Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Bible na ndo ti Internet

MBETI TI NZAPA TI FINI DUNIA

1 aThessalonicien 2:1-20

2  Biani, aita, ALA wani ahinga atene guengo so lani e gue e bâ ALA so, pekoni angbâ senge pëpe,  me na peko ti so e wu pono lani na a sara ye ti kamene na e na kodoro ti Philippes (tongana ti so ALA hinga ni), Nzapa ti e asara si e zi mbeto na yâ ti e ti fa nzoni tënë ti lo na ALA na yâ ti kota tiri.  Teti wango so e mû alondo pëpe na yâ ti atënë so ayeke na lege ni pëpe, e mû ni na yâ ti sioni ye pëpe nga na tënë ti handango zo pëpe,  me, legeoko tongana ti so Nzapa abâ so e lingbi awe ti tene lo zia nzoni tënë ni na maboko ti e ti bata, e nga e yeke sara tënë ni ti nzere na lê ti azo pëpe, me ti nzere na lê ti Nzapa, lo so abâ bê ti e.  Biani, e ga lâ oko pëpe na ALA na anzerengo tënë (tongana ti so ALA hinga), wala na tënë ti handango lê ti honde ndo ti kota bê ti e; Nzapa ayeke témoin ni!  Nga e gi lâ oko pëpe ti wara gloire na mbage ti azo, na mbage ti ALA wala na mbage ti ambeni zo nde, atâa so e lingbi fade ti duti mbeni nengo kungba na ndo ti ALA teti so e yeke abazengele ti Christ.  E sara tongaso pëpe, me na ngoi so e yeke lani na popo ti ALA, e sara ye na ALA na nzoni bê tongana mbeni mama so ayeke mû me na amolenge ti lo na lo bata ala nzoni.  Teti so e ye ALA mingi, e yeke lani na ngia ti fa na ALA gi nzoni tënë ti Nzapa pëpe, me e mû nga âme ti e kue na ALA, ngbanga ti so ALA ga azo so e ndoye ALA mingi.  Aita, biani ALA dabe ti ALA na ngangu kua nga na pasi ti e. Tongana e yeke fa lani nzoni tënë ti Nzapa na ALA, e sara kua bï na lâ si e ga mbeni nengo kungba na ndo ti mbeni zo na popo ti ALA pëpe. 10  ALA yeke atémoin ni, na Nzapa nga kue ayeke témoin ni, so na yâ ti sarango ye ti e na mbage ti ALA, aita so amä na bê, ALA bâ tongana nyen e yeke lani be-ta-zo, e yeke mbilimbili nga tënë ayeke na li ti e pëpe. 11  Tongana ti so ALA hinga ni nzoni, e zia pëpe ti wa ALA oko oko kue, ti dë bê ti ALA nga ti sara tënë mingi na ALA, legeoko tongana mbeni babâ ayeke sara na amolenge ti lo, 12  si ALA ngbâ ti tambela na lege so alingbi na lê ti Nzapa, lo so lo iri ALA na yâ ti royaume nga na gloire ti lo. 13  Ndani la si e nga e kiri singila lakue na Nzapa ngbanga ti so, na ngoi so ALA yamba tënë ti Nzapa so e fa lani na ALA, ALA yamba ni tongana tënë so alondo na azo pëpe, me tongana tënë ti Nzapa, na a yeke tënë ti lo biani, tënë ni so ayeke sara nga kua na yâ ti bê ti ALA, aita so amä na bê. 14  Teti ALA ga azo so amû tapande ti acongrégation ti Nzapa so ayeke na Judée na so asara beoko na Christ Jésus, ndali ti so ALA to nda ti bâ na maboko ti azo ti kodoro ti ALA a-oko pasi so aita ti Judée nga abâ ni na maboko ti aJuif 15  so afâ même Seigneur Jésus nga na aprophète, na ala sara nga ye ti ngangu na e. Na ala yeke mû ngia na Nzapa pëpe, me ala ke ye so ayeke ndali ti nzoni ti azo kue, 16  teti ala tara ti kanga lege na e ti fa tënë na azo ti amara si a sö fini ti azo so, na ye ti pekoni ayeke so aJuif so angbâ gi ti sara siokpari mingi. Me na nda ni ngonzo ti Nzapa atï na ndo ti ala awe. 17  Ti e, aita, na ngoi so a kangbi popo ti e na ALA na ngangu teti kete ngoi (biani e lingbi lani ti bâ ALA pëpe, me bê ti e ayeke na ndo ti ALA), e sara ngangu ti bâ lê ti ALA teti nzara ti ALA asara e mingi. 18  Ndani la, e ye lani ti gue na ALA kâ, so ti tene mbi Paul mbi tara ti gue fani oko, même fani use ni, me Satan akanga lege na e. 19  Beku ti e, wala ngia ti e wala couronne ti e so e yeke pika ande kate ngbanga ni na gbele Seigneur ti e Jésus na ngoi so lo yeke si na lo yeke duti dä ayeke nyen? A yeke ALA pëpe? 20  Biani, ALA si ayeke gloire ti e nga na ngia ti e.

Kete tënë