mbi yeke sû na ALA mbeni fini commandement so ayeke tâ tënë na ndo ti lo nga na ndo ti ALA, teti bingo angbâ ti hon, na tâ lumière ayeke su fadeso awe.  Zo so atene ni yeke na yâ ti lumière, me lo ke ita ti lo, lo yeke na yâ ti bingo juska fadeso. 10  Zo so andoye ita ti lo angbâ na yâ ti lumière, na mbeni ye ti tene zo apika gere ti lo dä ayeke na yâ ti lo pëpe. 11  Me zo so ake ita ti lo ayeke na yâ ti bingo na lo yeke tambela na yâ ti bingo, nga lo hinga pëpe ndo so lo yeke gue dä ndali ti so bingo avuko lê ti lo awe. 12  Amolenge so mbi ndoye ALA mingi, mbi yeke sû mbeti so na ALA ndali ti so a pardone siokpari ti ALA awe ngbanga ti iri ti lo. 13  Mbi yeke sû mbeti so na ALA, ababâ, ngbanga ti so ALA hinga lo so ayeke dä na tongo nda ni. Mbi yeke sû mbeti so na ALA, amaseka-koli, ngbanga ti so ALA hon Zo ti sioni na ngangu awe. Amolenge so mbi ndoye ALA mingi, mbi sû mbeti na ALA ngbanga ti so ALA hinga Babâ ni awe. 14  Mbi sû mbeti na ALA, ababâ, ngbanga ti so ALA hinga lo so ayeke dä na tongo nda ni. Mbi sû mbeti na ALA, amaseka-koli, ngbanga ti so ALA kpengba, na tënë ti Nzapa angbâ na yâ ti bê ti ALA, na ALA hon Zo ti sioni na ngangu awe. 15  ALA ndoye dunia so pëpe wala aye so ayeke na yâ ti dunia so. Tongana mbeni zo andoye dunia so, ndoye ti Babâ ni ayeke na yâ ti lo pëpe, 16  ngbanga ti so ye kue so ayeke na yâ ti dunia so, so ti tene nzara ti mitele, nzara ti lê na sarango baba ti akungba so zo ayeke na ni, alondo na Babâ ni pëpe, me a londo na dunia so. 17  Nga, dunia so angbâ ti hon nga na nzara ti lo kue. Me zo so asara ye so bê ti Nzapa aye, lo ngbâ lakue lakue. 18  Amolenge so mbi ndoye ALA mingi, so ayeke ndangba ngbonga ni la. Na legeoko tongana ti so ALA mä so wato-ti-Christ ayeke ga, même fadeso awato-ti-Christ mingi aga awe. Ni la, e hinga so a yeke ndangba ngbonga ni la. 19  Azo so alondo lani na popo ti e si ala sigigi, me ala yeke lani ti e pëpe. Tongana ala yeke lani ti e, ka ala ngbâ na popo ti e. Me ala londo na popo ti e ala sigigi si a lingbi ti bâ polele so azo kue si ayeke ti e pëpe. 20  Me ti ALA, a yeke Lo so ayeke nzoni-kue si asoro* ALA, na ALA kue ALA hinga ye. 21  Mbi sû mbeti so na ALA, na mbi sû ni pëpe ndali ti so ALA hinga tâ tënë pëpe, me ndali ti so ALA hinga ni, nga ndali ti so mvene oko alondo na yâ ti tâ tënë pëpe. 22  Zo ti mvene ni ayeke zo wa? A yeke lo so ake so Jésus ayeke Christ. So wato-ti-Christ ni la, zo so ake Babâ ni nga na Molenge ni. 23  Zo kue so ake Molenge ni, lo yeke beoko na Babâ ni nga pëpe. Zo so atene na yanga ti lo so ni mä na bê na Molenge ni, lo yeke beoko na Babâ ni nga. 24  Ti ALA, zia ye so ALA mä na tongo nda ni angbâ na yâ ti bê ti ALA. Tongana ye so ALA mä na tongo nda ni angbâ na yâ ti bê ti ALA, fade ALA yeke ngbâ beoko na Molenge ni nga beoko na Babâ ni. 25  Nga, ye so lo wani lo mû zendo ni na e ayeke so: fini ti lakue lakue. 26  Mbi sû aye so na ALA na ndo ti azo so ayeke tara ti handa ALA. 27  Ti ALA, sorongo so a soro na ALA angbâ na ALA. Na ALA yeke na bezoin ti mbeni zo ti fa ye na ALA pëpe. Legeoko tongana ti so sorongo ALA ni afa ye na ALA na ndo ti aye kue, na a yeke tâ tënë nga a yeke mvene pëpe, na gi tongana ti so a fa ye na ALA, zia ALA ngbâ ti duti beoko na lo. 28  Fadeso, amolenge so mbi ndoye ALA mingi, zia ALA ngbâ ti duti beoko na lo tongaso si, tongana lo fa tere ti lo na gigi, e lingbi ti sara tënë na kamene pëpe nga a kangbi e na lo na kamene na lê ti e pëpe na ngoi so lo yeke si na lo yeke duti dä. 29  Tongana ALA hinga so lo yeke mbilimbili, ALA yeke hinga so a yeke lo si adü azo kue so ayeke sara ye ti mbilimbili.

Kete tënë

Bâ kete tënë ti Lc 4:18.