Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Bible na ndo ti Internet

MBETI TI NZAPA TI FINI DUNIA See 2013 revision

1 aCorinthien 3:1-23

3  Aita, mbi lingbi lani pëpe ti sara tënë na ALA tongana azo ti yingo, me tongana azo ti mitele, tongana akete molenge na yâ ti Christ.  Mbi mû lani na ALA lait ti nyon, me mbi mû na ALA kpengbango kobe ti te pëpe, teti ALA de lani ti kpengba nzoni pëpe. Même juska fadeso ade ALA kpengba nzoni pëpe,  teti ALA ngbâ azo ti mitele. Teti tongana mbanda na papa ayeke na popo ti ALA, ALA yeke azo ti mitele pëpe? na ALA yeke tambela tongana ti azo ti dunia so la pëpe?  Teti tongana mbeni zo atene: “Mbi yeke zo ti Paul”, na mbeni nde atene: “Mbi yeke zo ti Apollos”, ALA yeke tongana tanga ti azo kue pëpe?  Tongaso, Apollos ni ayeke zo wa? Paul ni ayeke zo wa? Ala yeke awakua so na lege ti ala, ALA ga azo so amä na bê, a lingbi na kusala so Seigneur amû na zo oko oko.  Mbi lu ye, Apollos atuku ngu dä, me Nzapa asara si a kono.  Tongaso zo so alu ye ni ayeke ye oko pëpe, nga zo so atuku ngu dä ayeke ye oko pëpe, me kota ye ni ayeke Nzapa so asara si ye ni akono.  Lo so alu ye nga lo so atuku ngu dä, ala kue ayeke oko, me zo oko oko ayeke wara ande futa ti lo alingbi na ngangu kua ti lo wani.  Teti e yeke sara kusala maboko na maboko na Nzapa. ALA, ALA yeke yaka ti Nzapa so a ngbâ ti dë ni, ALA yeke mbeni da so Nzapa si aleke. 10  A lingbi na kota nzobe ti Nzapa so mbi wara, mbi zia gere ti da ni tongana mokonzi-kua so ayeke na ndara, me mbeni zo nde si aleke da na ndo ni. Me zia zo oko oko angbâ ti sara hange na lege so lo yeke leke da na ndo ti gere ni so. 11  Teti mbeni zo alingbi ti zia mbeni gere ti da nde pëpe, gi gere ni so a zia ni awe, so ayeke Jésus Christ. 12  Me tongana mbeni zo amû lor, argent, atênë ti ngangu ngere, akeke na amara ti apere nde nde si lo leke na da na ndo ti gere ti da ni so, 13  fade kua ti zo oko oko ayeke sigigi polele, ngbanga ti so fade lango ni si ayeke fa kua ni na gigi, ngbanga ti so a yeke wâ si ayeke fa ande kua ni polele; na fade wâ ni ayeke tara kua ti zo oko oko ti bâ wala a yeke tongana nyen. 14  Tongana kua ti mbeni zo so lo leke na ndo ti gere ti da ni angbâ, fade zo ni ayeke wara futa. 15  Me tongana wâ agbi kua ti mbeni zo, fade zo ni ayeke girisa kua ti lo so, me ti lo fade a yeke sö lo; na tongana a yeke tongaso, a yeke duti mo bâ mo tene lo sigigi na yâ ti wâ. 16  ALA hinga pëpe so ALA yeke temple ti Nzapa, na so yingo ti Nzapa aduti na yâ ti ALA? 17  Tongana mbeni zo afuti temple ti Nzapa, fade Nzapa ayeke futi lo. Teti temple ti Nzapa ayeke nzoni-kue, na ALA la ayeke temple ni so. 18  Zia mbeni zo ahanda tere ti lo pëpe: Tongana mbeni zo na popo ti ALA abâ ti lo atene lo yeke zo ti ndara na yâ ti aye ti ngoi ti fadeso, zia lo ga zo ti buba, tongaso si lo ga zo ti ndara. 19  Ndara ti dunia so ayeke ye ti buba na lê ti Nzapa, teti a sû na Mbeti ti Nzapa, a tene: “Lo gbu azo ti ndara na lege ti mayele ti ala wani.” 20  Mbeti ti Nzapa akiri atene: “Jéhovah ahinga so atënë ti bê ti azo ti ndara ayeke senge ye.” 21  Tongaso zia zo oko apika kate ti lo pëpe na ndo ti azo, teti aye kue ayeke ti ALA, 22  atâa Paul, wala Apollos, wala Céphas, wala dunia so, wala fini, wala kuâ, wala aye so ayeke dä fadeso wala aye so ayeke ga, kue ayeke ti ALA. 23  Âdu ti ALA, ALA yeke ti Christ, na âdu ti Christ, lo yeke ti Nzapa.

Kete tënë