Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Bible na ndo ti Internet

MBETI TI NZAPA TI FINI DUNIA

1 aThessalonicien 1:1-10

1  Paul, Sylvain na Timothée atokua mbeti so na azo ti congrégation ti Thessalonique so asara beoko na Nzapa Babâ ni nga na Seigneur Jésus Christ: Zia kota nzobe ti Nzapa nga na siriri aduti na ALA.  E yeke kiri singila lakue na Nzapa na ngoi so e yeke sara tënë ti ALA kue na yâ ti asambela ti e,  teti e yeke dabe ti e lakue na kusala so mabe apusu ALA ti sara, ngangu kua so ndoye apusu ALA ti sara ni nga na gbungo ngangu so ALA yeke na ni ndali ti beku ti ALA na Seigneur ti e Jésus Christ, na lê ti Nzapa ti e nga Babâ ti e.  Aita so Nzapa andoye ALA, e hinga so lo soro ALA awe,  teti nzoni tënë so e fa asi na ALA kâ lani gi pëpe na lege ti tënë ti yanga, me a si nga na ngangu, na yingo vulu nga na bê so ayeda na tënë ni kue; nga ALA hinga ye so e sara lani ndali ti nzoni ti ALA.  Na ALA ga azo so asara ye tongana ti e nga tongana ti Seigneur, teti e bâ so ALA yeda na tënë ni na yâ ti aye ti vundu mingi na ngia so alondo na yingo vulu,  na tongaso ALA ga mbeni tapande ndali ti azo kue so amä na bê si ayeke na Macédoine nga na Achaïe.  Ti tâ tënë ni, tënë ti Jéhovah so alondo na ALA kâ so, a mû gi yâ ti Macédoine nga na Achaïe pëpe, me tënë ti mabe ti ALA na Nzapa amû ndo kue, ye so asara si e lingbi ti tene mbeni tënë oko na ndo ni pëpe.  Teti azo so angbâ ti fa tongana nyen si ti kozoni e si lani na popo ti ALA, nga tongana nyen ALA dö lege ti ayanda ti ALA azia ti ga ti sara kua tongana angbâa na tâ Nzapa so ayeke na fini, 10  nga ti ku Molenge ti lo so ayeke londo na yayu ti ga, lo so Nzapa azingo lo na kuâ, so ti tene Jésus, lo so azi e na gbe ti ngonzo so ayeke ga.

Kete tënë