Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Bible na ndo ti Internet

MBETI TI NZAPA TI FINI DUNIA

1 Timothée 2:1-15

2  Tongaso, mbi wa ala kozoni kue ti voro tere ti ala na Nzapa, ti sara asambela, ti kiri singila na Nzapa, ti hunda Nzapa ndali ti mara ti azo nde nde kue,  ndali ti agbia nga na azo kue so ayeke na kota ndo, tongaso si e ngbâ ti duti kpô nga na siriri na gbungo tënë ti Nzapa ngangu nga na sarango ye na bê kue.  Sarango tongaso ayeke nzoni mingi nga anzere na lê ti Nzapa, Sauveur ti e,  lo so aye si mara ti azo nde nde kue asö fini ti ala na ala si na tâ hingango ye na ndo ti tâ tënë.  Teti Nzapa ayeke gi oko, na walekengo-songo na popo ti Nzapa na azo ayeke oko, mbeni zo, Christ Jésus,  lo so amû tere ti lo tongana mbeni ngere so alingbi na ni, so lo futa ti zi azo kue. A yeke ye so a yeke sara ande biani tënë na ndo ni tongana ngoi ni alingbi.  A yeke ndali ti fango tënë ni so si a zia mbi wafango tënë nga bazengele (mbi yeke tene tâ tënë, mbi yeke tene mvene pëpe), wafango ye na azo ti amara na ndo ti tënë ti mabe nga na tâ tënë.  Ni la, mbi ye si na ndo kue akoli angbâ ti sambela, na yorongo maboko ti ala na nduzu tongana abe-ta-zo, ala sara ni na ngonzo nga na dengo gaba pëpe.  Legeoko nga, mbi ye si awali asara pendere ti ala na yungo bongo so ayeke nzoni, na sarango ye ahon ndo ni pëpe nga na hange; ala sara pendere ni na sarango li ti ala na kode ahon ndo ni pëpe, na yungo lor wala aperle wala abongo ti kota nginza pëpe, 10  me na mbeni lege so alingbi na awali so atene ala yeke voro Nzapa, so ti tene na lege ti anzoni kusala. 11  Zia wali aduti kpô si amanda ye na wokongo tere kue. 12  Mbi mû lege pëpe na wali ti fa ye wala ti komande koli, me a lingbi lo duti kpô. 13  Teti a sara Adam kozo, si na pekoni a sara Ève. 14  Nga, a handa lani Adam pëpe, me a handa Ève biani si lo ke ndia. 15  Ye oko, na lege ti gango mama si a yeke bata ande awali, gi tongana ala ngbâ na yâ ti mabe na ndoye nga ala ngbâ ti duti nzoni-kue na batango bibe ti ala nzoni.

Kete tënë